ملاحظات على السيارة بعد الفحص

[أَبوابراهيم]

السلام عليكم

فحصت السيارة عند احد مراكز الفحص الكبيرة وبعد الفحص هذا الي قالو لي

السيارة كابرس LS
موديل 2002
8 سرندل

الي عليها بالون الاحمر ما اعرف وشي اتمنى احد يفيدني عنها

سيور+شدادات

صوفة مكينة خلفية + وجه

كرسي دفرنس

^^^
هذي الملاحظات

ايضا لاحظت شيء غريب .. الي هو الشكمان يقطر موية لا دعست عليه لكن باخر الدعسه يطلع دخان وريحته كربون الدخان تقريبا ابيض وماني متاكد انه ابيض اتمنى تفيدوني بهالشيء مع العلم ان السيارة ماتعدت ال200 الف

شاكر لكم ومقدر

[أبوسعيدان]

الشداد: هي قطعه توضح لك بعد فتح الكبوت ونظر لسير كامل وهي موصله بها وباقي البكرات

علامات الخراب :ضهور صوت شبيه صوت السير واهماله يؤدي الافسخ السير

السعرل6سلندر:170ريال اما 8سلندر ماعندي علم بس فرق بسيط





اما الوجه هذي صوره توضيحيه له
http://jacksautoparts.com/catalog/transmission/transfilter.jpg

السعر :لا اعلم




كرسي الدفرنس :وهو الكرسي اللي ماسك في الدفرنس ويمنع القربعه مع الحفر لوجود ربل به وليس ضروري تغييره

السعر لدرجة الاول(امريكي):60ريال



اتمنى اني افدك...

[أبوسعيدان]

اما من ناحية الشكمان اذا يظهر نقط ماء خاصه مع اجوائنا فهذا طبيعي

اما اذا يظهر دخان ابيض واذا زدت الدعسه زاد الدخان فهذا بداية تبويش والله يعينك

[أَبوابراهيم]

يعطيك العافية يابوسعد والله يبيض وجهك

وانا الي اعرفه انه لاطلع ماء مع الشكمان فهذا يدل على ان الماكينة ممتازة
لكن استغربت انه يطلع ماء ويطلع شوي دخان وريحته كربون

[أبوسعيدان]

^^^
مثل ماقتلك في السابق نقط الماء لاتشيل هم لانها عادية

بس اذا على كلامك اتمنى توديها لاقرب ورشة مختصه احتمال تكون مشكلتك بسيطه ماتتعدى راس المكينة افضل

من انك تتركها وتمشي حالك بها وتكون بعدين مكينة بكبرها

[صيادالجبيل]

الماء اذا كان يصب واجد ومستمر والاديتر تنقص مويتة فأن الوجية خربانة واذا بسيط وينقطع والاديتر مانقص فهو شئ طبيعي ولا فية اي مشكله والدخان اذا متأكد انك مشكل السيارة من وقت طويل واذا دعست بنزيت يدخن مثل ماقلت فهو بداية تبويش واذا كنت توك مشغل ودعسة دعستين وانقطع هذا جلد بلوف ولاتضر ولو غيرتها افضل ارجو اني افدتك .