حاله غريبة في مكينة الــ GXR

[العابر2222]

السلام عليكم ورحمة الله وبركاته

كيفكم اخواني الأعزاء

جيب الوالد الله يحفظه صارت له حاله غريبه اول مره تمر علي

السيارة جيب GXR موديل 2007

طبعا الوالد محافظ عليه وتشييكات في الوكالة حتى الحاجة الي نص عمر يغيرها

السالفه كنت جاي انا وياه وانا الي اسوق الجيب من البر مسافة 300 كيلو عن الرياض الساعة تقريبا 2 في اليل

يوم اقبلنا على الرياض ولعة لنمبة المكينة وقفنا
الحرارة طبيعيه ... عايرنا الزيت تمام زيت القير تمام الماء تمام كل شي تمام

قلنا بنمشي عليه للرياض مدام حالته طبيعية

المهم مامشينا تقريبا 10 كيلو يالربع طلع صوت انفجار في المكينة وبخار ماء الأديتر مع جنوب الكبوت

وقفنا وفتحت الكبوت الى المكينة مولعه من الحراره قسم بالله ريحة الأسلاك تصرعك ودخنه
والأديتر منفجر من عند الطبه الي فوق من جنب غطاء الأديتر مكان غريب


وانبير الحراره طبيعي يالربع طفينا الموتر ورشينا المكينة بموية لا تولع


المهم الصباح وديناه الوكاله جانا مهندس سعودي يعرف الوالد قال لا تنزلونه لو نزلتوه الله يعينكم علينا مافيه تصليح عندنا كل شي تغيير والمكينة لو فيها شي راح نغير مكينة على طول بــ 24 الف من غير الأديتر ومن غير الأشياء الثانية


قال اول شي غيرو له اديتر وشغلوه


نزلته من السطحه وعبيته مويه ومشيت عليه للبيت والمويه تصب من فوق ولا ارتفعت الحرارة ولاهم يحزنون اللهم صوت طقطقه خفيفه في المكينة


وقبل شوي جاء عامل وفك اديتره في البيت وبكره بيجيب له اديتر يركبه


والله مدري وش ذى المشكله الي مرت عليه يعلمنا

هل البلف اذا قفل يسوي زي كذا بدون ما ترتفع حرارة الأمبير


والي يخبر لنا ورشة توضيب او كشف ممتازه يعلمنا لأن المكينة عقب الي شفته مااضن انها مطوله

[HAS5SAN]

اولاً
الله يكفينا شر أهل الشر
اقسم بالله اني ماشاوف شيء
حلو إلا وأقول بسم الله ماشاء الله تبارك الله
ياخي الناس صارت ماترحم
قريب لي شرى جيب لكزس إلك إكس 570 فئة دي دي
وماكمل 800كيلو فقط راح يعزي عند ناس
وطلع من عندهم و11كيلو إلا وهو منقلب ومتوفي
فالله يغفر له وانت الله يكون في عونك
ثانياً
شيك عل طرمبة الماء وبلف الحرارة والمراوح
والمفروض المفروض إنبير الحرارة يعطي قراءته
ياليت تفيدنا وش يطلع معكم
وحسبنى الله ونعم الوكيل

[sameer_1798]

إنا لله وإنا إليه راجعون .... الله يهون عليكم ياخوي ويخلف لكم بأخير منه
أشوف انك لو تبيعه أفضل لك واشتر غيره إن كانت اللي فيه عين عزالله ماتفكه لين مايروح فيه أحد والله يستر عليكم
هذا احنا كان عندنا هايلكس مدبل مافيه مثله بالديره طلعت لنا خرابات غريبه وابتلشنا به واخرها انقلب فيه الوالد وراح هو وولد عمي الله يرحمهم جميع .

[مخايل البراق]

لاحول ولا قوة الا بالله
اذا كان القير اوتوماتيك تأكد من مبرد زيت القير لانه مشبوك بمواصير برديتر الموية

[العابر2222]

اولاً
الله يكفينا شر أهل الشر
اقسم بالله اني ماشاوف شيء
حلو إلا وأقول بسم الله ماشاء الله تبارك الله
ياخي الناس صارت ماترحم
قريب لي شرى جيب لكزس إلك إكس 570 فئة دي دي
وماكمل 800كيلو فقط راح يعزي عند ناس
وطلع من عندهم و11كيلو إلا وهو منقلب ومتوفي
فالله يغفر له وانت الله يكون في عونك
ثانياً
شيك عل طرمبة الماء وبلف الحرارة والمراوح
والمفروض المفروض إنبير الحرارة يعطي قراءته
ياليت تفيدنا وش يطلع معكم
وحسبنى الله ونعم الوكيل

هلابك أخوووي

الله يعين بس ... خلها على ربك

وبالنسبة للمراوح وكل شي شغال تمام ... وعزمه تمام

[العابر2222]

إنا لله وإنا إليه راجعون .... الله يهون عليكم ياخوي ويخلف لكم بأخير منه
أشوف انك لو تبيعه أفضل لك واشتر غيره إن كانت اللي فيه عين عزالله ماتفكه لين مايروح فيه أحد والله يستر عليكم
هذا احنا كان عندنا هايلكس مدبل مافيه مثله بالديره طلعت لنا خرابات غريبه وابتلشنا به واخرها انقلب فيه الوالد وراح هو وولد عمي الله يرحمهم جميع .

الله يرحمهم ويرحم موتى المسلمين

الله يكفينا ويكفي المسلمين شر العيون

هذا ثاني جيب موديل 2007 الأول راح تشليح انصدم وهو فوق سطحه وهذا الثاني شكله بيلحقه

وكل شي مكتوب ومقدر

[العابر2222]

لاحول ولا قوة الا بالله
اذا كان القير اوتوماتيك تأكد من مبرد زيت القير لانه مشبوك بمواصير برديتر الموية

هلابك أخوي

ايه القير تماتيك بس ما نقص ولا خلط مع الماء ابد

ولو خلط بترتفع الحرارة وبيوضح على الموتر في تعشيقاته وفي عزمه

[الكلاسك]

كان معي كراسيدا زمااااااااان فاكها جديده ماااشي في اماان الله شوي العداد الحراره يرتفع يززززيد يزززيد فجاه بس اني منت منتبه للعدادات دائما واسفط واحصل مافيه اي تهريب.
شيكت عليها وفكيت الكوع لقيت البلف منفك جوا وحابس الماء غيرته وظبطت

[راعي الخريب]

الله يهون عليك
وده الورشه وخلهم يشيكون عليه يحتاج توضيب او لا
اذا يحتاج وظبه
واذا مايحتاج
اخذلك مكينه واذا فالسعوديه غاليه
اخذها من الامارات
لاتبيع الموتر ولا شي
مايصيبك الا ماكتب الله

[منصور الفايز]

وعليكم السلام

الحمد لله على السلامه وانا اخوك ...
اتوقع .. ان المشكله طرمبة الزيت والله اعلم..

الله يوفقك ويستر عليك

[ولدالديره009]

السلام عليكم ورحمة الله وبركاته

كيفكم اخواني الأعزاء

جيب الوالد الله يحفظه صارت له حاله غريبه اول مره تمر علي

السيارة جيب GXR موديل 2007

طبعا الوالد محافظ عليه وتشييكات في الوكالة حتى الحاجة الي نص عمر يغيرها

السالفه كنت جاي انا وياه وانا الي اسوق الجيب من البر مسافة 300 كيلو عن الرياض الساعة تقريبا 2 في اليل

يوم اقبلنا على الرياض ولعة لنمبة المكينة وقفنا
الحرارة طبيعيه ... عايرنا الزيت تمام زيت القير تمام الماء تمام كل شي تمام

قلنا بنمشي عليه للرياض مدام حالته طبيعية

المهم مامشينا تقريبا 10 كيلو يالربع طلع صوت انفجار في المكينة وبخار ماء الأديتر مع جنوب الكبوت

وقفنا وفتحت الكبوت الى المكينة مولعه من الحراره قسم بالله ريحة الأسلاك تصرعك ودخنه
والأديتر منفجر من عند الطبه الي فوق من جنب غطاء الأديتر مكان غريب


وانبير الحراره طبيعي يالربع طفينا الموتر ورشينا المكينة بموية لا تولع


المهم الصباح وديناه الوكاله جانا مهندس سعودي يعرف الوالد قال لا تنزلونه لو نزلتوه الله يعينكم علينا مافيه تصليح عندنا كل شي تغيير والمكينة لو فيها شي راح نغير مكينة على طول بــ 24 الف من غير الأديتر ومن غير الأشياء الثانية


قال اول شي غيرو له اديتر وشغلوه


نزلته من السطحه وعبيته مويه ومشيت عليه للبيت والمويه تصب من فوق ولا ارتفعت الحرارة ولاهم يحزنون اللهم صوت طقطقه خفيفه في المكينة


وقبل شوي جاء عامل وفك اديتره في البيت وبكره بيجيب له اديتر يركبه


والله مدري وش ذى المشكله الي مرت عليه يعلمنا

هل البلف اذا قفل يسوي زي كذا بدون ما ترتفع حرارة الأمبير


والي يخبر لنا ورشة توضيب او كشف ممتازه يعلمنا لأن المكينة عقب الي شفته مااضن انها مطوله

اخي العابر
السلام عليكم
ارجو من الله ان يهون عليكم واعتقد في الامر انكم شيكتو على الماء بالقربه ولكن الاديتر لم يتم فتحه صحيح ام لا وهذا يدل على ان البلف قافل ولم يفتح لنزول الماء البارد فتم رجوع الماء المضغوط مع الخرطوش المعاكس من شدة الحرارة . اما امبير الحراره فهو اكيد خربان لذا لم يعطي قراه صحيحه ارجو التأكد من البلف (منظم الحراره)وبخصوص الصوت قد يكون من اجزاء حساسه مثل الالمنيوم الذي يتأثر من الحراره بسرعه
ارجو ان يفك لغز ماصار واتمنى لك التوفيق وجميع المسلمين . وتقبل مروري

[العابر2222]

اشكركم أخواني على التفاعل والردود

بالنسبة أخوي ولد الديرة ... الأديتر جايه ارتداد قوي من المكينة انكسرة الطبه الي فوق .. والمويه ماهي ناقصه ابد ... بس فيه سبب ارتدة المويه على الأديتر بشكل فضيع

[ولدالديره009]

اشكركم أخواني على التفاعل والردود

بالنسبة أخوي ولد الديرة ... الأديتر جايه ارتداد قوي من المكينة انكسرة الطبه الي فوق .. والمويه ماهي ناقصه ابد ... بس فيه سبب ارتدة المويه على الأديتر بشكل فضيع

تأكد ياخي من البلف اكيد مقفل من الصداء
ان شاءالله يكون منه وتنفرج المشكله موفق يالغالي

[النبع الصافي]

الله يعينكم وييسر أمركم
خل تغيير المكينة أو توضيبها آخر آخر آخر الحلول
لأن نسبة أن المكينة تتأثر بموقف بسيط مثل هذا ضعيفة جدا
المكينة لو مشيت عليها وحرارتها مرتفعة وبدون ماء ولو وقت طويل ما تخرب مباشرة وخاصة أنها مكينة كبيرة مثل الجيوب والجموس,,,
هون على نفسك وتراها سهلة بعون الله
موفق

[عبدالله //]

هلا بك يالغالي ان شاءالله الامر بسيط توكل على الله ... قبل اسبوع حصلت فكسار نفس كلامك الطبه منفجره كلمت راعي الفكسار قلت البلف اكيد خربان .. فكو البلف حصله خربان واذا قير تماتيك ممكن يكون مبرد القير . ولا الطرمبه . وشكرا

[عمر الشريف]

ماشوف شر ونا أخوك الأمور بسيطه إن شاء الله
شيك على البلف لأن أغلب المشااكل منه
تفااااول بالخير إن شاااء الله واالدك يتهنا به وينبسط

لك كل المحبه والإحترااام

[مركز حراره]

الرديتر مايحتاج يبدل تتبدل القطعه الي فوق لحاله تجي اصليه 260 تقريبا لاتبدله

[بدوي جنوبي]

المفروض الوالد يشتكى على الوكاله
دام انه يصين عندهم بأستمرار
المحرك ما يصير فيه عطل مفاجى الا بسبب الاهمال في الصيانه

وصدقنى وكلام ثقه من واحد أشتغل في شركة تويوتا يقول والله ما نغير أغلب القطع
حتى الزيت يحلف بالله ما يغيروه ،،،،

رجعو السياره للوكاله وانشبوا لهم وشوفو آخر صيانه لها متى ؟
وشوفو كم التكلفه وكم قطع الغيار اللى تم تغييرها

والوكيل مو على مزاجه يغير لك محرك بقيمة 24 الف
أجل ويش فائدة الصيانه الدوريه
المفروض يكشف على السيارة ويشوف العطل
هو قال تغيير محرك عشان يفك نفسه .

أو تكشفو على السياره عند مركز ثقه وتشوفو وين الخلل وخذ تقرير بذلك
وتتجه للوكاله وتطلب ملف الصيانه الدورية وتشوف القطع اللى تم أستبدالها
هذا في حال انهم غيرو اى قطعه . وأنا متأكد ان الخلل سوء صيانة وليس سوء أستخدام
وكلاء نصابين عصابة تمتهن الغش

[العابر2222]

اشكركم اخواني على المشاركه

البارح ركبت الأديتر وعبيناها مويه عاديه (للتجربه) فقط

الأمور كلها تمام لمبة المكينة طفت و امبير الحراره اشتغل زي الحلاوه - البلف شغال - طرمبة المويه شغاله

رحت عليه فريت مسكتبه خط كل شي تمام

وخليته شغال اكثر من ساعتين كل شي تمام

والله شي يحير
==============

بروح اغير اليوم البلف وحساس الحراره للأحتياط