رجه بليوكن هبلت بي

[عبقري91]

السلام عليكم--------------
قبل امس نزلت موضوع عن عمود الدبل -----قلت يمكن الرجه منه ----دخات السياره بلبيت نزات عمود الدبل وطلعت وجربت السياره ولا كني سويت شي الرجه تبدا من 100 وطالع البدي كله يرج طبعن بس رجه بصيطه لاكن تحس فيها وتضيق الصدر خاصه اذا حمات غراض ورا ةارتفع الوجه تقوا وهي والله اعلم من الجهه اليسار قدام----والعمودكان يسار ونزلته سويت ترصيص ارضي ولا فاد لان لو رجت كفرات الدركسون يرج ---ولو عكس دبل اذا لفيت وانا مشغل الدبل بنفود تسمع طقطقه هل هل هل هل يوجد سبب اخر لرجه يوكن قصير دبل امريكي 2002 جنط 17 كفرات بل اليوكن الجديد نسيت اسمها

[يكفيني نظرة]

شيك على الصليبات..

[YUKON_GMC]

تأكد من الكفرات انها سليمه ماهي محبنه او متنفخه وتاكد من ان الجنوط اصليه ولافيها عمود

اما الصوت اذا لفيت فاحتمال انه العكس الايسر الامامي له رمان بلي

افحص الموتر عند كم واحد ولاتصلح فقط فحص واللي يقرورنه او يجتمع عليه اثنين ثلاثه سووه

[مخاوي جهام]

إذا كانت الأذرعة سليمة فافحص كراسي الماكينة وكرسي القير والدبل

[بدوي جنوبي]

هل الفلنجات سليمه
يعنى تسمع صوت أحتكاك حديد بحديد

[محرين باالخير]

شف وانا اخوك حاول تنزل العكس الي من يمه تتوقع الرجه فك المسامير السته الداخليه لم الفلنجه مقاس 14 وفك الصاموله الي وسط الهوب حقت العكس واسحب العكس برا وجرب 0
بهذا تصير حسمت امر العكس والفلنجه الداخليه حقت الدبل وعسا يبين معك ........ تحياتي

[YUKON_GMC]

^^
لاتوهق الرجال .. لو سحب العكس ومشى على الفلجه بدونه مايمشي نص كيلو الا ينفرط الرمال ويطيح الكفر الامامي ..

لأن الفلنجه قطعتين واللي يظمها على بعضها راس العكس

http://images-en.busytrade.com/83364800/KIA-Pride-Cv-Joint-MZ5023.jpg

-------------------------------


http://images.gasgoo.com/MiMwMDRfMDA0Izk2NTE4MDEwMA--/auto-part-cv-axle.jpg

[عبقري91]

بيض الله اوجيكم وجزاكم الله خير
انا فكيت ترا عمود الدبل----- وتو واصل الرياض 200 كيلو لصوت حنه ولا ونه حتى الفلنجه الي يسار مغيرها جديده من 3 شهور ----------رجه بصيطه بلبدي ورجه بصيطه بدركسون ونسمت بلكفرات شوي مع انها جديده من 2شهر مركبها قلت يمكن محبل ولا تغير شي هي هي


واذا ضربت مطب تحس بنفضه بسياره والدركسون

[بيارق 312]

انا اقترح انك تشيك على عمود الكردان يمكن فيه عفت
او شيك على الجنوط
والله يعينك

[YUKON_GMC]

دام تقول فيه صوت مع لفة الدركسون يسار ... احتمال كبير العكس الايسر

لكن تأكد من مسامير وصواميل الاذرعه ودودة الدركسون لايكون فيه فضاوه بالدركسون او الاذرعه

[العمده 0ون0]

وعليكم السلام ورحمة الله وبركاته


ياالغالي تأكد زين واكشف على ( ذراع الشاصي) لايكون فيه فضاوة في كثير من الاحيان يكون هو احد اسباب الرجة بعد اخذ اي مطب حتى لو كان بسيط0


هذا والله اعلم0


والله يعينك ويسهل امرك 0
:lr:f:lr

[الرميح الحربي]

شيك على العكوس احتمال كبير

[salih100]

اذا انت تنسم الكفرات وتنفخ كل شوي يعني راعي نفوذ فهذا الترصيص ضاع يعني كل مره لازم ترصص فاحتمال كبير كبير انها من الكفرات والجنوط ياخي أبداء باليسير فك جنوط وكفرات اي واحد من الربع وركبهن ع موترك وشف قبل الخساير والورش