من عنده خبره ينقذني بلحل المقنع

[ابورقه]

انا عندي باترول توني شاريه99 نضيف بخاخ مره مشالله عليه لا اجيب العيد فيه. ههه. بس ذبحني يالله يجيب ميه وستين ويوقف ويصرف صرف الويل ذبحني وش الحل واحد يقولي ركب طرمبة لكزز وثاني يقول بي ام والي يقول فكسار والي يقول فتك والله اني في دوامه ابي الحل وابي طرمبه تزيد عزم وتققلل الصرف ادري اني اطلب المستحيل لاكن ابي من واقع تجربتكم ابي كل يدلي بدلوه وربي لايحرمكم الاجر

[ابوسند9]

اخوي حياك الله
بالنسبه للصرفيه اول شي غير البواجي وفلتر الهواء وشف لك مكنيكي فنان يوزن الديلكو لان الصرفيه وثقل السياره غالبا تكون بسبب وزن الديلكو فا الديلكو حساس جدا لازم مكنيكي فاهم
اما اذا منت بتغير الطرمبه فا طرمبة الفكسار افضل
اكرر تاكد من نظافة فلتر الهواء اذا يبغى تغيير لانه احينا يكون سبب الصرفيه اي يكون نسبه الهواء ونسبة البنزين غير متساويه

[ابورقه]

ابو سند الله لايهينك على مرورك غيرت فلتر وصفايه وبواجي ولانفع وزن ديلكو ماوزنت ولا اتعبث فيه يتغير علي وشكرااا

[الكلاسك]

جرب بنزين 95 :good2: ...
شكلك تعبي من البنزين الرديئ 91!!:mad: :mad:
ولاحظ الفرق :good:

تحياتي

[الا سير]

160 فيها الخير والبركه
بالنسبه لي ما انصحك تغير الطرمبه مدام السياره صافيه ولافيها تقطيع
اما الديلكو اوزنه بمسدس الليزر هوادق في الوزن
وركب فرارات تراها تقلل الصرفيه شوي ويخف معاك الموتر
واخيرا الجيوب عامه تصرف خصوصا في المدن
يعني لابغيت تحكم على موترك عبه فل وامسك عليه خط
بسرعه معقوله وشوف كم كيلو يقطع
واسال اهل الجيوب الي نفس نوع جيبك
اذا فيه فرق واجد
ابدا بالبحث عن اسباب المشكله من البسيط الى الصعب
معليش كثرت عليك الكلام

[ابورقه]

الله لايهينكم وانا اعبي احمر وكيف اعرف ان سيارتي تبي وزن ديلكو وشكرا

[YUKON_GMC]

الصرفيه بالباترول عاديه وبرضه الثقل عاديه

يعني تقريباً هو كذا ثقيل طينه خلقه