من له خبر في الخرازه هذي يفيدنا مشكور .

[الله وأكبر]

بسم الله الرحمن الرحيم

السلام عليكم ورحمة الله وبركاته ..

نبي يفيدونا ويستفيد الجميع من اهل الخبرة ( خرازه 96 تشيكيه ) هل تنصحون فيها من ناحية القوه و اي دربيل يركب عليها وكم سعرها حاليا . ولكم تحياتي
http://im12.gulfup.com/2011-11-19/1321729348351.jpg

[عالي الكيف]

يالغالي هذي اللي يوصي عليها الطبيب

وبالنسبه للدربيل ما افيدك فيه (( يغث في كل طلعه لازم تازنه ))

[عالي الكيف]

واذا هونت عنها عطني خبر يالغالي

[المدار المدمر]

وعليكم السلام ورحمة الله وبركاته

مساء الخير على الجميع

خرازه البرنو عموما تعتبر من اجود الخرازات وتتحمل الكرف وقطع غيارها متوفر وارتفعت اسعارها مؤخرا للاسف

انا عندي برنو زكم 96 ممتازه جدا من ناحيه استعمالها ودقتها وهذا في جميع خرازات البرنو

قبل الشراء تاكد من نظافتها ( السبطانه والاخشاب )

وانصحك فيها لو كان سعرها مناسب

[المدار المدمر]

يالغالي هذي اللي يوصي عليها الطبيب


وبالنسبه للدربيل ما افيدك فيه (( يغث في كل طلعه لازم تازنه ))

الدربيل لو كان من الانواع الممتازه ماراح يتغير وزنيته ابدا ( الا لاطاح البندق منك او جته ضربه قويه او شي من هالقبيل )

واحد يقول دربيلي على البندق من عام 21 وماتغيرت الوزنيه

لكن اتوقع انك تتكلم على الانواع الرديئه مثل الصينيه وغيرها فاكيد راح تتغير باستمرار

وازيدك من الشعر بيت بعض الدرابيل لو تفكه وترجع تركبه على البندق مره ثانيه ماتتغير

وزنيته وهذا لجوده الصناعه

[الشرطه]

من أفضل موديلات البرنو هي المصنعه مابين 1990 إلى 1997

والسعر حسب النظافه مابين الـ 5500 إلى 7000 ريال والله أعلم ,,

[Abo gssar]

ممتازة واي دربيل تقدر تركبه عليها

[الله وأكبر]

حقيقه ما قصرتوا وشكرا على تفاعلكم الطيب وردودكم الرائعة صحيح يوجد لدينا خبرات في هذا المنتدى العريق.

[السفير2011]

فيه نقطه مهمه فى الــ 96 ويجب الحذر منها الى هى خفه الزناد اكثر من جميع الموديلات الاخرى

أما بالنسبه للدقه فالبرنو التشيكيه والالمانيه مافيها كلام رميها قرار


وبالنسبه للدربيل أذا نظرك زين فأنصحك نصيحه خلك على النيشان لانه أدق من الدربيل , لان الدربيل يبي له ثبات اثنا الرمايه على ركيزه او على مرايه السياره بينما النيشان يمديك ترمى وانت جالس وواقف وممتد وتصيب هدفك فى كل الظروف .


ارجوا ان اكون افدتك,,

[انس الحارثي]

يالربع انا ادور خرازه برنو تشيكيه نظيفة جدا او جديدة
من عنده شئ يراسلني ع الخاص والسعر مانختلف فيه ..... انا بالغربية

[وآفي]

ألي ييخبر خرازه نظيفة يراسلني

[الله وأكبر]

بسم الله الرحمن الرحيم

السلام عليكم ورحمة الله وبركاتة

شاكر لكم مروركم الكريم .. وانا حاولت اشتريها من الرجال لكن مغليها شوي ولا شريتها.. حتى الان .

[عاشق ام حبه]

عندي خرازه برنو 96 مسيومه مني 5000 حادها ب 6000 نظيه مره اذا تبيها ارسلي خاص