جكسار او فكسار ادخل

[ولد روووق]

انا الحمد لله راتبي بيكون ثلاث الف وانا الحمد لله ماوراي زواىج ولاوراي التزامات اكل شارب منعم من خار الله الله لا يزيلها دامها كذا ابطق جيب فكسار او جكسار بقسط مايتعدى الالفين وخمس مية بالايجار المنتهي بالتمليك وان ضاقت على الفلوس ارجعه الهم وش قلتوا

[ولد روووق]

رفعععععععععععععع

[الحربي f15]

اخوي رتبك3000بعد بتقاصد جيب٢٠١٢كم تسرف بنزين وكم بتاكل ياعني انصحك لا تشري ويذا فكرت بزوج ما تقدر تاخذ لين بيصر رتبك قليل
تقبل تحياتي الحربيF15

[السويدي رماح]

اخوي انا ناصحلك استخر الله
وخل راتبك ينزل صافي والسيارة لاحق عليها انشا الله لين تزين الامور ويزود الراتب

[ولد روووق]

مشكورين انا ماني في حاجة الراتب الحمد لله اكلر شارب منعم علي الله انا ابا لاطاح المطر اخايله

[جي اكس ار2000]

التمليك يحتاج ثلث الراتب اي 1000 ريال فهل يعطونك جيب؟؟؟ طبعا لا ولاتنسى ان الله عنده تيسير الامور خذلك سيارة دبل مستعمله لان البنك سوف يعطيك حوالي 60000 على قسط شهري 1000 لمدة 5سنوات

ودمت بخير

[النجم السراي]

نصيحة انك تصبر الين تزين امورك وبعدين فكر بالسيارة والا مثل ماقال اخوي جي اكس ار 2000 قرض من البنك

[اتجاه السحاب]

استخر ربك واشتر سياره على قد فلوسك
اسأل الله ان يرزقك ماتتمناه عاجلا غير آجل,,

[ولد روووق]

الوظيفة المشكلة انها ماهيب مضمونة يعني اي وقت يقولون توكل على الله ولاقد اقترضت

[ولد روووق]

الللي بسوية ابقسط سيارة واذا ماعندي خلهم ياخذونها بكيفهم مشكورين واللي عندة افادة لايبخل وشكرا

[الكمبيوتر]

بتدفع مقدم سبعين وبياخذونهابارده مبرده ثم تتشكى

اقول خل المهايط عنك ومجانين اذا عطوك

لاينطبق عليك مثل البدو

الي يقول مكبر ...... بالرقع

ابلع العافيه وخذ داتسون او هايلكس

ماينفع جيب والحاله يعلم بها الله

يقولون مد رجليك على قد لحافك

[ولد روووق]

بتدفع مقد وبياخذونها ثم تتشكى

اقول خل المهايط عنك ومجانين اذا عطوك اكبر من حجمك

لاينطبق عليك مثل البدو

الي يقول مكبر ...... بالرقع

ابلع العافيه وخذ داتسون او هايلكس

ماينفع جيب والحاله يعلم بها الله

يقولون مد رجليك على قد لحافكانا اهايط !!!!!!!! اكبر من حجمي!!!!!!!!ابلع العافية!!!!!!!

[الكمبيوتر]

كلامي سليم وبالعقل وقصدي والله النصيحه لاتعرفني ولا اعرفك لكن من باب الاخوه


تقول راتبك بحدود ال اربعه الاف 4000 وبتاخذ سياره بحدود ال الميتين الف 200000

يعني اولا ماراح يعطونك ثانيا كم تعطيهم مقدم فوق السبعين الف ومن بيكفلك

والاقساط راح تكون الفين يعني عشر سنين ماخلصت لا وهذا غير الفايده

يعني بيطلع الموتر عليك بحدود ال ثلاث ميه ماهو حرام

فكر زين لاتبلش عمرك بتقسيط بدون فايده خلك بحدود المعقول

كلنا نبي سيارات زينه لكن الفلوس ماهي على كيفنا وماتجي بالسهل والحوادث كثيره

يعني وربي بتتعب تعب ماعمرك شفته عشان قطعة حديد

دور مستعمل بحدود المعقول راجع حساباتك زين

والله يوفقك ويرزقك من واسع فضله من حيث لاتحستب وليس ذلك على الله بعزيز

[فاقدخوي]

الله يرزقك
وليس ذلك على الله بعزيز

[الطفشاااان]

فاقد خوي ممكن ترسل لي رقمك على الخاص

ضروووري

[ولد روووق]

مشكورين كلكم واللي عندة افادة حنا طماعين ولاتزعلون اللي افدتوني شكلي بشتري رحول واكشت بها لاجيب لاخرابيط

[خيال الغلبا]

رحول

هــــــــــــــــأ عاد

هالحين عرفت العلم

[ابوسند9]

اخوي ولد روق
الشباب ما قصرو اعطوك العلم
والسياره وسيله وليست غايه
والله ان يخلص عمرك وانت تقصد ولو ينصدم واللى يمخش ان تخسر فيه 70 الف
وبعدين فكسار واللى جكسار انا وجهة نظري وش فيه زود واللى لا شكل ولا منظر ولا هو شخصيه وديكور اسود يجيب الهم وب حدود 300 الف
شف لك فكسار الشكل الاول وبحدود 80 الف اذا انت معزم واذا بغيت تبيع سعره فيه
تحيه لك

[sami200]

نامل من المشرفين حذف الموضوع لانه لايمس للواقع بصله وغير منطقي

[سليمان 10]

انا اقول لك خلك شريطي وبع واشتر وترزق الله وخل شعارك الصدق والامانه والاكل والشرب ماهوب دايم لازم تعتمد على الله ثم على نفسك الله ينفع بك الاسلام والمسلمين 000

[sultan911]

ياحليلك الي راتبه عشرة الاف ماعطوه ويعطونك انت
هذا حنا نبي نكشخ في يومنا ونسينا بكره
متى ناوي تتزوج وتتوقع ان تكاليف الزوج بتجيك لافكرت فيه واليوم كل شي غالي وانت تبي تخايل المطر في ذمتي ماتهتني بمخايله لاذكرت 300الف علي ظهرك
لاتزعل اخوك خايل المطر قبلك وتحسف الف مره بس ماتفيد الحسايف وانا وضعي احسن من وضعك اقل شي كان سعر السيارات مايتعدى الميه وتكاليف الزوج كانت قليله اليوم كل شي زاد اضعاف مضاعفه سولك تجربه وخلك كنك متزوج وروح اثث واستاجر واحجز صاله وشوف كم يكلفك
اخوي فكر في بكره قبل اليوم
وفيه جيوب سعره رخيص وتصلح للبر افضل من جديد يكسر ظهرك

[ولد روووق]

نامل من المشرفين حذف الموضوع لانه لايمس للواقع بصله وغير منطقي
اول معجبك الموضوع اطلع مواضيع مكشات وش كثرها ولاانا بقطع رزقك:good2:

[ولد روووق]

مشكورين حتى اللي خالفنا ابدور نيسان تماتيك ميتعدى ثلاثين الف

[أميرالعشاق]

والله أنك........روووق:):):)
هذا طموحك!!الله يرزقك..
قول آمين/الله يطول عمر اللي رباك لحدما كبرت وصرت تستلم راتب وفوقها آكل شارب نايم....
بس وأنا أخوك/تذكر حديث النبي (صلى الله عليه وسلم)/
((إخشوشنوا ..فإن النعم ..لآتدوم))
اليوم تفكر في سيارة تكشخ فيها..وبكرة تفكر في مصاريف البيت والطلبات والفواتير..
والله يرزقك بالذرية الصالحة..ويمكن يطلع واحد من اولادك يكون طموحه ..طائرة خاصة:):):):)
وختاماً/
الله يرزقنا وإياكم والمسلمين طاعته ورضاه وستره وتوفيقه
ويرزقنا وإياكم والمسلمينرضا الوالدين
ويرزقنا وإياكم والمسلمين بالرزق الحلال المبارك
ويرزقنا وإياكم والمسلمين صلاح الأهل والذرية
ولكم مني كل الود

[ابوراكان تبوك]

طيب وش رايك بالكزس

انت تطقطق علينا يا ولد روق مره بعارين ومره سيارات ومره مزارع بمليون ( مساء الخير )


الله يوفقك

[ابا الصلابيخ]

حلك عندي بسيط

دورلك دينصور ثنية

واشترها بباقي فلوسك وبعد سنة تجيبلك دينصورة وبعد كم سنه يصير عندك ذود دينصورات

وشارك بأم رقيبة وتجيك الملايين

انت وين غادي ياولد روق الفكر طيب

[برق الجهمه]

يارجال في جيوب زانه وتمشي الحال ماتعدى 30 الف حتى لو موديلها متاخر

[MANSOR QATAR]

اخذ لك ددسن ابرك لك :)
عشان اذا شريت مزرعة تنفعك واذا شريت الابل تنفعك :)

[ولد روووق]

سلام وعليكم انا قريت الموضوع الظهر ووجهي صار طماطة قلت ابرقد واذا صحيت ارد
اللي سب قبيلتي له رسالة على الخاص
اما اللي سبني شخصيا فانا مسامحة ومحلة ومبيحة وجزاة الله خار على سبه وذمة الي
وكلكم اجمعتوا على ان مواضيعي غير جدية وانه كل يوم طالع بقصة جديدة نوب بشتري مزرعة ونوب بشتري جيب ونوب ونوب
ابسالهم هل التفكير والتخيلات حرام
هل الفتوحات الاسلامية جات بدون تفكير
هل الكهرباء جات بدون تفكير الانسان لازم يفكر ومهب عيب
ثانين انا والله مخذت ريال واحد اذا شاركت واذا ماشاركة اذا شاركة اخذت والله اغلى من مليون ريال وان ماشاركت على كيفك ماجبتك غصب
دامني ماجبت مواضيع مخالفة للانظمة والقوانين والتعهد اثناء التسجيل ياناس على تسيفي لو ابروح للقمر
انا باخذ استهزاكم بي بحسن نية اما سوء النية بعيدة
وانا الحين اعلمكم والله اني عاطل عن العمل ونوب افكر اتوظف واسوي واسوي بعضها تخيل غير معقول وبعضها معقول انا اعلمكم عشان التخيل الغير معقول يروح باستفساركم يعني اذا جا تخيل غير معقول تقولون لي هذا غير معقول اتمنى اني وصلت الفكرة وبابي مفتوح للنقد الهادف والبناء لالنقد باستهزاء وشكرااما اللي يقول اخشوشنوا اقول له يعلم الله اني ماتميعت واني اصرح وادوج فالدواير الحكومية تسني شحاذ الامضاء نحن ولدرووق
اما

[ولد روووق]

رفعععععععععععععععع

[اتجاه السحاب]

حلك عندي بسيط

دورلك دينصور ثنية

واشترها بباقي فلوسك وبعد سنة تجيبلك دينصورة وبعد كم سنه يصير عندك ذود دينصورات

وشارك بأم رقيبة وتجيك الملايين

انت وين غادي ياولد روق الفكر طيب
ويصير معك فكسار تلاحق الدينصورات,,:p

[متعب السليمي]

برق ماترعاه لاتخيله

[ابوراكان تبوك]

هاذا انت قلتها يا ولد روق
ما انت مشتري شيء ولا حتى موظف وفاتح موضوع وتناقشنا بجدية كأنك بكرة بتشري
ولا تزعل من ردود الاعضاء لأنك كل شوي ناقز بشغله ومشروع وانت ما انت جاد وهذا واضح من كثر مواضيعك وبالأخير تزعل من انتقادهم
عموما الله يوفقك وخل التفكير والمشاريع بعدين قبل تشيب بدري

[برق الجهمه]

^


ابوراكان


مافيها شي انه ياخذ معلومات تفيده من اصحاب التجربه وياخذ شور الرياجيل .. لكن المشكله في اللي ماعنده سالفه ولايعرف الصح من الغلط وجاي يخرب موضوع الرجال بكلام اقل مايقال عنه استهبال وفضاوه .. وترى ولد روق ماضرب احد على يده وقال ادخل في الموضوع اكثر ماكثر الله في مكشات المواضيع اللي ما اعجبه الموضوع مهوب ملزوم يرد ..
والله يوفقك ياراعي الموضوع

[ديرتي نجد 999]

وانا اخوك الرجال يصير نظرته بعيده

حتى لو فكرت تنبسط سنه سنتين ثلاث 00 الدين يضيع مصالحك

بما أنك مكفول محفول 3000 اصرف منها 500 والي تفكر تقاسطه خله ادخار

بكرة تزوج ويصير عندك اعيال والي مدخرة تستفيد منه لأسرتك ونفسك وما هو يستفيدون منه اهل الشركات

ترى الي ما يغنم المراجل في صباه يعجز عنه مشيبه

والرجال اليا وصل الأربعين وهو ما سوى شي تراه ماهو مسوي شي لين يموت

والله وانا اخوك اخذنا الدنيا تجارب ماهو قول يقولون

شوري عليك اقضب ادريهماتك تحصلهن وقت العازه

[khhh]

خذ قرض ودفعة مقدم وقصد الباقي وزحفففففففف زحف ابسط والله ان كفوا تجمععععععععع الفلوس لية ياخي اطنخ عمرك وفلة

[khhh]

:director:ابا صلابيخ وش سالفة الدينصورات معك هااااااه منت مضبوط كل موضوعك فية دنصورات شكلك دينصور يمة المنتدى يخوف

[ابا الصلابيخ]

ويصير معك فكسار تلاحق الدينصورات,,:p
الله الله وتمشي وتعاين الدينصورات منها الشقح والصفروالوضح

[khhh]

يستسبك في عقول القراء

[ولد روووق]

انا كتبت رد طويل بس اني الغيتة بالمختصر ان جازتلك مواضيعي الحمدلله هذا اللي ابه ماجازت مرمرور الكرام ولاتحكي الابخار او اصمت دام اني مسويت مواضيع مخالفة مكشات للجميع وشكرا
للي مسوي يطقطق والله ماهمني يعلم الله نيتي طيبة معكم



افر ترك المنتدى لكن لاستطيع