استفسار عن اسعارلاند99 الله لايهينكم

[ابوعبدالله العرفج]

السلام عليكم ورحمة الله وبركاته
اخواني انا لقيت لاند كروزر جي اكس ار نظيف ماشاء الله تبارك الله ماشي 250 على يد
راعيه من الوكاله لونه رصاصي على مااظن
قير عادي
والبدي وكاله مافيه لاصدوم ولا رشوش
وانا الموتر جاز لي لاكن مااعرف اسعاره وياليت تفيدوني جازكم الله خير
مع العلم ان مديله 99 او 2000
والله لايهينكم ..

[جي اكس ار2000]

حسب النظف واللون 67 وحولها اذا2000 خلفيه

[ابوعبدالله العرفج]

يعني هذا حقه 67
ولا ياصل ال70

[بومحيمل الخالدي]

كل موتر وعلى حسب نظافته

وراعيه أن كان حاده فيه سعر

و الراغب أحياناً يشتري لو أنه القيمة في موديل أجدد منه

لكن الجيـوب بصفة عامة مالها أسعار ثابتـة ,, ,

ويقدر البعض يحدد الأقيام لكن ,,,

وسمعة أن ال 99 تقدر تقول أن جاك نظيف

يكون بال 60 ألى 65 بدون حوادث ونظيف

وبعضه يقولك أن طار بال 50 لكن وين تحصل

أول الربع ياخذونه من قطر على 35 ألى 40

لكن اللحين كل حاجة قدها بأرتفاع

لكن على حسب البايع :) بيحده لك ع كم

هنـا المشكلة و الله يوفقك

[ديرتي نجد 999]

اذا على كلامك الموتر طيب

موديل 99 يسوى 67 الى 70
موديل 2000 يسوى الى 75
هذي اسعارها الوقت الحالي -- انت عارف بوجه الجو الزين ومزاين ام رقيبه

لكن بعد خمسة اشهر ما يجيب الاسعار هذي أبد -- وانت شف خراجك اذا قناي وبتستعمل ما تفرق خمسة الف بالسيارة النظيفة واذا متكسب شف خراجك

[ابوراكان تبوك]

ممشاه زين ما شاء الله على موديله بس الصراحه اللاند سياره ماتندم في مشتراها

اذا كان خلفية الى 65 و 67 سعره مناسب والمستخدم مثل ما انت عارف ما تفرق معه زياده حتى 5000 في قيمة السيارة النظيفة مثل كلام اخوي ديرتي نجد

بس افحصه زين من ناحية المحركات والعكوس والدبلات وافحص المكيف لأن اذا به اي خلل صيانة غاليه بالحيل

موووووووووووووفق

[بويعقوب]

اخوي انا املك هاذي التحفه النادره من السيارات .. وترى فوايدها ومميزاتها كثيره اول شي من ناحية الكمبيوتر من افضل الكمبيوترات .. والموتر ااذا كاان قير عاادي يكون مرغوب جداَ وبخصوص الممشى ماشالله ممشى ولا اروع .. واسعارهم على حسب النظافه يعني موتري والله يشهد على كلامي وصلي السبعين اللف ريال ومابعت ولا افكر ابيعه .. وبخصوص المكيف اخوي انا اول مره اقره بالمنتدى انه تشيكاته غاليه ..!!
كلها كلجات مروحه وغاز والموتر بعون الله مابيشكي من شي ..
نصيحه مني اخوي .. توكل على الله واخذ الموتر ولاتتردد ..وبخصوص سعره فالوقت الحالي لو نظيف نظافة وكاله يسوى من السبعين الى خمسه وسبعين ..