حرارت موتري باثفندر بعد البلف

[اتحشى الهم]

بسم الله الرحمن الرحيم..




السلام عليكم ورحمة الله وبركاته . . . . . . . . . . . . . . . . . !




اخواني موتري باثفندر 2005 شريته حرارته على الخط الاول وبشتاء ماترتفع ابد لان مابه بلف شريت بلف خارجي من وكالت نيسان الي بحائل وركبته ورتفعت الحراره الى اتش ونزلت البلف لاني خفت على المكينه يقول المكانيكي اظاهر ان البلف قافل ..
مع اني شريت ماء من وكالت تيوتا احمر غير محلول اثنين وشريت ماء مقطر وحليته بس طلعت الحراره اتش مشورتكم ياربع وهل يجي بلف الباثفندر درجات الله لايهينكم افيدوني

[الكلاسك]

لا يكون قالب البلف وهذا متوقع بنسبه كبيره

[سيد النشاما..]

على فكره
ترى الباث له بلفين واحد داخلي والثاني خارجي

[اتحشى الهم]

لا ماهو مقلوب لان البلف مع الكوع كلها شريتها من الوكاله مثبتات كلهن سوا بس ركب وصعبه اركبه عكس الان مالها الى تركيب واحد ...

بس شف البلف من جهت الكوع قوي مره اضغط عليه بسكروب مايرجع شكل البلف قافل





وسوال لاهنتو هل اقدر القى بلف درجات

[أبونجم]

السلام عليكم جميعا

بالنسبة للبلف الأمامي اذا تم تغييره لازم ترتفع الحرارة وتوصل قبل الخط الأحمر وبعد كذا تبدأ في النزول بالتدريج الى المستوى الطبيعي اللي هو فوق الخط السفلي L
بالنسبة للبلف الخلفي بالنادر يقفل طبعا سعرة رخيص 30 ريال أصلي بس تركيبه غالي حول 250 ريال مكانه صعب جدا .
بالنسبه للأمامي قيمته حدود 90 الى 110 تقريبا وتركيبه سهل .
بالنسبه لدرجات حرارة البلف الأمامي تجي نوعين



درجة حرارة 82 مئوية .
درجة حرارة 76.5 مئوية وهذا الموجود أعتقد عندنا في السعودية .


صورة للبلف الأمامي :
http://up.arab-x.com/Nov11/gyI12483.jpg (http://up.arab-x.com/)


صورة للبلف الخلفي :
http://up.arab-x.com/Nov11/xCk12483.jpg (http://up.arab-x.com/)


اتمنى اني افدتك .

تحياتي للجميع ....

[Abu-Nawaf]

اخوي هل يشمل هذا الكلام الانفوي ...ؤ هل لة بلفين مثل الباثفيندر

لاني دورت على البلف ولقيتة في الاسفل تحت الينمو والوصول لة صعب

[أبونجم]

السلام عليكم جميعا

بالنسبة للبلف الأمامي اذا تم تغييره لازم ترتفع الحرارة وتوصل قبل الخط الأحمر وبعد كذا تبدأ في النزول بالتدريج الى المستوى الطبيعي اللي هو فوق الخط السفلي L
بالنسبة للبلف الخلفي بالنادر يقفل طبعا سعرة رخيص 30 ريال أصلي بس تركيبه غالي حول 250 ريال مكانه صعب جدا .
بالنسبه للأمامي قيمته حدود 90 الى 110 تقريبا وتركيبه سهل .
بالنسبه لدرجات حرارة البلف الأمامي تجي نوعين



درجة حرارة 82 مئوية .
درجة حرارة 76.5 مئوية وهذا الموجود أعتقد عندنا في السعودية .


صورة للبلف الأمامي :
http://up.arab-x.com/Nov11/gyI12483.jpg (http://up.arab-x.com/)


صورة للبلف الخلفي :
http://up.arab-x.com/Nov11/xCk12483.jpg (http://up.arab-x.com/)


اتمنى اني افدتك .

تحياتي للجميع ....







طبعا المعلومات هذي عن الباثفندر اللي مكينته 3500 اللي هو من موديل 2003 الى موديل 2005
الأنفنتي اذا كان نفس المكنية اعتقد يركب والأخوان اللي عندهم نفس السيارة يفيدونا

[اتحشى الهم]

تسلم يالغالي يابو نجم الله لا يهينك يابعد روحي معلومه كويسه

[ولد طويرق]

شف وانا اخوك أول ما تغير موية اللديتر وتمشي راح ترتفع الحراره
هذا طبيعي لان المويه ما وصلت للمكينه عشان تبردها والبلف ما وصلت له حراره عشان يفتح
بس بعدها روح للبيت وخل السياره لين تبرد وشيك على موية اللديتر بتلقاها ناقصه
عبي اللديتر وان شاءالله ما ترتفع معك
الا اذا السياره فيها مشكلة الحراره وراعيها ما لقى حل الا انه يفك البلف الخارجي
تقبل مروري وبشرنا ايش يصير معك

[أبونجم]

تسلم يالغالي يابو نجم الله لا يهينك يابعد روحي معلومه كويسه


سلم غاليك . ولاهنت ياحبيبي .

وأي خدمة إحنا جاهزين ......

تحياتي للجميع.

[عبدالرحمن السالم]

اتحاشا الهم وانت تحدني :)
بسيطه ان شاء الله ، انت لاركبت البلف خل السياره على الاقل ساعه تشتغل بعدين طفه وخله لين تبرد وشف شيك على الرديتر اذا ناقص زده وان شاء الله يضبط معك
اذا ماهو ناقص ابد شغل وتوكل على الله ، عندك بعد شيك على تماتيك المروحه ، امسكه بديك وفر المروحه اذا افترت وقفت وحسيت ان به ثقل معناته ممتازه ، اذا خذت له لفه كامله معنات ان التوماتيك خربان ، وعندك غطاً الرديتر بعد شيك عليه
بس وشو موترك عادي والا اوتوماتيك

[اتحشى الهم]

اخوي عبدالرحمن السالم تسلم على المعلومه انا الحمدالله والشكر سويت نفس الي قالي اخوي السابق وغيرت غطاء الارديتر الان الغطاء الاول كان يدف الماء على القربه والقربه اذ امتلت تفضي الماء ويسحب كل الماء الموجود برديتر الحمدالله غيرت الغطاء وعبيت الرديتر بعد ماشغلته بنص ساعه وضبط معي الحمدالله الحرااره







ويسلمون كل ماشركو بلموضوع الله يكثر من امثالكم

[عبدالرحمن السالم]

اشوا انه ضبط ، ترا الغطاء اذا انفك اكثر من مره ومع دورانه عشان تسكر به الرديتر تخرب الجلبه إلى بنهايه الغطاء وتصير تسرب وتقبس الحراره
موفق يالطربه