ستفسار عن بانزين للفتك افيدوني الله يرحم والديكم

[hss711]

السلام عليكم ورحمة الله وبركاتة
الله يعطيكم العافية حبيت استفسر من اهل الخبره الفتك موديل 2003 البانزين حقه احمر او اخضر وهل اذا كان احمر واستخدمنا اخضر فيه ضرر للموتر لاني بصراحة اعبي اخضر وقبل فترة شغلت الموتر وتفتف شوي ولما دست على البانزين طلع دخان ابيض شكيت بالريحة الى طالعة مع الدخان وعلى طول غيرت البانزين احمر وراحت الدخنة .

[sgl2002]

المكاين اللي زي الفتك واللاند الجديد احسن تعبيها احمر

[أصيل حجآ زي]

نصيحة :
لا تعبي الا بنزين مــُمـتآز أحمر 95 .


عندي كآمري مــُظل 2001 6 أصطوآنآت .


نظيف ورآئع ولله الحمدُ والفضلُ والمنة .


أحد أبنائي عبآه بنزين 91 .


وسآر ما يشتغل بســُرعة وأذا أشتغل طفى على طول .


وتحتآج تبقي رجلك دآيسة بنزين حتى يحمى .


ويسلــُك لاكن أذا رفعت رجلك عن البنزين طفى .
المـُشكلة القير تمآتك وخطير يطفي والقير في نمرة .


مــُجرّد عبيت بنزين أحمر 95
أنتهت المـُشلكة ولله الحمدُ والفضل ُ والمنة .


فنصيحتي لا تستخدم الا بنزين 95 المـُمتآز الأحمر .

[بدوي جنوبي]

زمان ما كان موجود الا الاحمر
وقليل تظهر مشاكل طرمبات البنزيم والبخاخات والتفتفه

الحين جا الاخضر والاصفر والابيض :)
وظهرت بلاوى زرقا

أسمع نصيحة ابو عبدالرحمن أصيل
وعبئ أحمر وترا الفرق ما يسوي أمكن 11 ريال في التانكى
لو يحصل تفتفته في المحرك ممكن تخسر 500 ريال ما تعرف وين الخلل

[hss711]

شكرا لكم جميعاً

[Saudi ARB]

الاحمر ممتاز صراحه لأكثر السيارات

[hz1oo]

الفتك البنزين حقه من المصنع 91 ومعي 2008 ومن الوكالة وانا اعبي 91 واحلى من العسل ولله الحمد

[«نجم الخير»]

كتلوج الوكاله 91 ونعبيه ولاضره الحمدلله

[كـاشت]

احسن شي اوكتان 98 اللي في الامارات

[عين حصنان]

معي فتك 2006

اعبيه اخضر 91 مافيه اي مشاكل ولله الحمد

لكن

كل 10الاف كيلو

اعبيه احمر مع اضافة سائل تنظيف البخاخ الاصلي وامسك خط طويل

ولله الحمد والشكر الان موتري ماشي 120 الف ما واجهت اي مشكله

وبالنسبه للبانزين تعبي مره احمر مره اخضر او تخلطهن مع بعض ما عندك اي مشكله

البانزين الاخضر ماينفع السيارات القديمه في الثمانينات و تحت

بارك الله فيك

[ابو انس111]

عبي اخضر و انت مطمئن
من واقع تجربه على 5 مواتر
بعضها ماشي فو 400000كم
طبعا كلها فتك