ظروري لأهل الخبره بالدفلووك والدفرنسات ( سييرا 1500 الشكل الجديد)

[saad_z71]

السلام عليكم ورحمه الله وبركاته ..



يعطيكم العافيه ياشباب ..


عندنا مشكله وهي فيه سييرا الشكل الجديد 1500 فيه مشكله ان الدفرنس الخلفي وانت تمشي يمسك شوي ويفك


واذا كسرت يمين او يسار يطلع زي الطقه وبرظوا يمسك الموتر .. علما بأن زيت الدفرنس ماهو ناقص


وللحين ماني متاكد اذا المشكله من الدفرنس ولالا بس 99% انها منها .. برايكم وش الحل .. ووين افضل ورشه بالرياض متخصص بالدفرنسات وسعره مناسب افيدوني جزاكم الله خير ..

[بدوي جنوبي]

عليكم السلام
الدفرنس عندك هل هو G80
tTGZOJQQBeE
تجد ذلك أما داخل درج القفازات ( تجد لصقه ملصقه داخل الدرج )
تجد كلمة G80
http://lh4.ggpht.com/_evqBnv4L5AI/SkggE2n4PnI/AAAAAAAADX4/kzn30874-QE/RPO-Codes-001.jpg
وهذا يعنى انه الدفرنس فيه قفل تفاضلي ميكانيكي (الدفلوك)

من خلال شرحك للمشكله التروس القمريه والشمسيه (التروس الفرقيه) فيها تآكل
http://www.mekshat.com/pix/upload03/images125/mk32037_q20.jpg

http://www.mekshat.com/pix/upload03/images125/mk32037_e4.jpg
تحتاج الى تغيير وبما أن الدفرنس يوجد به صوت ونه هذا بسبب خلوص (فضاوة)
بين ترس التاج والبنيون .

وتعرف الكرونا أذا أنفكت صعب عمل وزنيه صحيحه بعد تغيير القطع
عموما ما تقدر تحكم على وضع الكرونا الا بعد الفك والنظر للقطع التالفه .

[saad_z71]

الله يجزاك خير اخوي بدوي جنوبي وبارك الله فيك .. بس السياره مامشيت عليها سرعه اول ماسمعت صوت الطقه وقفته .. ولا ادري اذا فيه ونه ولالا .. ويالغالي اذا لك خبره بورش الرياض وين تنصح وجزاك الله الف خير

[الباثفندر 3.5]

هذي مشكلة وانيتات ال gm الجديده كلها تشتكي من مشاكل الدفرنس و اعرف واحد غير الدفرنس على الضمان
و الله يعينك

[فتك ب ص ع]

اخوي سيارتك الدبل فرار

[مكشآتي للآخر]

إخوي اذا سيارتك من موديل 2008 وفوق
عآدي يارجآل الطقة ذي تجي
دآئمآ
وفوق هاذا اذا سمعت الطقة إدخل بر ولف الدركسون يسار وامش بشكل دائري
هل تلاحظ الكفر الي ورى يسار يفر بشكل غريب؟ بحيث يطقطق؟
اذا كان نعم فهاذا الدفلوك شبك
وشي طبيعي جدآ
إمآ اذا كان يشبك بغير وقتة
يعني دون الحاجة إليه
فهاذا فية مشكلة بالدفلوك

[saad_z71]

اي نعم اخوي فتك الدبل فرار ..

اخوي مكشاتي انا فاهم اللي تقصده ومو هو اللي عندي .. هذي كانت تجيني اول وطبيعيه عشان الدفلوك
لاكن الحين فيه طقه قويه صارت مجرد انك تحرك السياره اول كان يمسك بس الحين فيه طقه يعني تسمع الصوت وانت باخر الشارع ..
المشكله الان ماني عارف وين اودي السياره لان الدفرنس مو اي واحد يشتغل فيه

جزاكم الله خير

[رحال7]

غيرت الدفرنس كامل ولا زلت احس بنفس مشكلتك وهى الاحساس بان الكفر الخلفى يمسك عن اللف احيانا..ولكن للاحتياط والوقايه فك الهوبات الخلفيه وتأكد من عدم وجود تهريب للزيت

[saad_z71]

غيرت الدفرنس كامل ولا زلت احس بنفس مشكلتك وهى الاحساس بان الكفر الخلفى يمسك عن اللف احيانا..ولكن للاحتياط والوقايه فك الهوبات الخلفيه وتأكد من عدم وجود تهريب للزيت

كم موديل سيارتك وكم كلفك الدفرنس ؟

انا وديت السياره عند رجال كبير اسمه محمد السالم .. يشتغل بيده ومدحوه مره
وقاللي بيرد لي خبر وبيصلح والرجال شكله ممتاز جدا .. والله يكتب اللي فيه خير

[YUKON_GMC]

ماذكرت الموديل - لكن
العكوس الخلفيه يفترض ان كل كفر يدور لوحده - حر يعني الا في حالة توقف احد الكفرات الخلفيه يشبك العكوس تلقائي

وهذي المشكله مرتبطه في الدفرنس مثل ماقال لك المشرف بدوي جنوي

هذا معناته ان العوكس شابكه على طول ولاتفك