يا النشامى يا اهل البر والرحلات البريه ؟؟

[ابو ابراهيم6]

السلام عليكم ورحمة الله وبركاته

الحقيقه ابي اشتري لي دافور ولا لقيت الا صيني وهندي ومدري ايش ولا عندي ذيك الخبره وابي فزعتكم لا هنتو واللي عنده دوافير اصليه او مواقد يتواصل معي الله لا يهينكم الموقع الرياض واللي يعرف محل ممتاز يقولي

تحيااتي لكم جميعاً

اخووكم ابو ابراهيم

[ابوعيينه]

اخوي ابوابراهيم،،،مر الرمايه،،،اوالسنيدي،،اوبرق الحيا،،،
بالنسبه لي ماخذلي صيني80 ريال حليو ورخيص

[wafi4sa]

نصيحة من (اخ لأخوه )لا تاخذ صينية ابدا ابدا
خذ هندية وادعي لي لو فية زيادة على الصيني
ثلاثين ريال لكن والله تستاهل

[فيصل التميمي]

وانا اخوك فية بريمس هندي تمام التمام

[اتجاه السحاب]

عندك الهندي والايطالي متوفرين وممتازين لكن لاتقرب الصيني
بالنسبه للمحلات اللي تبيعه اغلب محلات الرحلات مثل
ـ الكشاته
ـ برق الحيا
ـ البريه
ـ المروج
وغيرها..
بالتوفيـــــــــــق

[لاتكب البيالة]

عندك الهندي ممتاز وايضا الايطالي متوفر عندي له 10 سنين تخدم

[ريان2002]

ياأخوان الصيني خطير خطير خطير
أخذت دبه صينيه صغيرة قبل سنتين وعبيتها غاز وركبت عليها لوكس ( إتريك ) وطلعتلي النار من أسفل رأس اللوكس ( من رأس الدبه ) والحمد لله جت سلامه وأمداني أطفيها بطافية حريق قبل ماتنفجر ورميتها من وقتي بعد مافضيتها من الغاز
أخي الكريم مثل هالأمور خطير إننا نشتري رخيص بل يجب البحث عن الأفضل وبناء على ماهو متوفر بالسوق فالأفضل البريموس الهندي والدافور الإيطالي ( رأس ودبه )
والمحلات عنكم بالرياض ياكثرها الله يهنيكم بها
السنيدي / برق الحيا / البريه / الكشاته / المروج / حراج بن قاسم / سوق الزل على ماأظن وغيرها الكثير وبالنسبة للوصف أهل الرياض بإذن الله ماهم مقصرين
والله يسهل أمرك

[جبرني زماني]

وعليك السلام ورحمة الله وبركاته
أخوي عليك بهذا النوع تراه جيد والصناعة ياباني http://www.mekshat.com/pix/upload05/images235/mk224649_fgf.jpg

http://www.mekshat.com/pix/upload05/images235/mk224649_fgf.jpg

[التريباني]

بريموس هندي

[FORD1969]

يورو كامبينج ايطالي

متوفر في أغلب المحلات حتى في بعض محطات الطرق


لو تلعبون فيها كره سله ماضرها


والهندي جيد

وكانك تبين امرك ونتقضى لك اللي تبي ارسل تلفونك على الخاص انا بالرياض وابشر بسعدك

موفقيين

[مد البصر]

وعليكم السلام ورحمة الله وبركاته

اخوي ابوابراهيم لو تبحث بهالموقع او تكتب بجوجل احسن دافور طلعت لك مواضيع كثيرة واشياء رائعه من تجارب الاخوان وتقاريرهم
لكن من ناحيتي اذا دافور عندك
دافور البرية او دافور ابومها من برق الحيا لكن خذ سويدي او هندي او ايطالي وكلها مجربها
وتجربتي مع الايطالي رائعه من كم سنة.

بود دمت
وعين الله ترعاك

[عملاق سبيع]

انا اشوف من خلال تجربتي من سنين ومع الزباين مافيه زي الايطالي راس ودبه بس عيب الراس الايطالي كرسيه خفيف مايقارن بالبريموس والصيني من ناحية الحديد ويمكن يتبدل بكرسي صيني اما المفتاح والعين مافيه زي الايطالي نهائي اما الدبه البريموس مسمار التنسيم فيه رصاص يمكن ينكسر بأي وقت بالاضافه ان سعره فيه زياده اما الدبه الايطاليه المسمار نحاس ممتاز ويتحمل اما الصيني لايقربك لاراس ولادبه تنسيم ومشاكل ماتقضي لين ترمي دافورك هذ تجربتي انثرها بين ايديكم وتقبلو تحياتي×

[خشم العرمة]

من واقع تجربة دوافير مقاسات واحجام وحتى قزوز عينين

ماشفت احسن ولا اقوى بالنسبة لي من الدبة الايطالية يورو كامب وعليها راس بريموس اصلي
شي يطربك بصراحة

وعندك القز الاسود الهندي ممتاز جدا لكن مايبيلها هوى وغثيث في شيلة وحطتة

[hguvfd]

بالتوفيق والله يكتب لك الى فية الخير

[ابوصالح77]

حي الله ابو ابراهيم
أفضل دبة غاز السويدية ويوجد في السوق حجم الخمسة رطل بسعر مناسب
وأفضل رأس السويدي لكن نادر تحصله وسعره غالي مستخدم وجديد
والحل خذ لك رأس بريموس هندي ، أو رأس PKL الهندي ويجي شربوش صغير وشربوش كبير ، أو فوكر الإيطالي
بالتوفيق

[ابو ابراهيم6]

الله يعاافيكم جميعاً اخوااني ماقصرتو وفيتو وكفيتو

مشكوووووووووووووريييييييين على المعلووماات الله يعطييكم العافيه

[ابوريما 20]

والله انصحك ببرايموس هندي من سوق الزل بسعررخيص وبسعر الجمله :lr:lr