مشكله في الباترول

[jeep 2001]

السلام عليكم ورحمة الله وبركاتة
عندي باترول 2006 VTC
اول ما طلعته غيرت البواجي والفحمات والاشياء الاستهلاكية والموتر اموره طيبة
لاكن قبل فره صاار الضغط المكينة يرتفع يوصل الى 1,30
بعض الاحيان وبعض الاحيان يصير وضعة طبيعي
والبارح زودها الموتر شوي وصار الضغط ينزل الى الصفـر يعني يطفى الموتر
سواها معي يمكن 3 او اربع مرات
فرحت اليوم لي الصناعية وقالو لازم فحص كمبيوتر وفحصوة ولا تبين معهم شيى
والحين ما ادري وش اسوي

[الزامل الاول]

السلام عليكم

شيك على البخاخات وانا اخوك والموضوع سهل ان شاء الله

[فتك ب ص ع]

ألسلام عليكم وش نوع البنزين المستخدم

[jeep 2001]

البنزين 95
وفلتر البنزين مغيره قبل فتره

[«نجم الخير»]

وعليكم السلام

بواجي الفتك ماتغير الا اذ بدا يقطع الموتر عادي يمشي 300الف كم بدون تغير

البنزين ماله دخل انا استخدم 91 والكتلوج ينصح باستخدام 91

اذ انت بالرياض في ورشة نيسان ابوصالح التركي افحص الموتر عنده رقم جواله 0504118191

[jeep 2001]

ان شاء الله اني ابروح له بكرا الصباح
بس انا اتوقع انه من حساس فلتر الهواء
هل تتوقعون انه منه ذا المشكلة

[sgl2002]

مشكلتك ياطويل العمر هواء

وتكمن في الحساس حق الهواء

هذا حسب ما يظهر لي

[jeep 2001]

ماقصرتو يا جماعة...
اليوم الصبح رحت لي ورشة ابو صالح وفحصو السيارة وقالو عندك منظم الدعسة يبيله يا تنظيف او تغير كاامل
قالو بنظفة لك بي 100 ريال قلت طيب ونظفوه ولاكن ما زالت المشكله موجودة
وانا احس انه موب منه احس انه من حساس الفلتر
وفحصته كمبيوتر ولا اتضح فيه شيى
طيب الله لا يهينكم انا ودي انظف حساس الفلتر الي يعرف وشلون طريقة التنظيف يعلمني الله يجزاه بلخير

[salih100]

100% هذا حساس هواء او مجرا الهواء افحص الخرطوش حق الهواء ترا اذا فيه شق لو صغير يسوي كذا و مربطه من القفزان يمكن مشقوقه.
وتنضيفه حساسات الهواء والثروتل سهله بس بركاده .

[jeep 2001]

طيب انظفة بي ماء عاادي ولا وش بضبط؟ ماوودي اتوهق وانا اخووك لان الحاس حق الهوا قيمتة فوووق 1000

[salih100]

طيب انظفة بي ماء عاادي ولا وش بضبط؟ ماوودي اتوهق وانا اخووك لان الحاس حق الهوا قيمتة فوووق 1000
لا وانا اخوك ببخاخ الكترونيات تحصله ب 20 ريال تقريبا

[jeep 2001]

الله يجزاك بلخير ماقصرت يا بعدي حيي

[salih100]

الله يجزاك بلخير ماقصرت يا بعدي حيي
لا تنسى تكتب اذا ضبطة المشكله نستفيد ويستفيدن الاخوان غيرنا

[You Like Me]

كان عندي فتك 2005
ونفس مشكلتك بالضبط ماخليت شي ما سويته
وورشه باترول الله يجزاك ويجزاهم خير كل ما جيتهم غيرو لي شي ما يطلع منه المشكله
في الاخير صارت المشكله من منظم الهواء وغيرته بـ 2500
ولو عرفت انه منه من الاول غيرته وارتحت لإنو اللي خسرته وغيرته اكثر من قيمة المنظم
الله يسمح امرنا وامرك

[mho-99]

صارت معي نفس المشكله معي فتك 2004 وبعد الخساير من تغير بواجي فلتر بنزين مضخه بنزين طلع العله من حساس الهواء الى بعد فلتر الهواء وقيمته في الوكاله بعد حب الخشوم 1600 ريال

[jeep 2001]

الله يجزااكم خير ما قصرتو ابد
وانا ابنظف الحساس وبعطيكم علم اهو تغير الموتر ولا نفس ماهو عليه

[فتك ب ص ع]

اخوي صاره المشكله وسويته له برمحه وضبط راسلني على الخاص واعلمك

[Saudi ARB]

شيك على الطرمبه والصفايه

[jeep 2001]

نظفت الحساس اليوم بي بخاخ مخصص لي الحساسات
والوضع نفس ماهو عليه
والبنسبة لي الصفاية مغيرها قبل شهر
لاكن الله يسهل الامور ان شاء الله

[mho-99]

اخي الغالي لا تتعب نفسك فى التنظيف لانه لا يتنظف هذا عاى كلام واحد مختص فى الباترول تبي تتأكد شف واحد قريب لك معه فتك وجرب حساس سيارته انا مثلك كل شي سويته وفي الاخر صاحب الورشه جزاه الله خير جرب من عنده حساس وضبط الموتر وكان عندي على فكره ان لمبه التحذير في الطبلون الى هي تشك انجن طافيه

[jeep 2001]

الله يجزااكم خير جميعا
بالنسبة للموتر الان وضعة ضغط المكينة يرتفع ياصل الى 1.30 تقريبا بعض الاحيان وبعض الاحيان قبل الواحد بشوي
والموتر اذا دعستلة وانا واقف يبتل دااعس شوي ثم ينزل الضغط
لاكن ابصبر عليه الين تتضح المشكة وشي منه بضبط
يا منظم هواء او منظم دعسة او حساس فلتر
الله ييسر الامور للجميع