يوسف الخليفة1
21/11/2011, 08:32 PM
بسم الله الرحمن الرحيم
السلام عليكم ورحمة الله وبركاته
سلام مقرون بعزا لام طامي=والبال يرغي داخل الجوف ضيمه
مما جرا صكت عليها الضوامي=والعين مع صفق المحاجر رغيمه
الشمريه ما عليها الملامي=من كبدها قطعه هفت من صميمه
راح الضنا وامسا طريح العدامي=عقب الحيا بين النصايب جثيمه
يوم الاحد لز الحديد العظامي=والبيت لجت بالحزاين حريمه
ما تصفي الايام والموت رامي=حياة دنيا ما تدوم بنعيمه
ناح الفؤاد وناح طير الحمامي=والروح يلهب بالحنايا ضريمه
عليها فايح مثل نار الدرامي=يلوي على صدر المعنا بريمه
درب الصبر مذكور وقت العسامي=طريق تمشيه النفوس السليمه
تفوز باجره حين وقت الزحامي=في موقفن جاه الفتا مع خصيمه
واللي ذهب عمره شمله الختامي=وقته كمل رب الخلايق عليمه
ربي عسا ملفاه باب السلامي=يلقا من اللولو بها الحور خيمه
ينزل مع ابويه وخوال وعمامي=في جنة الفردوس نفسه مقيمه
يوسف الخليفة ( أبو عبد الله )
السلام عليكم ورحمة الله وبركاته
سلام مقرون بعزا لام طامي=والبال يرغي داخل الجوف ضيمه
مما جرا صكت عليها الضوامي=والعين مع صفق المحاجر رغيمه
الشمريه ما عليها الملامي=من كبدها قطعه هفت من صميمه
راح الضنا وامسا طريح العدامي=عقب الحيا بين النصايب جثيمه
يوم الاحد لز الحديد العظامي=والبيت لجت بالحزاين حريمه
ما تصفي الايام والموت رامي=حياة دنيا ما تدوم بنعيمه
ناح الفؤاد وناح طير الحمامي=والروح يلهب بالحنايا ضريمه
عليها فايح مثل نار الدرامي=يلوي على صدر المعنا بريمه
درب الصبر مذكور وقت العسامي=طريق تمشيه النفوس السليمه
تفوز باجره حين وقت الزحامي=في موقفن جاه الفتا مع خصيمه
واللي ذهب عمره شمله الختامي=وقته كمل رب الخلايق عليمه
ربي عسا ملفاه باب السلامي=يلقا من اللولو بها الحور خيمه
ينزل مع ابويه وخوال وعمامي=في جنة الفردوس نفسه مقيمه
يوسف الخليفة ( أبو عبد الله )