البوك مفقود

[سبححان الله]

السلام عليكم ورحمه الله وبركاته



فقدت البوك ( المـحفظه ) ببريده



لونها أسود وفيها سحاب عليها يقفل المحفظه



المحفظه فيها بطايق صراف واحوال ورخصه وبطايق ثانيه لـ أخوي



ومافيها فلوس



بطاقه الأحوال والرخصه بـ إسم احمد الشمري



الله يسعدكم والله محتاجها كثير ما اقدر اتحرك بدونها



وانا من سكان الشرقيه ماني من سكان القصيم ومغترب فيها



لا اقدر اطلع ولا اقدر اروح مكان حتى ما اقدر اصرف او اسوي شي



وانتم عارفين الغربه كيف



تكفون والله يخليكم ويخلي لكم احبابكم



الي يحصلها يتصل على رقم 0551750041



أو يراسل الإداره ..



انا ما ادري وين فقدتها بالضبط



لإني صرفت اخر مره ورحت لـ مطعم الشام شامك الي ورى الملعب < مايدل ببريده



وبعدها رحت لكم محل وسألتهم وكلهم يقولون ماحصلناها



الصراف فيه اقل من 150 ريال بس



والله والله الي يحصلها لا اعطيه الي فيها =(

تكفون يـ رجآل

مآلي بعد الله إلا إنتم وضعي والله موب زين أأبد



الله يرضا عليكم الي يحصلها لا يقصر والله الحال نازل لتحت بعدها



تكففففون أبيكم بعد الله ساعدوني الله يوفقكم =( =(

[hguvfd]

ان شاء الله تلقاها ونصيحة للجميع ضع رقم جوالك على استكر صغير و الصقة على بطاقة الاحوال و الوثائق المهمة حتى اذا فقدت و طاحت بيد ابن حلال شرواكم سهل التعرف على صاحبها على طول

[سبححان الله]

الله يسمع منك

والله إن قلبي فزز يوم شفت ان فيه احد رد على الموضوع

توقعت انه معاه :(

يلآ الله كريم ان شاء الله .. وهذا درس وان شاء الله إني تعلمت منه

اللهم يا جامع الضالات اجمعني بضالتي
اللهم يا جامع الناس بيوم لا ريب فيه اجمعني بضالتي
اللهم يا جامع الحاجات اجمعني بحاجتي

توكلت على الله وهو حسبي :(

[كنز المشاعر]

قل (اللهم يا جامع الخلائق في يوماً لاريب فيه اجمع بيني وبين ضالتي)

وبأذن اللي ما تنام عينه بتلقاى محفظتك

[سبححان الله]

كنز

عسسى الله يرزقك الجنه انت ومن تحب

الله يسوقني له . اقسم بالله مانمت من امس بموت من الههههممم

الله يعين بس

جزاك الله خير وواللدينك للجنه وان شاء الله هالدعاء ماني ناسيه ابد

الله يرزقك كل صالح :(

[انس الحارثي]

اخوي الله يعقل عليك محفظتك
شف وانا اخوك عود للمكان اللي ترجح انها ضاعت فيه واسال اصحاب البقالات والمحلات اللي حول المكان
ودور في الاماكن الخالية وفي اماكن الزباله الله يكرمك والمشاهدين وعمال البلدية والله يعينك حط مبلغ لمن يجدها لايقل عن ثلاث ميه وباذن الله تحصلها يمكن اللي لقيها دورفيها لفلوس وبعدين رماها
ترى صار لي مثل حكايتك بس انا كنت حاط رقم جوالي والله اني لقيتها بمستوصف اهلى يبعد عن المكان اللي ضيعتها فيه حوالي 3 كيلوا والحمد لله والفوس كان فيها حدود 900 ريال ومالقيتها الله يخلف
واكبر غلط نحط البطاقات الشخصية والرخصة والاستمارة بالمحفظة
لكن الله يعقل عليك باذنه تعالى

[أبو طآرق]

اذا بغيت شئ يالذيب من بريدة برسل لك العيال ومايقصرون معاك



الناس للناس والكل بالله

[القناص-sniper]

فتش السياره زين وبالذات تحت المرتبه

[سبححان الله]

الله يبيض وجيهكم . ويجزاكم خير

انس

والله ياخوك مابقى مكان مادورت فيه . وربي تشوفني من شارع لشارع بس على الله العوض

أبو طآرق

الله يرحم والديك ويبيض وجهك .. عز الله إنك كفو ومآتقصر لا إنت ولآ آخويآك . الله يعزك
الامور ان شاء الله بخير وبطايق الصراف الغيتهم وبطلع بدل
الله يجزاك الجنه ويعافيك على هالكلام

القناص
الي فتشوا السياره سبعه وانا الثامن ولا حصلنا شي .. لكن الله يفرجهاا وانا اخوك


بيض الله وجيهكم .. ورحم الله والديكم

[سبححان الله]

عسسى الله يسعدكم وآحد وآحد

ويحقق لكم كل مآتتمنونه . ويخلي لكم أحبآبكم

آنا حصلت البوك الحـمدلله ..

دق علي وآحد يقول حصله طآيح عند بنك الأهلي , وهو موظف فيه وتعب لين مآحصل رقم وآحد بـ البوك ودق عليه وأخذ رقمي منه وكلمني

آلحمدلله كثيرآآ .. ربي مآ يخيب من يطلبه ويرجيه

الله يعآفيكم يآرجآل , عز الله مآقصرتوآ