فزعتكم يالذيابه

[حمودي..]

السلام عليكم ورحمة الله وركاته

مساء الخير شباب
شباب ابي فزعتكم تكفون انا معي باترول موديل 94 ماشي فيه كيلو او كيلو ونص تقب حرارته وابي منكم ورشة متخصصه بنيسان ويكون مجربها وينصحني فيها
شرط تكون بالقصيم سوا تكون ببريدة ولا بعنيزة

ملاحظة اي واحد يعرف ورشه الطلوبه يقول لي وصفه ويسدح لي رقم الورشه او راعي الورشه وتكون اسعاره مناسبه

[الزامل الاول]

السلام عليكم

عندك المتخصص في الباترول ورشة الهبيش في الخضيراء

بالتوفيق

[أبوعجه]

وعليكم السلام ورحمة الله وبركاته
اخووي حموودي..
شيكت على البلف حق الرديتر .؟
يمكن السبب والله اعلم

[حمودي..]

لا ماشيكت علي بس الرارة الله العالم انه من المكينه نفسه

[حمودي..]

السلام عليكم

عندك المتخصص في الباترول ورشة الهبيش في الخضيراء

بالتوفيق
وين موقعه بضبط واذا غندك لهم رقم ورشه اسدحه

[الشرقاوي123]

اخوي تكد من تركيب المروحه لا تكون مقلوبه

[hguvfd]

ترايستار بس غالين شوي مر وشف

[حمودي..]

بالعربي انا ابي مكانيكي ممتاز وتخصص لنيسان الي يعرف يوصل لي موقعه ويسدح لي رقمهم

[أبوعجه]

حموودي
شووف البلف بتلقااه معلق ولا مو موجوود
ترا البلف سبب رئيسي في الحراره

[YUKON_GMC]

احتمال الموتر جايته حراره قويه وانشعر الرأس

واذا المشكله من الراس تشوف يطلع هواء من الاديتر اذا فيكيت الغطا والموتر بارد واذا احتر شوي يقوم يفور ويطلع المويه برااا الاديتر

[حمودي..]

هو هرب مويه لا احتر وانا بالعربي ابي ورشه الي يعرب ورشه ممتازة

[بدوي جنوبي]

يا حمودى الشباب يبغون يساعدوك بدون الذهاب للورشة
أحنا هنا بالقسم تعودنا على كذا
و نحاول البحث عن الخلل قبل الذهاب للورش
ممكن تكون مشكلة بسيطة جداا بلف حراره أو غطاء الرديتر
او ممكن يكون من طرمبة الماء ،،
فلا تتسرع وتروح ورشة ويلعبو في سيارتك ويكون الخل بسيط .

[الزامل الاول]

هذا طال عمرك ورشة ابو سليمان الهبيش بحي الخضيراء في بريده

تخصصه باترول الرقم يالغالي ماهب عندي