راعي العجراء والرحله البحريه [الأرشيف]

مشاهدة النسخة كاملة : راعي العجراء والرحله البحريه

راعي العجراء

25/11/2011, 09:39 AM

السلام عليكم ورحمة الله وبركاته
اليكم هذه السالفه
السباحه بالبحر
في يوم من الايام قبل سنين لا اعرف لها تاريخ الوكاد انها منذو مبطي (شباب)
عزموا الشباب ان نطلع رحله بحريه للشرقيه نسمع بهاف مون ولاندري
ولافينا واحد يعرف للبحر والبعض منا يمكن اول مره يشوف البحر الا بالخارطه
المهم وصلنا للبحر وطقينا الخيمه والوقت حر ورطوبه عاليه شي ماتعودنا عليه
ولامكيف حتى المهاف ماهي معنا وحنا ماتعودنا عليه حنا متعودين على الرياغي
والشعبان وملاحق الضبان لو الشمس عموديه والحراره فوق 50 درجه نشب الضو ونتدفى عندها
المهم من شدة الرطوبه صرنا مانطلع من البحر ماغير سباحه ليل ونهار ولو يحصل للواحد ينام بالبحر كان مامثله
ولا ندري انه اذا طلعت من البحر لازم ترش ماء على جلدك اول مره
ادري ان الماء يغسل بالماء
ماطول عليكم بالسالفه من كثر السباحه صار جلد الواحد يتقشر واللون صار اسود مدري بني والجلد المنتقشر يصير ابيض لاشفت ضهر الواحد تقول
قمراء في معشاش
ومن كثر ماتراكب الاملاح على الجسم صار الواحد ماعاد يقدر يتحرك الضهر متشطب
كل حركه يحس انه يتمزق لحمه مستوي لوتطبخ الرجال لو كان هرش مايحتاج له قدر كاتم
فوحين وكب رزك
علاوه على عيوننا الواحد صايرات حمر لاصرنا جالسين مع بعض وشفت العيون تقول
مدرج مطار باليل
اللي حصل ان اخيكم راعي العجراء بلش بضهره من التصدعات والتشققات على طبقه الجلد الاستوائيه من عوامل الاملاح المصاحبه من المياه الهاف مونيه
والوقت كان بعد الضهر وملقي الضهر للهواء ادور نسناس شمالي يلطف الجو على الضهر
معنا بالرحله واحد خبل ويتخيبل وهو يمر من عندي وانا مثل ابو الهول ماقدر اتحرك ولا حتى التفت وهو يجي من عند ضهري وهو يغرس اضافره بضهري من عند الرقبه حتى اسفل الضهر وهو يقشع اللحم مع الجلد وهو يخلي الضهر تقل مشط حراثه بالارض
وهويضحك وانا بلش بعمري اللحم والجلد يتطوى مع اضافره تقل قشرة مرسم من برايه
وانا ماغير دموعي على خدي من القهر لاقوى الحقه ولا تحرك عن مكاني
انثر دموعي ياعسى الجرح يلتم ---- والدمع يزود علة الملح بالملح
مازال هذا الشخص يتذكر ضحكته
وانا مازلت اتذكر واعاني من جروحي وعلتي
انتهت السالفه ارجوا ان اكون وفقت في طرحها لكم
وقبل الختام
سبحانك اللهم وبحمدك استغفرك اللهم واتوب اليك
تحياتي للجميع

محمد الدوسري ٢٠٥

25/11/2011, 09:48 AM

دائما مميز بقصصك الرائعه

النبهاني

25/11/2011, 10:33 AM

Al3rands

25/11/2011, 01:18 PM

سلامة الظهر واللي مايعرف البحر يسبح فيه

هاوي عبث

25/11/2011, 01:19 PM

هاهاهاها تعيش وتتقشر يالنسيب كان سألتني وعلمتك ولا خذتني معاك لديار الخوال

الدافور 1430

25/11/2011, 05:10 PM

وعليكم السلام ورحمة الله وبركاته

هههههههههههههههههههه

اتعيش وتاكل غيرها

الله يسعدك لاعاد تطول الغيبات ترى مانتحمل

خوي مخباته

25/11/2011, 07:38 PM

مشكوووووووووووووووووووورر
اخـــــــوي " راعــــي العـــجــــــــراء "
وفقت في هــ الســــــــــــــــالفه وامتــعتنـــــا
.............. تحياتـــي .............لك

تلميذ

25/11/2011, 07:50 PM

ما أروعك يا راعي العجراء ... وما أروع سواليفك وهذه تصنف .. ضمن حامض حلو ..
إللي كاسر خاطري في السالفة .. بيت الشعر
فما اجمل دش الما ء بصابون له رائحه الليمون وشامبو ضد القشره ...
عاش من شافك يا راعي العجراء

عويل الذيب

25/11/2011, 08:26 PM

ماشاء الله عليك يا راعي العجراء. اسلوبك شيق وممتع

مكشاتي بقيق

25/11/2011, 09:21 PM

وش قردك يا راعي العجراء
يازين الشعبان والبران
وش لك بالبحر والملح
هذا درس لك عشان ما عاد تطري البحر
بارك الله فيك على السالفه الجميله

أبوعابد 22

25/11/2011, 10:58 PM

يالبا الشعبان والحزوم مايردك الي موترك والمعاميل
ام البحر نكبه وانا عني ماقد سبحة في البحر ولا ودي اسبح
ولا عد اصير قناص سمك

راعي العجراء

25/11/2011, 11:04 PM

دائما مميز بقصصك الرائعه

وانت دائم مميز بحضورك
لاعدمناك ولاعدمنا حضورك
تقبل تحياتي

راعي العجراء

25/11/2011, 11:15 PM

وعليكم السلام ورحمة الله وبركاته

هل هلاله وين الناس ياراعي العجراء
ياشيخ ايه كذا الله يحييك
تصدق يا راعي العجراء اني لي كم يوم وانا جالس على الرصيف احتري
لين جاء البرد وذبحن لكن الحمد لله عاضن الله وجت هالسالفه اللي ما بعده
اذا طلعت من البحر لازم ترش ماء على جلدك اول مره ادري ان الماء يغسل بالماء
لاتعود لهالغيبه تراي انا وسواليفك مثل السمك والبحر

سلمت ودمت لنا ممتع والله يحفظك اخوي

المهلي مايولي
هلابك يالنبهاني
والله يسعد اوقاتك بالمسرات
عساك تعرس على عمتي منيفه ويش يقعدك على الرصيف وتترك الخيمه
ابشر ماعاد اتعودله
وبعدين يااخي البحر يبيله رومنسي وانا رومنسيتي تحت طلحه يابسه
ماتحته الا هوادي قدر سود
والبحر على كبره ماتلقى مكان تشب ضوك وتنزل معاميلك
خل عنك البر ازين لو ان المشق يلعب بيديك ورجليك
تحياتي

راعي العجراء

25/11/2011, 11:24 PM

هاهاهاها تعيش وتتقشر يالنسيب كان سألتني وعلمتك ولا خذتني معاك لديار الخوال

هلا بك ياهوي عبث
والحمدلله على السلامه توك تجي وتبي تصير نسيب
يوم طارت الطيور بارزاقها اخذها النبهاني
تبي الصراحه ودي تحط اصبعك بالبحر ولاتغسله لمده ساعتين
ياشيخ ان اتشوف اصبعك تقل حاطه باسيد ثاني اكسيد الكربون مع هولجين
نترجين نوكتين
وبعدين اديار الخوال انا خابرهم عند قشعة بالدهناء
تحياتي

راعي العجراء

25/11/2011, 11:27 PM

سلامة الظهر واللي مايعرف البحر يسبح فيه

الله يسلمك يالغالي
واللي مايعرف للبحر يشويه

راعي العجراء

25/11/2011, 11:31 PM

وعليكم السلام ورحمة الله وبركاته

هههههههههههههههههههه

اتعيش وتاكل غيرها

الله يسعدك لاعاد تطول الغيبات ترى مانتحمل

هلابك يالدافور
والله يسعد ايامك ولياليك
ياعمي اكلنا من غيره شي كثير ياكفي الشايب اللي ماهنا عاير ماصفق راسي فيه
وتبي تكمله بالبحر
وابشر ان شاءالله ابا اتواصل معكم
انت تبا عمتي منيفه
اخذه النبهاني

راعي العجراء

25/11/2011, 11:32 PM

مشكوووووووووووووووووووورر

اخـــــــوي " راعــــي العـــجــــــــراء "
وفقت في هــ الســــــــــــــــالفه وامتــعتنـــــا

.............. تحياتـــي .............لك

هلابك يالغالي هلابك ياخوي مخباته
واشكرك على حضورك وردك الطيب
تحياتي

راعي العجراء

25/11/2011, 11:38 PM

ما أروعك يا راعي العجراء ... وما أروع سواليفك وهذه تصنف .. ضمن حامض حلو ..

إللي كاسر خاطري في السالفة .. بيت الشعر

عاش من شافك يا راعي العجراء

وانت ما اطيبك واطيب حضورك
ياتلميذ
فما اجمل دش الما ء بصابون له رائحه الليمون وشامبو ضد القشره ...
وانت الصادق اللي احسن منه العفور (التيمم )
والبحر مافيه عفور
والا ماكسر خاطرك جلدي وضهري اللي تقول شنة
خربانه

راعي العجراء

25/11/2011, 11:44 PM

ماشاء الله عليك يا راعي العجراء. اسلوبك شيق وممتع

الممتع حضورك ياعويل الذيب خل عنك اسلوبي
والله ياحضورك ان يسوى عندي شي واجد
تحياتي لشخصك

روح شماليه

26/11/2011, 12:10 AM

اسلوب رائع وممتع
يعطيك الف عافيه

ناصر العلي

26/11/2011, 12:15 AM

وعليكم السلام ورحمة الله وبركاته
يالله حيّه
شمس :sوملح :D:pورطوبة:hot:
تدري يالغالي لوأنتم مزودين قعدتكم يومين كان طلع لكم حراشيف:Dوالله ولاظهر طيران..طبل
وثاني مره خوذوا معكم فازلين وإن مالقيتو أستخدموا شحم سكوس:good2: وحدة بوحدة:good:
أمتعتنا حيل بالسالفة
كما هي عوايدك يالغالي

سليمان الربيعان

26/11/2011, 07:37 AM

قوافي ( أم نهار )

26/11/2011, 01:45 PM

حياك ربي
باقي لكم شوي وتصيرون قفر أوادم
من طبع البحر الغدر والحمد لله انها وقفت على ملح
حفظك الله ودمت سالماً
تحياتي.اختك
..قوافي..

راعي العجراء

26/11/2011, 01:50 PM

وش قردك يا راعي العجراء

يازين الشعبان والبران
وش لك بالبحر والملح
هذا درس لك عشان ما عاد تطري البحر

بارك الله فيك على السالفه الجميله

هلابك يامكشاتي بقيق
والله يسعد لياليلك بالمسرات
صحيح
عليك بالشعبان لو لحقك الدين
اولاجاك ولد سمه شعيب
والبحر لو تغرق دقيقه على طول يرتفع ضغطك للاخير
من الملح
عاد حنا يالشيبان لو نغط السان دقيقه بالبحر على طول حالة اغماء من ارتفاع الضغط
مايبي لنا شي

راعي العجراء

27/11/2011, 01:39 PM

يالبا الشعبان والحزوم مايردك الي موترك والمعاميل
ام البحر نكبه وانا عني ماقد سبحة في البحر ولا ودي اسبح
ولا عد اصير قناص سمك

هلابك يابوعابد
كلامك صحيح البر بريره والغثاء في البحور الغزيره
والله لو تشوي لك قوبعه او ام سالم بالبر
احسن من هامور 20 كيلو صافي
البحر مافيه شبت ضو ودلال وترحيب بالضيوف
اشكرك يالغالي

راعي العجراء

27/11/2011, 04:55 PM

اسلوب رائع وممتع
يعطيك الف عافيه

الله يعافيك ياروح شماليه
والممتع حضورك

راعي العجراء

27/11/2011, 05:07 PM

وعليكم السلام ورحمة الله وبركاته

يالله حيّه
تدري يالغالي لوأنتم مزودين قعدتكم يومين كان طلع لكم حراشيف:Dوالله ولاظهر طيران..طبل
وثاني مره خوذوا معكم فازلين وإن مالقيتو أستخدموا شحم سكوس:good2: وحدة بوحدة:good:
أمتعتنا حيل بالسالفة

كما هي عوايدك يالغالي

الله يمسيك بالخير يابو علي
تشرفت في حضورك
شمس :sوملح :D:pورطوبة:hot:
اجل هذا اللي يقولون عنه يابوعلي
حار جاف رطب صيفا
معتدل لزج الرطوبه شتاَء
الايابوعلي
اذا تشطب الجلد وصار الضهر تقول جادة ابل في حزم
اوجرة لوري بطينه
مايصلح الفكس يتدهن فيه الواحد بدل الفازلين
(هل كيف يصير ياحسين)
اشكرك يابوعلي اذا افدتني بذلك

راعي العجراء

27/11/2011, 10:33 PM

بعض المزح ثقيل ما بنبلع هذا حلاته تغرقه لمين يشرب نص البحر

لو الشمس عموديه والحراره فوق 50 درجه نشب الضو ونتدفى عندها
صدقت و نتقهوى ونقول حر
امتعتنا بسالفتك الجميلة والرائعة

تقبل تحياتي....

هلابك ياعم ابوربيعان
والله يسعد اوقاتك
صحيح طال عمرك المزح الثقيل اقشر
ولو اقدر امسكه ذاك الوقت حطيت برجليه بلكتين وجدعته بالبحر
امتعتنا في حضورك
وفقك الله
ودمت بخير

محمد الظاهري

27/11/2011, 11:17 PM

وعليكم السلام ورحمه الله
حي الله راعي السؤلف الزينه
وصاحب الصدر الوسيع
قصصك كلها في قمة االروعه
نقلت لنا حياتك الرائعه واجملها
وخليتنا نعايشها بأجمل ما يكون
ويازين الشبه والسؤلف الزينه
اشكرك جزيل الشكر
تحياتي وودي

راعي العجراء

28/11/2011, 11:57 AM

حياك ربي

باقي لكم شوي وتصيرون قفر أوادم
من طبع البحر الغدر والحمد لله انها وقفت على ملح
حفظك الله ودمت سالماً
تحياتي.اختك

..قوافي..

هلابك ياقوافي
الا صرنا قفره اوادم من الملح وطرق الهواء الحار
الواحد منا يابس مايقدر يتحرك كان يتكسر
صرنا مثل الموميا
خفنا على انفسنا يشوفنا احد ويرجعونا للاهرامات وجه الواحد تقول ساطور متثلم لاعب فيه الصداء من البحر
اشكرك ياقوافي على حضورك الطيب
لاعدمتك

عابر الجوف

18/04/2015, 11:38 AM

وش وداك للبحر ههههههههههههههههه

shammm0o

21/04/2015, 03:42 AM

ههههههه
الصراحه سالفه ماقسه
هههههههه

سحاب نجد راعي شقراء

28/04/2015, 06:37 PM

يالله تحييه وتبييه

وين الناس يدافع البلا ولاصرتا طيب بالدنيا كلها يخو منيفه ياراعي الدنانه ههههههههههههه