اسعار الشاص الفلكيه

[Xterra11]

السلام عليكم ورحمة الله

تلاحظون هالايام اسعار الشاص الخياليه يعني معقوله سياره مابه حتى ايرباق للسواق ب165 الف
اكيد مابه كلام انه موتر يطربك لكن موب لهالدرجه السعر الخيالي
السؤال هل الاسعار ذي بالشتاء بس يعني بعد الشتاء تنزل الاسعار ولا تبتل ترتفع يعني عقب 4 سنوات ب200 الف مهب معقوله
ارجو التفاعل :D

[الوزير2]

والله لا صار فيه ناس تشتري بهالأسعار فأبشر بزيادة ا لأسعار..............

[cz527]

و الله من جد ضحك على الدقون

مهزلة مابعدها مهزلة...

المشكلة الناس ماهنا رواتب فلذلك 90% من الشعب يشترون أقساط

و 10%من الشعب يشترون كاش...

الأغلبية يعجزون لكن البنوك تقدم تسهيلات و قروض و إغراءات و في الأخير الضحية المواطن..

أجل بالله عليكم أحد يشتري سيارة و يقسطها 5سنوات قسط يقص الظهر....

و الله ماتسوى مذلة 5سنين من شان أركب سيارة بكرة و الا عقبه مسروقة و الا متبليك

غشيم و في الأخير تشليح....:p:D

[حور الفيصل]

ياخوي هذا الشاص يستحق اكثررررررررر من كذااااااااااا

[دل البحار]

ياخوي تقول اسعار خياليه
هذا سعرها 166 الف
يعني ماتجي بسعر رباط بعير من أبو 25 مليون
تشتري بسعره وكاله سيارات
وفيه شيء تانين ترا السعوديه غنية بالحيل يعني الاسعار على الغنى الموجود عاديه

[حرقوصي]

ياخوي هذا الشاص يستحق اكثررررررررر من كذااااااااااا
( ربنا لا تؤاخذنا بما فعل السفهاء منا )
هذا اللي دامرنا
وش اللي شاص يستحق اكثر من كذا بالله فهمني ؟
موتر داج احسن ما فيه صندوقه والباقي كبه
شركة تويوتا بكبرها بدت تنخفض من ناحية جودة الصناعة
الموديلات الجديدة والله انها خرطي ما بعده خرطي
ومع هذا الأسعار صارت تجاكر السيارات الألمانية
يا ناس فتحوا عيونكم وشغلوا عقولكم شوي
حتى قطع الغيار صار نار
حسبنا الله ونعم الوكيل
اللهم ابعد عنا الغلا

[ابونبيل]

ياخوي هذا الشاص يستحق اكثررررررررر من كذااااااااااا

يالك من شريطي:eek:

[AL JARAH]

والله ان الشاص ما يستحق انه يتعدى ال 130 الف ياشيخ والله لو انك شاري هدد

[الرسن]

الهايلكس وصلت لـ 100 الف وهي تايلنديه .
وانت مستكثر على الشاص 160 الف!!

[ابوبدر3]

والله اني خابره ماتشتريه الى الشركات لاكن حظ ابوووووووووووووووووووووجميل

[khhh]

ابوبدر بلعكس الشاص سيارة اهل السعودية ولا مارات وقطر ولة عشق قديم اهو والجمس الحوض البهباني والجميحي وهل حين تقول شركات وبو جميل د خلتوه بالموضوع اللة يهديكم ترا ابوجميل ماااااااااات سبو عيالة

[Xterra11]

اللي اشوفه باكثر الردود مستنكرين هالاسعار ودي ادري من اللي يشري طيب
وبالنسبه للي يقول الشاص يستاهل اكثر ابسألك وجاوب بصراحه لو معك 165 الف تشري به شاص؟
واللي يقول السعوديه غنيه انا اتكلم عن الناس عامه مب بالسعوديه كله كدوله اما الناس الغالب ماشين ع الديون والقروض والله يعين
محد جاوب هل الاسعار بالشتاء فقط وبتبتل

[سفاري959]

الأسعار كلها مبالغ فيها لا شاص ولا غيره ومع حبي للشاص الا اني اقولك ما يستاهل

هالأسعار الفلكيه ولو تركنا الجديد وكلن تعبر بموتره الي معه صدقني سنه وتشوف

الأسعار وشلون تنزل غصب لكنهم لاقين ناس تشتري وتدافع عن الشركه وكأنها ملك

ابوه يعني بلانا منا وفينا وبالنسبه للأسعار انها مرتفعه عشان الشتاء اقولك هذا الكلام

بالمعارض ممكن لكن الوكلات اسعارهم ما تعرف شتاء ولا صيف اذا ارفعوا ارفعوا


حسبنا الله ونعم الوكيل

[cz527]

لاتنسون يالربع اهل المزاينات اللي سببوا هذه النكبة في الإرتفاع الجنوني

حيث كل عام يشترون أحدث الموديلات و بكميات هائلة و الدليل شاهدوا

القنوات اللتي تبث و تنقل المزاينات كل عام...للأسف رؤوس أموالهم تعرفون

من أين أتت؟؟!!؟؟غسيل أموال,,,إسراف و تبذير خصوصا نطل رؤوس البهائم

على من حشوان و نعيم على((في الحقيقة ليست صحون أقرب مالها ملاعب كرة

سلة))لأن منتصفها لاتصله يد و لا تقطع عرضها البندق:D....

اللهم لاتؤاخذنا بمافعل السفهاء...

يالربع تخيلوا خلفة وحدة تسدد بها دية أهل حي كامل في الرياض كالشفاء أو السويدي:D:p:D

[من شمر]

( ربنا لا تؤاخذنا بما فعل السفهاء منا )
هذا اللي دامرنا
وش اللي شاص يستحق اكثر من كذا بالله فهمني ؟
موتر داج احسن ما فيه صندوقه والباقي كبه
شركة تويوتا بكبرها بدت تنخفض من ناحية جودة الصناعة
الموديلات الجديدة والله انها خرطي ما بعده خرطي
ومع هذا الأسعار صارت تجاكر السيارات الألمانية
يا ناس فتحوا عيونكم وشغلوا عقولكم شوي
حتى قطع الغيار صار نار
حسبنا الله ونعم الوكيل
اللهم ابعد عنا الغلا

جزاك الله خير ياحرقوصي وكثر من امثالك ... فعلا كلامك عين العقل ياليت وياليت كل الناس تقول كذا وتحكم اعقولها كان مثل هالسياره ماتاصل الثماتين لكن الشكوى على الله ....

[ابو ف]

يالربع عسى الله يكون بالعون لكن ترى فيه مقاطعه مع بداية السنه الجديده وخلوها تصدي وشوفوا الاسعار من دون في دون بإذن الله

الهمه الهمه كلن يمشي اموره لين الله يفرجها وترخص

[DahoOom]

الشاص رغم انه سعر فلكي على قولتكم بس له نفع رغم انه فعلا سعره فلكي
لكن الربع اللي واصل 155 على وشو بالله ..؟ احط 155 الف بقير ومكينه وصندووق يمشي
سلاماات
رااعي معررض يقولي سبب ارتفاع الشاص والصالون ام رقيبه والعهده على الراوي ..!

[سفاري959]

للأسف ام ارقيبه وغيرها هي السبب في ارتفاع اشياء كثيره غير السيارات منها الحواشي

والغنم والرز شف التبذير والبذخ الي ماله داعي هناك وتعرف ان هالغلاء الي حنا فيه

عقوبه من الله والله اعلم ربنا لاتؤخذنا بما فعل السفهاء منا استغفر الله العظيم واتوب


اليه ولا حول ولا قوه الا بالله

[Xterra11]

ع فكره متى تبدا فعاليات ام رقيبه لعله اذا خلصت تنزل الاسعار
ما ضرنا الا هالبنوك اللي تعطي من هالقروض ولا اقساط ذلن في النهار وهمن بالليل

[الفياض***]

يا اخوان سعره ٢٠١٢ عند ابو جميل ١٢٩ الف ابو رفرف

[شفت]

كلا عقله براسه وكلا يمد رجليه علي قد الحافه

[abodolim]

علاجه
المقاطعه

[Xterra11]

السعودي زين سعره انا لاقي سعودي نص فل يعني بدون ونش ودفلك 12 من حسن جميل ب124 الف
لكن الكلام ع البريمي

[مخاوي العريس]

عند البازعي 2012 , , والبازعي معروف شبيه البريمي فل كامل
148000 ونش + دفلك وهذا رقمهم012326677
وعند عبداللطيف جميل نفس المواصفات 134000 بس الناس الله يهديهم
ماشين ورى البريمي ولا ندري وش الفرق ما دام أغلب المواصفات موجوده
ومع ذلك سعره غالي ومبالغ فيه والله اعلم

[Xterra11]

الله يجزاك خير وشي طيب انه مايصير فيه احتكار
والناس مادري وش شايفين بالبريمي يعني فروقات بسيطه بس المشكله بالخط ولا الباقي نفسه

[دل البحار]

كلها تايوته للذلفه مابها شيء ن يستاهل والله ولو ال vxr تقول انك في باص هايس بجنوطه وشغله وشف الي راكب تايوته كيف حالته يناظر بالناس الي بالسيارات الامريكيه تقول بنقالي بين خواجات في السعوديه
أنا مقاطع تايوته ياخوي والاسم تايوته مثل البازوكه
النيسان سيارات الامريكي الالماني ميتسوبيشي
رانجل شيروكي همر
دوج
يوكن
اسكاليد
سيارات تهز الارض اما الهايش بجنوط فطقه ولا عندك في لحيته

[سفير الحيا]

أقول سلم لي على الشآص القديم موديلات 78 إلى 84 والنظيف مايتعدّى 12000
وبشرط أقوى من الجديد قوّه وتحمّل والبدي حديد ويازينه لا جاك مايمسك فرآمل
غير كفر وآحد :D وان راح ماعليه حسآفه لكن الجديد ان راح يطق بك عرق ;)

[راعي الوبارة]

السلام عليكم ورحمة الله وبركاته
يا إخوان ما دام الكلام عن الأسعار ... ياليت أحد الخبراء باللغات يعطينا أسعار هذه السيارات بالدول المنتجة لنتمكن من مقارنتها بأسعارها لدينا أما الكلام عن المواصفات والرغبات فهذا يرجع للرغبة والأذواق تختلف ... وسلامة الجميع

[مركز الثقل]

من هانت علية نفسة لا يشتكي اذا كان مع الأسعار هذي نطبلة ولا نقاطعه والله انكم تستاهلون والله لو انا منهم لخلية 250 الف وبرضة بتدفعون يالشعب الدفيعه

[رشيد4]

مساء الخير شباب ابي رايكم لوسمحتو عينت شاص عادي 11ريشه 119000موديل2011 اصفارفي المعارض وش رايكم اشتري

[محطم عنيد]

ماراح نروح بعيد مدام بين بعضنا مختلفين

العنوان واضح الشركات تتحدى المواطنين لأنها تدري المستهلك السعودي غبي جدا مع إحترامي لنفسي ^_^

لو تلاحظون سواء سيارات ولا أي شيء من اغراص التجارة منهو المستهدف تلقاه السعودي

لأنه بإختصار لايملك سياسة إقتصادية

[صحى وصحي]

المشكله انه غماره وحده فقط يعني مافيه اي تقنيه او اضافة تسبب زيادة سعره 0 وللاحاطه قال احد الاصدقاء بان سعره في المصنع لايتـــــــجاوز 60 الف وعرف ذلك عندما كان ماجود في البيان قبل عامين

[Xterra11]

المفروض من 95 الى 110
لكن الحل انه لا احد يشري بسعر مب طبيعي اصبر ولا شف لك موتر غيره الحين اشوف ببريده طاحو بالسييرا راحه وسعر وقوه ومثبت سرعه واتوقع الناس بتتجه له الا بعض الناس اللي مايعترف الا بالشاص والمشكله ان بعضهم ياخذه نصب لييييش قهر مب مصنوع لتسذا

[رشيد4]

المفروض من 95 الى 110
لكن الحل انه لا احد يشري بسعر مب طبيعي اصبر ولا شف لك موتر غيره الحين اشوف ببريده طاحو بالسييرا راحه وسعر وقوه ومثبت سرعه واتوقع الناس بتتجه له الا بعض الناس اللي مايعترف الا بالشاص والمشكله ان بعضهم ياخذه نصب لييييش قهر مب مصنوع لتسذاهلا اخي كم سعر السيرأ غماره وغمارتين اذا انت تقول سعر وراحة

[DahoOom]

السلام عليكم ورحمة الله وبركاته
يا إخوان ما دام الكلام عن الأسعار ... ياليت أحد الخبراء باللغات يعطينا أسعار هذه السيارات بالدول المنتجة لنتمكن من مقارنتها بأسعارها لدينا أما الكلام عن المواصفات والرغبات فهذا يرجع للرغبة والأذواق تختلف ... وسلامة الجميع


هذي متأكد منها ان شاء الله
اذكر الاف جي 2008 اول مانزل واحد من الشباب يشتغل عند عبداللطيف جميل يحلف بالله يقول انه ياخذه من المصنع الجيب الواحد قيمته لاتتجاوز الــ60 الف ريال سعودي او اقل
ويبيعه عليك بــ 120 وانت طالع ....
القاعده السائده بجميع الوكالات السياره لا صار عليها اقبال ارتفع سعرها
الهايلوكس 2004 انا شاريها جديده بـــ 58 الف ريال الحين ماتمسكها بأقل من 90 عشان الاقبال صار عليها كثير واصبر سنه او سنتين بتتعدى هالمبلغ

[Xterra11]

السييرا اعرف واحد اليوم مطلع z71 فل كامل اسود غماره وكاله ب112 والمكينه معروفه 5300 نشيط يعني
والغمارتين مادري عن سعره

[برق البشاير]

لن تنخفض الأسعار بل ستزيد ما دام فيه ناس تشتري سواء من المبسوطين :D مادياً ماشاء الله أو ( الفقعنية ) اللي يشترون بالدين ( قروش الناس ) والأقساط والقروض ويماطل في السداد زيادة على ذلك من شان ( الترزز ) وكم مشوار للبر يقوم به ددسن 80

[Xterra11]

المبسوط ماديا هذا ممكن تعذره لانه عنده خير الله يرزق الجميع ولاتفرق واجد معه الزياده لكن المشكله لاجاك واحدن حالته الماديه زوينه يعني تمشي الحال همن يروح يتسلف عشان يترزز بالسياره ويطلع الشيب براسه من تسديد الاقساط
لكن خله على ربك

[star22]

من جد يطرب الشاص

لكن الاسعار خياليه