استفسار بشأن استخدا الطبق الخاص بالسيارات

[جبل مسحر]

السلام عليكم. وكل عام وانتم بخير. حبيت اسألكم عن فائدة طبق السياره لان عندي جمس سوبر بان وابي اركب له طبق لكن ايش فايدته. شكرا لكم

[القنـاص2008]

حياك الله طال عمرك
فائدة هو ترتيب الاغراض على حدة
مايكون كلا على بعضه

وان شاءالله اني افدتك

تقبل مرورى

[سرهيد]

حياك الله طال عمرك




فائدة هو ترتيب الاغراض على حدة
مايكون كلا على بعضه


وان شاءالله اني افدتك



تقبل مرورى


السلام عليكم

مثل ما قال الاخ بسام

ترتيب العفش ويعطي مجال ليكون العفش اكثر وهذه صورة بعد اذن صاحب الموضوع

http://www.mekshat.com/pix/upload01/prof021/mk40450_0713100307066zu4olqily.jpg


http://www.mekshat.com/pix/upload01/prof021/mk40450_071310030706craipii4kj.jpg

تحياتي لك

اخوك

ابو عبدالله

[hguvfd]

والله حلو ودي اركبة عندي يوكن 2005 قصير وين القاة وكم سعرة

[سرهيد]

والله حلو ودي اركبة عندي يوكن 2005 قصير وين القاة وكم سعرة

هلا بك اخوي

اغلب محلات لوازم الرحلات تجدها لديهم

اذا انت في الرياض عندك السنيدي وبرق الحيا والبرية والكشاتة

واذا انت في القصيم عندك السنيدي وعندك عروق الشمال

تحياتي لك

[hguvfd]

شكراً سرهد

[خالد 0066]

السلام عليكم ورحمة الله وبركاته

الطبق فائدته مثل ماقال الأخوان هو ترتيب العفش والأغراض

حتى يسهل عليك الحصول على السلعه التي تريدها بدون تنزيل باقي الأغراض

لازم تروح لورشه تضبط لك التفصيل

وشكــــــــــراً

[hguvfd]

طيب من افضل محل لاني قررت اركب واحد

[ابوعبدالله البدراني]

من واقع تجربه لاتتعدى محلات الكشاته وصاحب المحل ابوخالد متواجد معنى في المنتدى

[محلات الكشاتة]

ياهلابك
المحل محلك
ونحنو في خدمتك
وشكرآ يابو عبدالله على هالثقه

[nejjer]

والله اذا تبي شوري لاتركبه لان الطبق بنفسه عفش زائد ويضايق المحل عليك يعني إذا بغيت تنزل اي شي لازم تبعد اللي حوليه عشان يطلع معك

[اصيل نجد]

هلا باخوي بالعكس انا اشجعك وبقوه على تركيب الطبق صراحه فوق الممتاز عفش البر واللي قليل استعماله مثل اشتارك او شنطه عده او اي شيى وفوق تحط اللى تبي لصار معك عفش طبق بيض تحتار وين تحطه والله ارتحت من حطيته وانا شريته جاهز من برق الحياء 290 ريال وعندهم جميع المقاسات طبعا ليست دعايه لهم يالحبيب عندهم وعند غيرهم لكن انا مجرب اللى عندهم حفظك الله ورعاك .

[بن نويشر]

احب اضيف نقطة هامة حول اهمية الطبق
وهي ، فوق انك ترتب أغراضك يكون الطبق غرفة نوم صغيرة للإطفال الصغار للهو والراحة والنوم ايضاً

كما عندي بالسيارة ...

يا رجال ركب ولا حرج إن شاء الله

[بروح معاكم]

حياك الله اخوي
فيه طبق انا مركبه بس تفصيل وهو فكرة احد الاخوة في منتديات الرحلات ميزته انك تقدر تشيل الطبق الخشب ولا يحتاج تنزل الهيك الحديد وايضن الخشب يتسفط ويكون كرسي
هذا الرابط بعد اذن اصحاب المنتدى
http://www.alrahalat.com/vb/showthread.php?t=9669

[جبل مسحر]

بيض الله وجيهكم. ولاعدمتكم يالنشاما

[م.العبيدي]

والله حلو ودي اركبة عندي يوكن 2005 قصير وين القاة وكم سعرة

انا عندي يوكن 2005 مركب فيه الطبق ، وحصلت عليه عن طريق السنيدي في القصيم وانا في الدمام ، اتصلت عليهم وطلبته وقالولي سدد قيمته وكان قيمته 240 ريال واصل لعندي في الدمام بعشره ريال على شركة توصيل ناسي اسمها

[hguvfd]

شكرأ لصاحب الموضوع وللجميع

[اخو خويه]

أخوي أنا خذيت الطبق حق برق الحيا وتحسفت لأنه الحوامل الي تمسك الطبق الوسطي ضعيفه حاطين أربع حوامل بالزوايا وحاملين بالوسط على شكل مثلث توذي الصغار معك إذا خليت الطبق على شكل مرتبه لكن شفت حق البريه ممتاز جاي الحوامل على شكل برواز دار ما دار على الفتحة الوسطيه وقاعدة الأرجل كبيره شوي

الطبق للاند كروزر
السنيدي 260
برق الحيا 290
البريه ؟؟؟

الشراء الأسبوع الماضي