يوسف الخليفة1
25/11/2011, 08:21 PM
بسم الله الرحمن الرحيم
السلام عليكم ورحمة الله وبركاته
يا زاير الغرمول دون الدباديب=بشر عن الصمان وشهو مسيله
خبرنا عن ذيك الديار المجاديب=وام الجماجم عقب رشق المخيله
يذكر عليها من المزون المحاليب=اللي مواخرها يوفي حصيله
حنا نشدنا عن مساريك يالذيب=من شان حشمه بالحشا لك نحيله
وش حالة المطران خضر العياسيب=حمر النواظر كاسبين الجميله
ربوعك اللي سايقين المواجيب=يومه دليل اللاش يغدي عميله
اسمع تراني من عداد الاصاحيب=نصيحتن تسوا الكنوز الثقيله
لاطالت السجه تواسا على الطيب=لا يرتخي غصنك ويبدا ذبيله
وافرش لربعك بالذرا من ورا الجيب=عن الروابع ذاريات النثيله
لا تخدم لحاجه بنفسك ترا عيب=مير اخدم لحسن الطبوع الاصيله
وامزح بلا تجريح باقصا الدواريب=والزله العوجا حذاري تشيله
وان طالة النجعه بصر ولواهيب=اكرب على بالك بحسن الفضيله
يا زينها الوقده بليا متاعيب=ويا حلوها الدله بحر المليله
بين النشاما والسوالف مجاذيب=مبيضين الوجه ربع الصميله
ترف الكفوف ملينين المصاعيب=يرون دسمه من عملهم قليله
واسلم وسلم يا حصان المكاسيب=عساك سالم في مدا كل قيله
يوسف الخليفة ( أبو عبد الله )
السلام عليكم ورحمة الله وبركاته
يا زاير الغرمول دون الدباديب=بشر عن الصمان وشهو مسيله
خبرنا عن ذيك الديار المجاديب=وام الجماجم عقب رشق المخيله
يذكر عليها من المزون المحاليب=اللي مواخرها يوفي حصيله
حنا نشدنا عن مساريك يالذيب=من شان حشمه بالحشا لك نحيله
وش حالة المطران خضر العياسيب=حمر النواظر كاسبين الجميله
ربوعك اللي سايقين المواجيب=يومه دليل اللاش يغدي عميله
اسمع تراني من عداد الاصاحيب=نصيحتن تسوا الكنوز الثقيله
لاطالت السجه تواسا على الطيب=لا يرتخي غصنك ويبدا ذبيله
وافرش لربعك بالذرا من ورا الجيب=عن الروابع ذاريات النثيله
لا تخدم لحاجه بنفسك ترا عيب=مير اخدم لحسن الطبوع الاصيله
وامزح بلا تجريح باقصا الدواريب=والزله العوجا حذاري تشيله
وان طالة النجعه بصر ولواهيب=اكرب على بالك بحسن الفضيله
يا زينها الوقده بليا متاعيب=ويا حلوها الدله بحر المليله
بين النشاما والسوالف مجاذيب=مبيضين الوجه ربع الصميله
ترف الكفوف ملينين المصاعيب=يرون دسمه من عملهم قليله
واسلم وسلم يا حصان المكاسيب=عساك سالم في مدا كل قيله
يوسف الخليفة ( أبو عبد الله )