المساعد الشخصي الرقمي

مشاهدة النسخة كاملة : سؤال لاهل الررس ............؟؟؟؟


المتوسط
25/11/2011, 11:50 PM
السلام عليكم ورحمة الله وبركاته

حبيت اسأل عن سوق الرس الشعبي وينه بضبط من دوار دخنه ؟

وفيه حراج الصبح ؟

كل يوم ولا االخميس بس ..

وسلامتكم يربع
المتوسط
26/11/2011, 12:09 AM
اهل الرس وينكم ...؟!
المتوسط
26/11/2011, 12:14 AM
احد منكم يجيب الخبر لاتخلونا
FORD1969
26/11/2011, 12:20 AM
ماعندي خبر السموحه

اصبر على حقين الرس كاشتين
المتوسط
26/11/2011, 01:59 AM
يمديهم جوو من الكشته ترا ماهي طواله
البر عشقي
26/11/2011, 06:23 AM
هلا حياك سوق الرس ايهم تقصد السوق العام علي طول شغال

فيه سوق الثلاثاء كل يوم ثلاث كان في السابق الثلاثا والخميس مادري الخميس يجي احد او لا مالي علم فيه لاني من القرى المجاوره له
ومكانه من دوار دخنه تمشي سيده بعد دوار دخنه وانت داخل للديره تجيك اشاره اللي يسارها البلديه ومسجد العيد القديم خذ من عند الاشاره يمين وامش لين مايجيك مطب صناعي بعده اشاره فلشر خذه من عندها يسار تمشي شويات تلقاه علي يمينك

واذا تقصد الحراج حق الخردات فهو يوم الجمعه بعد الظهر بساعه وتمشي من دوار دخنه متجة شمال علي طول لين ماتعددي كل الاشارات وقبل الاشارة الاخيره حقة المستشفي العام الجديد تحصل الحراج علي يمينك
المتوسط
26/11/2011, 08:40 AM
بارك الله فيك اخوي انا اقصد السوق اللي يباع فيه السمن والبقل وبيوت الشعر مثل سوق الجرده في بريده

عندهم حراج كل يوم الصباح والا بس الخميس بيض الله وجهك
البر عشقي
26/11/2011, 10:19 AM
هلا بك ايه سوق السمن تقصد والخيام قصدك هذا ياطويل العمر مكانه لحاله وسوقه مستمر تلقى اهل السمن واهل الخيام والعدد دايم فاتحين بس يوم الخميس يكثر السوق والعرض خاصه السمن لان الباديه يجونه بكثرة يوم الخميس


اما وصفه هو طال عمرك من عند دوار دخنه تاخذ سيده نفس الووصف الاول بس هالمره تعدي الاشاره الاول يصير مسجد العيد على يدك اليمين وبعده مواقف المستشفي القديم خلها كلها لين تجيك ثاني اشارة خذ من عندها يمين تدخل بوسط شارع البنوك سابقً تمشي لين يجيك تقاطع واشارة فلشر توديك يمين للسوق العام سيد لاتلف لايمين ولايسار تجيك محلات صغيره علي يمينك بعدها فتحه صغيره ادخل معها يمين تشوف عاد كبرت البلديه لحقين بنص الساحه والمحلات دار مادار هذاك سوق السمن والخيام واذا تبي حاجات ثانيه ارسلي خاص وادلك عليها
عساي افدتك بس وحياك الله علي فنجال ماني بعيد عن الرس
المتوسط
26/11/2011, 12:43 PM
بارك الله فيك ياذيب عزالله كفيت ووفيت

لكن هم يحرجون حراج والا محلات بس ..وطول ايام الاسبوع
المتوسط
26/11/2011, 05:45 PM
فيلكن هم يحرجون حراج والا محلات بس ..وطول ايام الاسبوع
المتوسط
26/11/2011, 11:55 PM
فيلكن هم يحرجون حراج والا محلات بس ..وطول ايام الاسبوع
راعي طفات
27/11/2011, 01:04 AM
اخوي البر عشقي ماقصر وأفادك

وبالنسبة للسمن و و و يومياً يتم البيع عن طريق الجلابه من الباديه وغيرهم لكن الأكثر والأشهر يوم الخميس

أما الخيام فهي بالمحلات وأحياناً يأتي بحراج الجمعة العصر بعض الخيام

الجمعة الماضية 29 / 12 / 1432 فيه خيمتين صباحيات اخت الجديدة تقريبا 7 * 5 والثانيه يمكن 8 * 5 سوم 2500 و 2700 ولم يتم البيع

اما خيام الرحلات فيه الوسم للخيام محله عند الدوار الاول الي قبل دوار دخنه
وله موضوع هنا ومتواجد معنا

وفقك الله ولأي خدمه حاضرين