مساعدة .. أرغب بعمل تعديلات ميكانيكا وكهرباء سفاري 95 (تعديل فقط وليس ترهيم وتزويد)

[hail_ksa]

السلام عليكم ورحمة الله وبركاته

الموتر ربع سفاري 95
1- هل يمكن تغيير الكبليتر و تركيب بخاخ مكانه ؟
وأي نوعية بخاخ تركب على الموتر ؟ وأي موديل ؟
إذا في إمكانية معرفة كم التكلفة أكون شاكر لكم .


2- ايضاً سمعت إنه يمكن تركيب ديلكو أو كويل حق 4500
وش الفائدة اللي أحصلها إذا ركبتها ؟


3- إذا حملت على الموتر العزبه والأغراض وعبيت تانكي ماء + تانكي البنزين الموتر ينزل من الخلف وغير مناسب لممشى النفود ،
وش الحل هل أركب ياي أو مساعد في الخلف ، وما الحجم والنوع المناسب والارتفاع ؟
ودي الموترما ينزل ولا يتأثر بالتحميل ، وإن حصل يرتفع شوي بعد أفضل .
وإذا رفعته من الخلف يطلع نازل من الأمام ، وش أسوي علشان يرتفع من الأمام .

أدري كثرت الكلام والشرح ، لكن استحملوني ماودي ينضحك علي من العمالة ولا ودي اغير شي وأخسر وأطلع بدون نتيجه ، وأكيد مرة الحالة على الكثير ، تكره الموتر واليوم اللي دخلت فيه الصناعية .
ومشكووووور يأ أخواني الكرام
والسلام عليكم

[صياد الجبل]

ماعليك سوى ان تذهب بسيارتك الى مرهم LS1 وبعد ماتخاذها عليك وعلى ام حزم

[hail_ksa]

ماعليك سوى ان تذهب بسيارتك الى مرهم LS1 وبعد ماتخاذها عليك وعلى ام حزم


يعطيك العافيه أخوي صياد الجبل
يالغالي مافهمت معنى (تذهب بسيارتك الى مرهم LS1)
إذا قصدك ترهيم أنا مالي بالترهيم ولاقد طلعت لأم حزم .. طلعات بر فقط
ومعاي موتر ثاني للخطوط والسفريات

تحيااااااااااااتي

[hail_ksa]

للرفع


..................

[مخطور]

السلام عليكم ورحمة الله وبركاته ،،،،

- هل يمكن تغيير الكبليتر و تركيب بخاخ مكانه ؟
الجواب / نعم بمكانك تغير الكلبيتر الى حق جيب تويوتا 97 عادي مو بخاخ اقل سعر واقل صرفية بنزين ويعطي قوة شوي وسعره 1200 جديد اصلي ومع التركيب 1400( يحتاج مخرطة وتخريم قواعد الكلبيتر الجديد )
- ايضاً سمعت إنه يمكن تركيب ديلكو أو كويل حق 4500
نعم يركب ويعطيك قوة كهربا افضل مما تزيد عزم الموتر يمكن سعره من 800 الى 1000 ريال تشليح ولا تنسي تغير الكويل معه ايضا

3- إذا حملت على الموتر العزبه والأغراض وعبيت تانكي ماء + تانكي البنزين الموتر ينزل من الخلف وغير مناسب لممشى النفود ،
وش الحل هل أركب ياي أو مساعد في الخلف ، وما الحجم والنوع المناسب والارتفاع ؟
ركب ياي استرالي خلفي مقاس 2.5 اذا ماخاب ضني رقم بالرماية 9882 واذا تبي يزبط الموتر اكثر ركب مساعدات شاص امامي وخلفي

وتحياتي لك

[hail_ksa]

جعل والديك الجنة أخوي مخطور على إجابتك
واستفدت منك كثير يالغالي يامال العافيه

سؤال أخير لاهنت ..
البخاخ أم الكبليتر أفضل من ناحية العطال ودخول الرمال والغبار ؟
وأيهم أفضل من ناحية الصرفيه ؟

[sgl2002]

^^^
البخاخ افضل من ناحية الصرفية والاشتغال بسرعه بس صيانته بهذلة

انا حسب تجربتي للثنين ان الكلبريتر افضل لانه بدائي وخرابه تكتشفه بسرعه وعزمه اقوى في المشي وفي النفود انتبه لليات حقته وففلتر الهوا وامش

[هويدي]

البخاخ افضل من ناحية الصرفية والاشتغال بسرعه بس صيانته بهذلة

انا حسب تجربتي للثنين ان الكلبريتر افضل لانه بدائي وخرابه تكتشفه بسرعه وعزمه اقوى في المشي وفي النفود انتبه لليات حقته وففلتر الهوا وامش


مؤيد لكلام الاخ اس جي ال

وبالنسبه للرفع ياي استرالي ابو 3 سم
ما اعرف رقمه الوكاد حمولته 200 كيلو

[hail_ksa]

الله يرحم والديكم ويجزاكم كل خير أخوي sgl2002 وكذلك أخوي هويدي ولا يهون أخي مخطور
رأي سديد ومن خبره ماشاء الله عليكم

لكم كل الشكر والتقدير أخواني الكرام

[عبرود الودي]

االبخاخ هج عنه

انا معي بخاخ وحساسات وحوسه

كبليتر عطي الله كلن يعرف له

[hail_ksa]

بارك الله فيكم أخواني الكرام


بالنسبة لرفع الموتر
- تم تركيب كفر تايلندي بـ 1850 ريال .
- تركيب ياي استرالي خلفي بـ 670 ريال وشغل يد 100 ريال .

بقية التعديلات الميكانيكية لم التفت لها حتى الآن .. وإذا شاء الله قريباً أركب كبليتر تويوتا + ديلكو وكويل 4500


تحياتي وشكري وتقديري لكم أخواني الكرام

[الغلا كوم]

حياك اخوي ياهلا بك

لاهنت اذا ماعليك امر

اذا مركب الياي من حائل ياليت تذكر لي من وين اخذتة واسم الورشة

وشاكر لك يالغالي