نبي العلم الاكيد في الدهناء

[سوسة حطب]

السلام عليكم اسعد الله صباحكم بكل خير صباح ماطر وممتع للجميع
اخواني اعضاء منتدى مكشات الشامخ بغيت العلم الأكيد في رفع الحظر على الدهناء لإن الاسبوع الماضي ربع لي مسكوا واخذ عليهم تعهدات من قبل المجاهدين الله لا يهينكم ,,

[مسموح]

صباح الخير اخي/ سوسة حطب
زميل لي بالدوام امس مشددين اباعرهم لدهنا كلامه قبل نص ساعه

تقبل خالص تحياتي

[القناص 2008]

هلا بالغالي
انا يا خوك طبو علي وكان الوقت بالليل وكنا اثنين
قاصين جرتنا يتبعونها ونزلو ثلاثه رجاجيل من سياره المجاهدين
وبغو يسلمونا في المركز قال محميه قال قلت الله يرحم والديك وين تبينا نروح على الليل قال تطلع والا سلمتك شيل وحط انا وياهم المشكله انا جالسين يعني سمره رايقه الصراحه خرب الجو والله شبت الضو وحليب وشاهي وقهوه مروقين على الاخر
والله يا عيال قسم بالله يوم طلعت من الدهنا والقا نفس الشاص الي قومنا من محلنا والقاه متعطل ويأشر لي واوقف ويصير نفس الرجال الي قومنا حق المجاهدين قال خويي مهوب هذا الرجال الي جانا تو قلت الا قلت بوريك فيه ههههههه قلت سم يا الشيخ امر قال ابي عفريته والرجال مبنشر الكفر قلت والله تشمها ما في امل اعطيكياها خس يا خايس ويضحك خويي والنحشه يا ذيبان هههههههههه تراها محمـــــــــــــــــــــــــــــــــــــــــــــــ ـــــــــــــــيه لاتتوهقون يالربع وبسلامتكم
تحياتي لكم

[صدوق الوعد]

حياك الله

العلم الاكيد انهم فكو الحمى عن الدهناء الا جو ساقان من تاريخ اليوم 1433\1\1
وهذا المصدر

http://sabq.org/sabq/user/news.do?section=5&id=33710

اخوي القناص مالك حق في الرجال
هو رجال يقوم بعمله بكل امانه
وماينلامون هذي مسوليه
اما انت وانا اخوك فتراك اخطيت وماساعدت اخوك المسلم والسبب انه يـأدي عمله
ليتك نزلت وساعدته وعطيته العفريته واخذت اجر الرجال ونفس الوقت تبين معدنك ياغالي
ومهما صار اعمل بالشي الي تشوفه صح ولا عليك من الشي الي يسونه الناس
اهم شي انك تسوي الشي الي وصانا عليه الاسلام وعوايدنا الحميده


ومن هنا اوصيكم يا اخون والي تطلعون للبر وتكشتون
الله الله بالنظافه بعد المكشات عشان لاجيت مكانك المره الجايه ماتتضايق من الوصاخه الي فيها

ولاتحطبون الا قد حاجتكم وبس

تقبلو مرووري

[سوسة حطب]

صادق اخوي وصلتني رساله من جوال الرياض يفيد بذلك تسلم يالخوي وصادق في نفس الوقت المفروض انه يفزع له حتى لو كان الرجال خايب افزع له وخله يشوف معدنك ويعرف معنى المرجله والفزعه سلمت

[عاشق نجد]

الخبر أمس الجمعة 29/12/1432هـ .

الجزيرة - واس

أعلنت وزارة الداخلية في بيان لها لعموم المواطنين أنه بالإشارة إلى ما سبق بشأن حماية أماكن في الدهناء لتكون مخزوناً للرعي في فصل الشتاء، ولما تقتضيه المصلحة فقد صدرت التوجيهات الكريمة بفك الحمى عن محمية الدهناء اعتباراً من يوم غد السبت الموافق 1-1-1433هـ مع الاستمرار في حمى (جو ساقان) من جميع جهاته الأربع، وعدم السماح بالدخول فيه إلا للعبور فقط، ولمدة عام من تاريخ فك الحمى.وأكدت الوزارة في بيانها أنه يمنع منعاً باتاً الاحتطاب، أو قطع الأشجار، أو قلعها في الدهناء والصمان، وأن من يخالف ذلك فسوف يلقى العقاب الرادع حسب الأنظمة والتعليمات ذات الصلة.

[توّاق]

الله يقويهم على كل من يقطع الشجر أو يحطب

شكرا لك