مشكله مالها حل

[طلال 2010]

السلام عليكم ورحمه الله وبركاته وبعد
الله لايهينكم ياجماعه انا معى جيب 2002 قير تماتيك فتك 4800 نيسان وفيه حراره اذا وقفت السياره عند الاشاره ترتفع الاحراره الى الفل وذا مشيت مباشره تبدا بنزول التدريجى الى وصولها الربع
1.غيره لاديتر وكاله بقيمه 2000 ريال
2.غيرت تماتيك وكاله 700 ريال
3.غيرت البلف حق الحراره ايضا وكاله
لاكن ياجماعه مافيه فايده يضحكون على المكانيكيه ونا مدربى راسى معهم دون جدوا
والحقيقه الجيب مشاءالله نظيف ونفسى فيه مانى حاب افرط فيه لاكن المشكله ذى طيبت نفسى منه وش رايك له حل او ابيعه سراحه انا ثقتى فى الخبره السعوديه كبيره
تكفون ياجماعه وش الحل لاتبخلون على برايكم ولكم كل الاحترام وتقدير

[mns11]

طرمبة الماء غيرها بالمره

[محمد الشوشان]

ربك يستر عليك يبه

بس ما ودي أصدمك لكن شيك على وجه الراس وتأكد
لأنه بعد كل اللي سويته ذا ممكن يكون الراس

وعسى ربي يصلح الحال

[mns11]

مقياس الحراره تأكد منه

[mns11]

لا الراس ما فيه شي على مسئوليتي لان الراس ينثر الماء ويحتر خلال دقايق واذا مشيت ترتفع

[hail_ksa]

1- تأكد من المراوح الأمامية لا يكون سلكها مفصول .

2- صارت معي مره كهربائي لعب بالكهرباء وصار الموتر يحتر وبدون تشغيل المكيف (طبعاً إذا وقفت عند الإشارة ترتفع الحراره) ، ولما فتحت الغطاء وأشيك على ماء الرديتر وأدبر بالموتر وألا أشوف ماصورة الفريون اللي أمام جهة الراكب عليها ثلج !! شلون ثلج والمكيف طافي ؟؟
المهم رجعت للكهربائي وشال الأسلاك اللي مركبها لي ورجعت حرارة الموتر طبيعية .

3- أحتمال عندك تهريب بطبة الماء .. شيك على جنب المكينة وشوف إذا فيه تهريب أوتنديه أو أملاح متجمعه على الجنب .

[أصيل حجآ زي]

شــُف يأخي / طلال
أذا بدبة التلوّث أنسدآد فترى تتسبب في أرتفآع الحرآرة وفي كتمة وفي ضعف العزم :
دور دبة التلوث في ضعف عزم المـُحرك وأهميتـُه حسآس الأ ُكسجين ؟؟؟ أعملها بنفسك {DIY} ! (http://www.mekshat.com/vb/showthread.php?t=313596)



وأذا موزع الشرآرة عندك { ديلكو} ومزون بالترجيع { رتآرد Retard }
يتسبب في أرتفآع الحرآرة :





تـعـلـم كـيـف تـوزن توقيت الشرآرة بمُحركك (وزن موزع الأشـعـل/الديلكو) Adjust Ignition (http://www.mekshat.com/vb/showthread.php?t=225333) http://www.the-transmission-center.com/look.gif (http://www.transmissioncenter.net/highperflist.htm)


نـظـآ م الأشـتـعـآ ل لـمُحركآت الأشتعآ ل ا لدآخليIngnition System (http://www.mekshat.com/vb/showthread.php?t=216629)


ســُرعـة ا لـخـمـول ا لـعـآ لـيـة و ا لـو آ طية (حـقـآئق مُهمة) Fast & Low Idle Speed (http://www.mekshat.com/vb/showthread.php?t=225235)


كـيـف نــُعـدل ســُـرعة الخمول في مـحـركآت البخآخـآتInjector Idle Adjustment ؟؟؟؟؟؟؟ (http://www.mekshat.com/vb/showthread.php?t=388275)


كيف تصيد الخلل وكيف تصون وكيف توزن نظآم الأشعآل ؟؟؟ بالصور وأهم شيء الأشرطة للجميع . (http://www.mekshat.com/vb/showthread.php?t=405266)



أذا ماء { الخلوط } تبريد نظآم تبريد المـُحرّك والقربة { اللديتر}
ما هو صحيح ونوع مـُخآلف لموآصفآت مـُحركك فهو يــُسهم وبقوة في الحرآرة :

أحمر / أزرق / أخضر / زهري / وردي ! أي لون مـنآسب لمـُبـرّد قربة التبريد { اللديتر} {DIY} ؟؟؟ (http://www.mekshat.com/vb/showthread.php?t=410160)


تـعـرف على تهريب رآس المـُحرك المشطوب بالنيلة وبالضغط والأسبآب لزيآدة الحرآرة بالصور! (http://www.mekshat.com/vb/showthread.php?t=415860)


قـلـل حرآرة مُحركك>< وكـيـف تـُـوآجـه سـخـونة مـُحـرك سـيـآرتك أو قيرها التمآتك >؟؟؟. (http://www.mekshat.com/vb/showthread.php?t=229941)


تعلم كيف تغير الطبآت بالطــُرق الصحيحة بالأشرطة والصور وعلومها ؟؟؟؟؟؟؟ بنفسك {DIY} . (http://www.mekshat.com/vb/showthread.php?t=446533)


ما هو صمآم الحرآرة { الكوع / الثرموستآت} وكيف صيآنتـُه { تغييرُه / أختبآرُه } {DIY} ؟؟؟؟؟؟؟ (http://www.mekshat.com/vb/showthread.php?t=429000)


أذا المروحة أُم سير ما هي كهربية .
فقد يكون القآبض { الكلتش} خربآن ولا تغتر بالفرفرة .
المروحة تفرفر سواء كآن القآبض صآحي أو خربآن .
بس أذا تفرفر من غير ما تدُف هواء قوي فعندك القآبض { كلتش } خربآن :
وش تـسـوي أذا بسـيـآ رتـك حـرآرة أو صوت با لمـروحة (بقـآ بـضها / الكلتش). (http://www.mekshat.com/vb/showthread.php?t=225828) ‏( 1 (http://www.mekshat.com/vb/showthread.php?t=225828)2 (http://www.mekshat.com/vb/showthread.php?t=225828&page=2)) http://www.the-transmission-center.com/look.gif (http://www.transmissioncenter.net/highperflist.htm)




لو أنـك أكـتشفت ووجـدت الليـآت أو أحـدهـا لـقـربة الماء {اللديتر} صـلـب { مـُـتـحـجـر} (http://www.mekshat.com/vb/showthread.php?t=284595)




:good2:

[احوال جويه]

اعتقد كمال قال الاخوان مراوح الكهرب سلكها يفصل ولا طرنبة الماء
تأكد وتأكد لا يصير كاسب هواااا الاديتر

[طلال 2010]

اعتقد كمال قال الاخوان مراوح الكهرب سلكها يفصل ولا طرنبة الماء
تأكد وتأكد لا يصير كاسب هواااا الاديتر
هلا وغلا اخى العزيز المراوح شغاله تمام وماعندها مشكله اما الهواء لامافيه لانى فتحت الاديتر وسياره شغاله وعبيت القربه الاين طلع الماء مع الاديتر بالحاله هذى يكون مافيه هواء ولك انت وزملاء فائق الشكر على تجاوبكم معى

[sgl2002]

افتح غطا الرديتر وادعس بنزين وشف الماء هو يتقلب يعني تدعس تشوف الماء يدخل جوا ويطلع
فمعناه الطرمبة شغالة

ثانيا دبة التلوث والديلكو يبين معك بضعف العزم
ثالثا الخراطيش هل هي جديدة او تتسفط مع الحرارة
رابعا اذا كانت المويه تنقص فعندك الطبات
خامسا هل مؤشر الحرارة صاحي
لان كان عندي مشكلة بمؤشر الحرارة يعطي قراءة خطا
واذا دعست بنزين اشوفه يلعب

لكن انا ارشح اكثر شي طرمبة الماء

بس ترى فيه حاجتين مهمه زيادة
١- غطا الرديتر لازم يكون اصلي
٢- موية الرديتر لاتحطها كلها موية اصلية ، لازم تكون جالون واحد موية اصلية والباقي موية مقطرة

هذا كل شي ممكن يسبب الحرارة مع اللي غيرتها انت
وغيره يكون من الراس

[sgl2002]

اضافة

فك البلف وامش شف بتظبط او لا

[البواردي5]

اذا انت بالقصيم ودي تجي اشوف موترك عشان اقولك وين المشكله.


لاكن اقرب شي اتوقعه ان التماتيك حق المروحه ماهو مضبوط حتى لو انت مغيره جديد......... او المروحه نفسه مركبه بالمقلوب.

[1من نجد]

حساس الحرارة يحتاج تغيير ممكن مايقرا مظبوط
او الطرمبة الموية ماتشتغل بكفائة او الداخل عندك مصدي ومحتاج غسيل السلندر
اذا سيارتك ماشية واجد شيك على دبات التلوث لها دور كبير برفع الحرارة

[كبسولة2]

أخي الكريم شيك على غطاء الرديتر وتأكد منه وركب أصلي من الشركة

الصباح قبل تشغيل السيارة أفتح الرديتر وزودة ماء حتى تضمن خروج الهواء من دائرة التبريد

تأكد من أنبير الحرارة بالطبلون لا يكون هناك ماس كهربائي يرفع الأنبير في الطبلون

إذا لم تنفع هذه الأمور كلها قد يكون هناك تنسيم خفيف في بدايته في وجه الرأس

والحل تجده هنا بإذن الله

http://www.mekshat.com/vb/showthread.php?t=317517

[Topstars]

اذا انت بالقصيم ودي تجي اشوف موترك عشان اقولك وين المشكله.


لاكن اقرب شي اتوقعه ان التماتيك حق المروحه ماهو مضبوط حتى لو انت مغيره جديد......... او المروحه نفسه مركبه بالمقلوب.


أنا صارت معي نفس المشكلة وفعلا طلعت المروحة بدل ما تدفع الهواء باتجاه الرديتر كانت تطلعه برا....يعني مركبة بالمقلوب....

وطريقة معرفة ان المروحة التماتيك معكوسة ... جيب منديل وقربه من المروحة وشوف اتجاه المنديل...

طريقة حلها كهربائي يظبط لك الافياش 10 دقائق...

وغطى الرديتر شيكه

بالتوفيق

[ماجد المتعب]

الحل يا طويل العمر ركب مراوح تبريد سوبارو وحده بوحده

[sgl2002]

^^^^ هذا ماهو حل
هذا اسمه اخفاء المشكلة

[عبادي 2009]

أتوقع الرديتر فيه هوا يبيله تفريغ

[عبدالله44]

رح عند ميكانيكي واطلب منه يفك طرمبة الماء بتلاقي الريش الصغيرة متهالكة
بهالحالة غيرها وريح بالك وجيبك

[طلال 2010]

السلام عليكم ورحمه الله وبركاته وبعد
كل الشكر والتقدير والاحترام .
لكل من ابدا برايه ومساعدته بس فيه نقطه مهمه حاب اوضحها للجميع السياره من شهر
تحسن الجو ورجعت الحراره طبيعيه هل فى هذى الحاله يعنى راحت تماما او سوف تعود فى الصيف المشكله نفسها . وشاكر تفاعلكم معى

[nejjer]

بختصرها لك اذا وانت مع الخط واسرعت وارتفعت الحرارة وبعدين هديت السرعه ونزلت الحرارة هذي تكون مشاكلها بالمروحه او التماتيك واذا لا ترتفع معك سواء مسرع او مهدي هذي مشكله بالمكينه يأما يكون الراس او طرمبة الماء او بلف الحرارة واللي يقولك هواء داخل الاديتر ماهو صحيح لان الهواء مايرفع الحرارة إلي الفل وانا اتوقع المشكلة عندك براس المكينه والسبب لانه ارتفعت الحرارة فوق النص كذا مرة

[عبادي 2009]

أنا أرتفعت في الصيف فووق النص لا بعد تحت الــ H وفرغت الهوا اللي في الأديتر وضبط معي شهرين أو ثلاثة

[هواوي الشمال]

الله يعينا واياك اخوي.. احتمال كبير انها من المراوح ..اذا دعست بنزين وانت واقف الحراره تنزل ؟؟؟

[طلال 2010]

هلابك اخوى هواوى لاماتنزل اذا دعست بامزين بس اذا مشت السياره تنزل