اذا الدلفين او الدغس موجود ؟

[حداق الخبر]

السلام عليكم ورحمة الله وبركاته


كيف حالكم يالغالين

استفسار بخصوص اذا رحت مكان بالشرقيه
وكنت ابي احدق لكن الدلفين او مايسمى الدغس موجود
قريب جداً من السيف

ليس واحد ولا اثنين ولا ثلاثه

كثيييييير

بعض الناس تقول ابد / شيل عدتك وارجع البيت احسن

وهذا اللي انا اشوفه مافي صيد نهائياً في حال وجود الدغس

هل هذا صحيح !!



ايضاً حبيت استفسر
ضرب علي شي كبييير ما اعرف وشهو وقطع الخيط وهو يسحب :eek:
الخيط 90 وحاط سيم حديد ميدار مثلث / والطعم حمام كبر الكف
الكلام هذا في شاطئ تالا مـــد 400 متر


هل ممكن يكون دغس ؟

[أبوحافظ]

مرحبا ومسهلا

موضوع جميل للنقاش

وبالنسبه للدلافين ما عندي اي علم

وصارت لي اكثر من مره والخيط ينسحب وما يعطيك فرصه حتى تمسك الخيط الا وهو منقطع

واغلبها صارت على خيوط مقاسات 80 فما دون بعدها على الارسال صرت استخدم 120 او 100 الماني مضغوط

والوصله مصفر يكون 60

طبعا من الصعب تحديد الشي اللي ضرب عليه لكن الاحتمالات كثيره منها

واكثر شي محتمل بالنسبه لك لقيطه حجمها كبير لانها سحبتها قويه جدا

اما الدلافين فحسب ما سمعت ان ذكيه وشغاله طريدي على السردين ولا تضرب على الطعوم اللي يرميها الصياد

[accentkool]

بجد انا سمعت نفس المعلومة اذا الدلافين موجودة ماتصيد تخوف الاسماااك تجلس تطاارد فيهم تاكلهم
اما ان الدلفين يضرب على الميدااار مستحيل الدلفين جدا ذكي ومستحيل يضرب

[حداق الخبر]

شكراً عزيزيً ابو حافظ على المعلومات القيمه


وايضاً عزيزي اكسنت كول

[مهوس صيد]

اخ حداق الخبر الي ضرب عندك اطلق عليه لقب قطار لنه شي ما يوقف وحلم حياتي اطلع الشيء هذا حاولنا معه وما قدرنا شئ يقول لخمه كبيره او قرش كبير او هررير كبير او سكن والعلم عندالله

[قرقفان]

فعلا انا سمعت هالمعلومة من ناس لهم خبرة طويلة بالصيد

اذا شفت الدلافين قريبة شيل عفشك وروح البيت

لانها تطارد الاسماك وتخوفها

[White_Shark]

بالنسبة لوجود الدلافين ( الدغوس ) في موقع الصيد , فهذي حصلت معي أكثر من مرة , بس مومعناها بأنك ترجع البيت ؟ لأن الدلافين والدغوس عابرة فقط .. بإمكانك الإنتظار لين تبعد وبعدين شوف شغلك في الحداق . صحيح يوقف الصيد لفترة معينة .. بس بعد مايروحون بعيد شوي .. تعود الأسماك للرعي .. وهذي كانت تصير معنا واجد في جزيرة ابو علي .

أما بالنسبة للي يقطع خيطك فأنا استبعد أنه يكون دغس .. وعندك عدة متهمين في قفص الإتهام ( يريور - هامور - قد - لخمه - هريري - حاقول ) طبعاً كلهم أحجام كبيرة .. طبعاً من نوع السحبة تقدر تحدد السمكة :
* قوية وبطيئة في البداية ثم تتسارع ( لخمة - هريري )
* قوية وسريعة ( باقي الاسماك )

تقبل تحياتي .

[النوخذة]

ماعندي أي معلومة عن هذا الموضوع , لكن شدني مقطع الفيديو التالي
حيث يظهر فيه إصطياد دلفين بخيوط الحداق , وهذا عكس مانفوه الشباب

oeOGD_3hHZI

[الصيد صبر]

سبقتني في تنزيل المقطع يا النوخذه ^_^

وبنسسبه للمعلومه لا ادري

[حداق الخبر]

شكراً لتفاعلكم

ولمعلوماتكم القيمه

بس بخصوص الدغس تشوفه قدامك له 6 ساعات ويبقى على طول
وبرضو مو واحد ولا اثنين

كثييير قررريبه
حيل تقريبا عى بعد 90 متر واحياناً اقل

ايضاَ الظربه كانت كالتالي :

يسحب على خفيف وبعدها صار سريع

امسك الخيط ويسحب بقووووه استغرق فقط 4 دقايق وعقبها قطع الخيط

[aglanco]

السلام عليكم اخوي حداق الخبر :
مظبوط كلامك الدلافين مغرقة بحر الشرقية على قد مارحت في الخبر ..تالا .. الدمام ..
هو معروف عنه انه يشرد السمك ويخرب جوك ولكن اللي ضرب عليك وقطع شي مصيبة الله اعلم به ؟
اتذكر ايام صيد القدود (العقمان) عند مطعم الفان تايم صراحة سحب علينا شي قوي ماعرفناه واشهو المكينة سخنت
والله ويدي تخدرت والان حاليا انا برابغ ولكن اللي صار لك صار معاي وقطع وبعدها ..... ركبت حرير مقاس 50
ونفس الطعم اللي رميته (باغــة) وخذ احلى رقيطات واحلى سحبات .. الله يوفقك ويرعاك ..

[White_Shark]

المقطع الذي أدرجه زميلنا النوخذة مشكوراً هو لاصطياد الدولفين بواسطة اللفاح بالقارب , ولكن هل سمع أحد أو رأى شاباً يصطاد ( دغساً ) :D بالفصحى .. من الشاطيء وبخيط حداق .. أنا استبعد ذلك !



يسحب على خفيف وبعدها صار سريع



من هنا يمكن يكون لخمه أو هريري والعلم عند الله .

[حداق الخبر]

السلام عليكم اخوي حداق الخبر :
مظبوط كلامك الدلافين مغرقة بحر الشرقية على قد مارحت في الخبر ..تالا .. الدمام ..
هو معروف عنه انه يشرد السمك ويخرب جوك ولكن اللي ضرب عليك وقطع شي مصيبة الله اعلم به ؟
اتذكر ايام صيد القدود (العقمان) عند مطعم الفان تايم صراحة سحب علينا شي قوي ماعرفناه واشهو المكينة سخنت
والله ويدي تخدرت والان حاليا انا برابغ ولكن اللي صار لك صار معاي وقطع وبعدها ..... ركبت حرير مقاس 50
ونفس الطعم اللي رميته (باغــة) وخذ احلى رقيطات واحلى سحبات .. الله يوفقك ويرعاك ..



الله يردك السلامه

ويعطيك الف عافيه يالغالي ومشكور وماقصرت

ان شالله اجيبه واعرف شنهو

[مع نفسك]

انا اذا رحت تالا وشفت الدلافين اسمع الصيادين يقولن خلاص ما فيه صيد ويتضايقون منه

[صقر بدر]

عندنا في الغربيه الصيادين يحبون الدلافين ويسموها ابوسلامه
ولاسمعت ولا شفت احد صاد دلفين الا مقطع الفيديو هذا واعتقد انها حاله نادره وعن طريق الخطا:D

[المبردي]

اتوقع انها لخمه كبيره جدا خصوصا ان كان الموقع رملي وهي تاتي باحجام كبيره في الخليج العربي والله اعلم