رخصة هواة لاسلكي بس الله يعنك على اللي بعدها......

[بو غزاله]

السلام عليكم ورحمة الله وبركاته




اخواني اعضاء المنتدى
حبيت اعلمكم اني بحمدالله اجتزت اختبار اللاسلكي وحصلت على الرخصة الفئه الثانية من هيئة الاتصالات وتقنية المعلومات بالسعودية
بس لما باستخرج الجهاز قال لي واحد من الموظفين انه يجب عليك ان تذهب الى خارج السعودية وتجيب الجهاز من الخارج حتى تأخذه منك الجمارك وتجيب الورقه الينا ثم احنا نطابق الموصفات ثم نطلب من الجمارك فسح الجهاز ونصرحه لك وللمعومة الايزيد قدرة خرج الجهاز عن 50 واط


يا اخوان هل الكلام هذا اللحين صحيح وللمعلومية انا كلمته بعد الاختبار وقلتله جهاز الايكوم 8000 مسمووح فقال نعم مسمووح واليوم يقول لايزيد عن 50واط وتعرفون ان 8000قوة خرجه 85واط
وبعدين مافي جهاز اقل من 50واط الا ويكون تعبان وضعيف

وهل الرخصة هذه كافية لأي جهاز او انه لازم ترخيص الجهاز

تكفون تساعدوني ولو بالقليل من المعروف

http://www.mekshat.com/vb/images/misc/progress.gif

[يوزر نيم]

وعليكم السلام ورحمة الله وبركاته :-
مبروك مقدمــا الرخصــة وحبيت أسالك لوتكرمت الفئـة الثانيــة يعطونــك
رقم مثل الفئــة الأولى وإلا فقط رخصــة مراسلــة ليتك توضح لــي
والأختبار صعب مررة وإلا سهــل نقدر نقدم عليهـــــم ..
وبأفيدك أن الجهــاز اللي بترخصــه لازم يكون التردد مقفل للـ UHF
اذا كان الجهـاز اللي بتستورده نوع تردديــن مثل الايكوم 2820
او الكينوود TM-D700A أو أي جهاز فيه تردد UHF
وارفقت اليك هذا الرابط للفائــــدة ::
http://laselki.net/vb/showthread.php?t=6421

[Qnas]

انا والله ناوي اقدم على هالرخصة

ياليت توضح لي الله لا يهينك كم التكاليف كاملة وعلى حد علمي ان فيه مواعيد اختبارات بالسنة

[مقطع العروق]

اول شيء مبروك الحصول على الرخصة وان شاء اله تكملها بالحصول على ترخيص الجهاز
طال عمرك بالنسبة لاستفسارك ايه نعم انا لما اختبرت الاختبار الاول قالي لا بد تجيب الجهاز من الخارج وتجيب ورقه من الجمرك وفس الكلام اللي قالك
وتدفع رسوم تصريح للجهاز حدود 500 ريال ل 5 سنوات بمعدل 100 ريال للسنة تدفع مرة واحد مقدماً
والشيء الثاني ال 8000 = 75 وليس 85 واط
وبالنسبة للي يسألون عن الاختبار بالنسبة لي اعتبره اختبار حظ لان علمي بالامور اللي موجودة بالاختبار قليلة وخصوصا الدوائر الكهربائية
وانا نحاول نفستفيد من هالمعلومات بحكم اخونا ابو غلاب ينصح بالتعرف على مثل هذه الدوائر وغيرها في حياة الهواة للاسلكي
الاختبار يكون اختياري من اربع اختيارات والاسئلة بصراحة صعبة شوي وحتى على المحترفين
ولكن المعلومات اللي فيه اشارك ابو غلاب فيها بانها معلومات قيمة في نظري بعد الحصول على الرخصة
صحيح ان اغلب الناس هنا استخدامهم ليس للهواية وانما (( للبر)) وان شاء الله ينزلون نظام يريحهم من الاشكالية
وان شاء الله نتقابل بالاختبار الثاني يبدأ في 26/1/1433هـ اي بعد كم يوم باختصار والله ولي التوفيق

[سلطان الدوحه]

حاول تشوف لك احد عنده جهاز مرخص واشتره منه بترخيصه اذا بتريح راسك ..
واذا مالقيت اطلب من برا سواء من شركه او موقع يبيع اجهزه مستعمله من خارج السعوديه واذا وصل راح ينمسك بالجمارك روح انت طلعه عن طريق هئية الاتصالات ياخذ له الموضوع شهر يمكن ..والله يعينك حنى صرحنا من زماان ايامها نصرح اي جهاز ومن أي مكان عادي ..

[دحيــ سديرـــم]

يارجال اغلب الشعب مارخصو على اجهزتهم
وانا من شريت الجهاز مانزلته من الموتر واسافر واروح واجي ولا احد قال شي.
مايدققون يمكن تطيح في واحد نفسه في طرف خشمه وتوه معلقله نجمه وبيفرد عظلاته
وان صادره ترا قيمته 750 -800 مستعمل

تــقـبــل تحيــاتــي

[bo AbdullAziz]

عندي جهاز مصرح للبيع
باقي في تصريحه سنة وتقدر تجدده
http://www.mekshat.com/vb/showthread.php?t=460653

[بو غزاله]

السلام عليكم
معليييييييش ع التاخير
اخواني ما قاله اخوي ( مقطع العروق ) صحيح 100 %

الاختبار صعب شوي وانا سألت موضف كيف نذاكر للاختبار فقال راجع لائحة الهواة في موقع الهيئة فكان الختبار في جهة واللائحة في جهة ثانية . بس والله الاخوان ما قصروا في قاعة الاختبار بتجيك المعلومة من يمين .يسار. امام. خلف حتى المشرفين ع الاختبار ما قصروا ( ولا تسأل كيف نجحت ) والله بالبركة :D:D:D
بالنسبة الى المبالغ
رسوم الاختبار : 300 ريال
رسوم رخصة هاوي : 493.89 ريال يعني 500 الا :eek::eek:
رسوم تصريح الجهاز : ما وصلت اى هذه المرحلة بس يقولن تقرباً 450 ريال
تقربا 1250ريال سعودي فقط لا غير
ولا تنسى قيمة الجهاز وشحنه وتخليصه ( على حسب المحل )

بس بعدها تمشي ولا احد يقولك( عينك في راسك) وفلوسك في محلها

[ابوحموود]

حياك الله اخوي ابوغزاله ومبروك النجاح
اذا ماحصلت الجهاز المرخص
سم الجهاز اللي تبغاه وابشربالخير ان شاء الله

[بو غزاله]

ونعم والله بـــ اخووي ابو حموود وافي وما تقصر انت والاخواان

بـــس انا الحين لقت الحل وهو فوضت محل بالمرسلات وهو يتابع ويخلص كل المعامله وهو بيسدد الرسوم وانا استلم الجهاز مع الرخصة وادفعله قيمة الجهاز والرخصة والشحن والتخليص
بتطلع حوول 2200ريال

[ابوحموود]

الله يباركلك ان شاء الله

[فرقاص]

مبروك الرخصة ابوغزالة
ولكني بسأل عن
كيف دفع الرسوم والدخول للإختبار؟

[البازعي1]

السلام عليكم ::: صبحكم الله بالخير جميعـا
أخ فرقاص ما عليك الا أنـك تتصل بالمهندس أسامه وهو يوجهك وأذكر أني في أختبار بـداية السنة شهر محرم الجاري . . .
(رقم - 012638004) ومبـروك مقـدماٌ

[الجو ربيع]

حياك الله اخوي

بو غزاله

كثير من الشباب الي اعرفهم

عنده الرخصه فقط
واي نقطه تفتيش او اي دوريه توقفه يعطيها التصريح ويقوله العسكري

الله يستر عليك

فقط لاغير

ولا مرى سالوه عن تصريح الجهاز

[بو غزاله]

السلام عليكم
اخوي فرقاص .. .
ماقاله الاخ البازعي 1 صحيح
فيه اختبار على اخر الشهر .. بس لازم تروح لهيئة الاتصالات بالمرسلات وتدور على مبنى رقم (4 ) شؤون الطيف الترددي وتعبي النموذج ومن ثم تتبع اجراءاتهم
ولازم تعجل لان يومهم بسنه والاختبار اخر الشهر ( انا مقدم من رمضان واللحين استلمت الرخصه )

وانت رح لهم وحاول انهم يعجلولك رقم السداد حق الاختبار اهم شي
او اتصل على المهندس اسامه
او المهندس / عبدالعزيز العامر 012638185

اخوي / الجو ربيع .... مشكووور على مرورك
بس بيني وينك انا قد طلبت الجهاز من دبي اللحين وما اقدر ارجعه
بس با امشي بالجهاز شوي واذا شفت الدعوى كذا تمشي .. باغير الجهاز
واللي يصير يصير

[متقاعد مبكر]

سوال هل من الممكن التقديم على الرخصه من اي منطقه والا لازم اتصالات الرياض

[فرقاص]

اخ متقاعد آخر ماقرأت انهم راح ينفذون الإختبار مع بعض الجامعات حتى صير لأكبر فرصة
والبعيد تقل عليه المسافة ..والله الموفق،