الفرق بين اعطال سيارات الفورد وسيارات جي ام ...... دعوه للنقاش

[بر الأمان]

السلام عليكم ورحمة الله
ياخوان لماذا اصحاب الجموس بالذات دائما يصيحون طرمبه -دبل - حساس الفلاني
هذي في الموديلات القديمه ----------الموديلات الجديده ضغط الزيت والصدام الامامي نازل البعض يقول القير تعبان الخ الخ
بينمــــــــــــــــــــــــــا
سيارات الفورد ماشاء الله ماسمعت منهم مشاكل في الاكسبلورر او اكسبدشن
هل هي جوده ام يصير لهم اعطال ويصلحون ومايعلمون بالذي يصير معهم

ملاحظه: انا من ملاك ال جي ام سوبر 99 فاقع قلبي الدبل عاض ع الخفيف
وحالف يمين مايفكه قالو يمكن هلال فك الدبل ب700 والقطع عليك
قلت هلال ولا نصر طفشت منه . افكر بجد في اكسبدشن الله يبارك لأصحابه
والله ياخوان انها ليست دعايه للفورد او ذم الجموس لكني غيرت طرمبه مرتين
والان مبتلش بالدبل يوم جاء وقت الدبل ....الحمد لله على كل حال . مجرد تساؤلات حبيت انكم تشاركوني يمكن اني غلطان ......................

[بر الأمان]

الذي حاب يشارك رجاء بدون تعصب ودمتم بألف خير

[كبسولة2]

أخوي بر الأمان

الجمسات تشمل اليوكنات والتاهو الشفر

سيارات جبااااارة وقوية ومريحة وأقتصادية في الصيانة

ولكن يبيلها مداراة وعناية وصيانة دورية تخدم معك سنييييييييييين بدون مشاكل

شئ طبيعي أي سيارة مهما بلغت جودة صناعتها مع الأستخدام السيئ مثل أستخدام ربعنا

في الطعوس والقومات والتفحيط ونقز الأرصفة وحرك المكينة .....الخ

وحتى لوهي جديدة من الوكالة بتخرب !!!!

أخي العزيز جربت جميع أنواع السيارات أمريكي ياباني الماني أوربي

الأمركي أطيبها الجموس والشفرات القديمة والحديثة

(والكابرسات والبويكات ...) من عام 93 وتحت !!

الياباني أطيبها التويوتا وخصوصاً الجيوب والمستوبيشي (السوبارو فقط )

الألماني أطيبها المرسيدس ومع ذلك تغدر أحياناً بك في الطريق

الأوربي أطيبها البيجو والستروين

عيوب السيارات التي لم أذكرها :

الأمريكي الفورد أقلها مشاكل الكروان والماركيز لاباس بها

أما السيارات العائلية الكبيرة من فورد علة نحر ومشاكلها كثيرة حتى وأنت تعتني بها

وغلاء أسعار قطعها وقلة المهندسين الذين يصلحونها

الياباني النيسان كلها فاشلة

الأ (الجيوب الباترول والونيتات) لا بأس بها مع أن فيها مشاكل

في الجودة ونظام الوقود تفتفه وحرارة

المازدا مشاكلها كثيرة ولا تنفع بريال

الالماني bmw فاااااشلة

الأوربوية ساب والفلفو ورينالوت والفلوكس واجن والجكور ...الخ

كلها فاااشلة ومعقدة

مادعاني للكتابة عن هذه السيارات هو

حتى ولو أنت مهتم بها ومعتنب بها تغدر بك ووتعطل بك في الطريق

ملاحظة مهمة توخذ في الحسبان

بعض السيارات التي فشلت عندنا هنا في السعودية بسبب وكيلها

وقلة معرفة الميكانيكين بإصلاحها

ويعلم الله أني ناااااااصح للجميع

لا أميل ولا أتحيز لصناعة دون صناعة ولا لشركة دون شركة

ولكن من باب أحب لنفسي ما أحب لغيري وأختصار الجهد والوقت وتوفير المال

على أخواني المستهلكين وما كتبته يعلم الله أنه من باب تجربة لما سبق

[الفحل]

حقيقة من افضل واجمل واصبر السيارات حسب تجربتي

الهايلكسات والدداسن

الفورد

النيسان ( الباترولات لكن النظيف الغير ملعوب فيه )


هالسيارات كد ومد

بالنسبة لمقارنه

الفرود نجح الماركيز والكراون وهم فخر الصناعة الامريكية بالنسبه لي

الجموس نجح القديم فقط اما الجدد فهي محرقه للمال

[sgl2002]

حسب تجربتي ماحصلت مواتر تصبر علينا غير الياباني

الامريكي كان في القديم اما الجديد مشاكلة كثيرة

الياباني النيسان والتويوتا مكملات لبعض

يعني ميزات في التويوتا ماتحصلها بس تلاقها بنيسان والعكس صحيح

وافضل ماجربت الددسن والباترول واللاندكروزر شاص وصالون

خرابها قليل وتمشيك وهي خربانه واي واحد يصلحها

[بر الأمان]

اشكر الجميع ع التفاعل مع الموضوع الذي يمدح الجموس ممكن الناس ماخذين الفكره عاى انه ممتاز من قديم الى حد موديل 94 او 95 اما الان الله يخلف حتى قطع الغيار تغيرت تذكرت الكامري في تويوتا الى حد 2002 ماشاء الله وبعدها

صراحه قمامه اكرمكم الله ومازالو الناس يشترون الاسم فقط تويوتا ولايهمهم الجوده مسكها خط وحط كرتون زيت في الشنطه لا تواخذنا يا اخوان والله شئ يفقع القلب .


مازلت اكرر انني احد ملاك الجموس 99 وطفشان منه افكر بالبديل

[GMC4Ever]

أما السيارات العائلية الكبيرة من فورد علة نحر ومشاكلها كثيرة حتى وأنت تعتني بها
جابها على الوتر أخوي كبسولة2،، عز الله إنها علة نحر

أنا عندي اكسبديشن 2008 وعلى يدي من الوكالة وما وصل للحين (100,000 كلم) لكن قسم بالله ما أسميه إلا الغثيث، وهو غلطة عمر الله يسامح اللي نصحني فيه وردني عن السوبربان، والحين مخصصه للعائلة.

أنا شخصياً أرتاح مع الجموس لكن الجموس وأنا أخوك يبغالها رجال يعرف لها ويعرف وشلون يكرفها كرف لكن بعناية (أدري بك تقول وش هالمعادلة الصعبة لكن هذا الصحيح)،،،، بالنسبة لي شخصياً والله إني ألعن والدين الموتر لعن وأحلل كل ريال حطيته فيه لكن ما أبخل عليه بالصيانة، وكل سيارات الجي ام سي والشفر ما أصينها إلا في الوكالة وخصوصاً الجديدة منها واللي ما تممت 5 سنوات على موديلها.

عندي يوكن جي تي (ربع) 1993 وما شاء الله عليه ذيبان في البر وما يخلي بخاطرك شئ، خوي دربي لامني نويت الكشتات البعيدة والمطامر حطيته على يميني وتوكلت على الله عز وجل، أسبوع، أسبوعين، أو أكثر في البر والطعوس ما عندك مشكلة. يعيبه طال عمرك القربعات في الديكورات حقته مزعجة شوي لكن عز الله موتر ينشد به الظهر وقيره حساس ويبغالك تغير زيته بين فترة والثانية وترهم له رديتر قدام رديتر المكينة.

وعندي يوكن 2011 دبل، وجاه نصيبه من الطعوس والبر، وشاد عليه شد ومحلله من بدري :) وعزبتي فيه 24 ساعة وعلى ما يقولون عني إني خوي الماشي... وما شاء الله تبارك الرحمن لامن غسلته طال عمرك تقول جديد طالع من الوكالة، اللي ريحني فيه وأنا أخوك إنه موتر متماسك بكل معنى الكلمة ما تسمع له قربعه ولا ازعاج، وعزمه قوي قوي بالحيل الله يبارك لي فيه، وأما الدبل فالله يشهد إني ما أشغله إلا نااااادراً وعند اللزووووم وضغط الكفر من يوم طلعته من الوكالة على 30 ما نزلته. من عيوبه المصنعية أن صوت الهواء داخل الموتر يزعجك شوي وخصوصاً لا صار فيه هوا شديد بالإضافة إلى أن صدامه الفايبر للمدينة أكثر منه للبر بعكس الشكل القديم اللي صدامه يهد جدار. وأنا الحين استخدمه في أغلب وقتي وناوي الربيع هذا عليه إن الله أحيانا. وإن شاء الله بعد ما يمضي عليه 5 سنوات بقاعد الجي تي 1993 وبحط هاليوكن مكانه وأطلع لي تاهو z71 أو يوكن نفس الفئة.

وعندي يا طويل العمر شفر سلفرادو Z71 موديل 2009 ، هالموتر هذا فيه قوة جباااااره وبالبر ما مثله ومن تجربتي مع باقي المواتر ما أظن إن فيه وانيت يوقف بجنبه، وأزين ما فيه ما يطلب الصيانة أبد، غير زيت وفلتر وعب بنزين وتوكل على الله، لكن أستخدامي له قليل وأطلبه أخوي منه ومخليه معه.

الجموس والشفر وأنا أخوك جتها فترة التسعينات نكبة، نزلت مستويات الجودة في مواترها واستمرت هالمشاكل فيها الين تقريباً 1999 لكن من بعدها وأنت طالع، الجمس والشفر طلعت مواتر ما عليها كلام وإن كان فيها ملاحظات مثل طرمبة البنزين وغيرها لكن هذا يرهم لها قطع غيار أنواع ثانية، وهي تحصل في كل موتر، أبوي طلع له 2001 في اكس ار من الوكالة ما مشى 800 كيلو إلا الطرمبة محضرة وغيروها على الضمان. وأخوي طلع له 2011 جي إكس إر - 8 سلندر- ما تم عنده 6 شهور إلا بايعه هو وخويه بايع الجي اكس ار حقه بعد 9 شهور من مشراه، لأن الموتر ثقيييييل والتنسيم لابد منه خصوصاً لا منك نويت الطعوس، ولا ارتاحوا فيه هم وعائلتهم مثل راحة الأمريكي وأكثر من كشته كشتناها وحبل السحب معلق بنحر الجي اكس ار ما غير نسحب به وأذانا في المراقي العالية. والحين اثنينهن شروا أمريكي واحد طلع تاهو والثاني يوكن.

أما الفورد وأنا أخوك، فأنا في اعتقادي ومن واقع تجربتي أقول لك عندهم موترين بس، الونيت F250 والكراون فكتوريا، هذي المواتر عللها قليلة جداً لأن أصلاً ما فيها تقنية أما باقي الفوردات صراحة ما عاد أفكر أشتريها لو بريال وخصوصاً الاكسبلورر والاكسبديشن، يا هي علة نحر صحيح.

أما التويوتا، فأنا صراحة ما أخفيك، أنا ماني من عشاقها ولاني من محبيها وأحس إنها مواتر تزيد 100,000 ريال بالسيارة علشان اسمه جيب تويوتا، والوكيل ابن جميل مسوي أزمة علشان أسعارها ترتفع، واحد من الربع عنده معرض سيارات يقول الوكالة تعطينا سيارة مقابل 10 سيارات نشتريها علشان كذا ما تحصل تويوتا في معارض عبداللطيف وتحصلها مرصصه في المعارض ولا من جيتهم في الوكالة قال خلصت روح شوف المعارض! وفوق هذا الجودة حقتها اندمرت وصار عندها مشاكل مميته وكل سنة وهم ساحبين فوق ال 500,000 ألف سيارة. لكن الناس تعلقت باسم تويوتا وتعتقد إن فيه الجودة. وأنا قبل 5 سنوات قلت لمجموعة من متعصبي تويوتا خلال 10 سنوات إن الله أحيانا بتشوف البساط انسحب من تحت التويوتا والحين بعد 5 سنوات من كلامي لهم كثير من سيارات تويوتا انسحب البساط من تحتها، السيارات الكورية (هونداي وكيا) سحبت البساط من السيارات المتوسطة والصغيرة، والجيوب طلع النيسان وطلعت الجموس بدت تسحب البساط من تحت جيوب التويوتا ويكفيك تمشي بالطريق وشوف كم موتر جمس ولا شفر بتقابل وكم جيب مقابلها! وشخصياً انا أحترم في التويوتا جيب الشاص مع إن سعره غالي بالحيل فوق 120,000!!!!!!!!! وهو بنظري حقه ان طقته الحمى 80,000 لأن الموتر ما فيه غير مكينة وقير ودبل وبس ومستوى الرفاهية والأمان فيه صفر مكعب!

النيسان ما جربتها لكن لي ربع جربوا جيوبها الباترول القديم والجديد وفيه منهم من جرب اللاند وجرب عقبه الباترول وفيه من جرب الباترول وعقبه جرب اللاند لكن بشكل عام 99% فضلوا الباترول على اللاند في البر أما على الطريق والجبل فضلوا اللاند على الباترول.

بالنسبة لك أنت وبما أن عندك جمس 99 فأنا أنصحك تجرب لك واحد من الموديلات الحديثة لكن ابعد عن 2007-2008 لأن فيها مشكلة بالقير وهي أن القير ما يتحمل المكينة القوية وهالمشكلة هذي حلوها بالقير الجديد أبو 6 غيارات وهذي حسب علمي في الوانيتات من الجموس والشفر السييرا والسلفرادوا.

وأيضاً نصيحة لا تشتري لك جمس ولا شفر وارد أمريكا لأن حسب كلام واحد في الوكالة أن فيها بعض قطع الغيار تختلف عن الخليجي ولا هي متوفرة.

والمعذرة عن الإطالة لكن حبينا نفيد "المكشاتيين" بتجاربنا. وبالتوفيق للجميع...

[بر الأمان]

جابها على الوتر أخوي كبسولة2،، عز الله إنها علة نحر

أنا عندي اكسبديشن 2008 وعلى يدي من الوكالة وما وصل للحين (100,000 كلم) لكن قسم بالله ما أسميه إلا الغثيث، وهو غلطة عمر الله يسامح اللي نصحني فيه وردني عن السوبربان، والحين مخصصه للعائلة.

أنا شخصياً أرتاح مع الجموس لكن الجموس وأنا أخوك يبغالها رجال يعرف لها ويعرف وشلون يكرفها كرف لكن بعناية (أدري بك تقول وش هالمعادلة الصعبة لكن هذا الصحيح)،،،، بالنسبة لي شخصياً والله إني ألعن والدين الموتر لعن وأحلل كل ريال حطيته فيه لكن ما أبخل عليه بالصيانة، وكل سيارات الجي ام سي والشفر ما أصينها إلا في الوكالة وخصوصاً الجديدة منها واللي ما تممت 5 سنوات على موديلها.

عندي يوكن جي تي (ربع) 1993 وما شاء الله عليه ذيبان في البر وما يخلي بخاطرك شئ، خوي دربي لامني نويت الكشتات البعيدة والمطامر حطيته على يميني وتوكلت على الله عز وجل، أسبوع، أسبوعين، أو أكثر في البر والطعوس ما عندك مشكلة. يعيبه طال عمرك القربعات في الديكورات حقته مزعجة شوي لكن عز الله موتر ينشد به الظهر وقيره حساس ويبغالك تغير زيته بين فترة والثانية وترهم له رديتر قدام رديتر المكينة.

وعندي يوكن 2011 دبل، وجاه نصيبه من الطعوس والبر، وشاد عليه شد ومحلله من بدري :) وعزبتي فيه 24 ساعة وعلى ما يقولون عني إني خوي الماشي... وما شاء الله تبارك الرحمن لامن غسلته طال عمرك تقول جديد طالع من الوكالة، اللي ريحني فيه وأنا أخوك إنه موتر متماسك بكل معنى الكلمة ما تسمع له قربعه ولا ازعاج، وعزمه قوي قوي بالحيل الله يبارك لي فيه، وأما الدبل فالله يشهد إني ما أشغله إلا نااااادراً وعند اللزووووم وضغط الكفر من يوم طلعته من الوكالة على 30 ما نزلته. من عيوبه المصنعية أن صوت الهواء داخل الموتر يزعجك شوي وخصوصاً لا صار فيه هوا شديد بالإضافة إلى أن صدامه الفايبر للمدينة أكثر منه للبر بعكس الشكل القديم اللي صدامه يهد جدار. وأنا الحين استخدمه في أغلب وقتي وناوي الربيع هذا عليه إن الله أحيانا. وإن شاء الله بعد ما يمضي عليه 5 سنوات بقاعد الجي تي 1993 وبحط هاليوكن مكانه وأطلع لي تاهو z71 أو يوكن نفس الفئة.

وعندي يا طويل العمر شفر سلفرادو Z71 موديل 2009 ، هالموتر هذا فيه قوة جباااااره وبالبر ما مثله ومن تجربتي مع باقي المواتر ما أظن إن فيه وانيت يوقف بجنبه، وأزين ما فيه ما يطلب الصيانة أبد، غير زيت وفلتر وعب بنزين وتوكل على الله، لكن أستخدامي له قليل وأطلبه أخوي منه ومخليه معه.

الجموس والشفر وأنا أخوك جتها فترة التسعينات نكبة، نزلت مستويات الجودة في مواترها واستمرت هالمشاكل فيها الين تقريباً 1999 لكن من بعدها وأنت طالع، الجمس والشفر طلعت مواتر ما عليها كلام وإن كان فيها ملاحظات مثل طرمبة البنزين وغيرها لكن هذا يرهم لها قطع غيار أنواع ثانية، وهي تحصل في كل موتر، أبوي طلع له 2001 في اكس ار من الوكالة ما مشى 800 كيلو إلا الطرمبة محضرة وغيروها على الضمان. وأخوي طلع له 2011 جي إكس إر - 8 سلندر- ما تم عنده 6 شهور إلا بايعه هو وخويه بايع الجي اكس ار حقه بعد 9 شهور من مشراه، لأن الموتر ثقيييييل والتنسيم لابد منه خصوصاً لا منك نويت الطعوس، ولا ارتاحوا فيه هم وعائلتهم مثل راحة الأمريكي وأكثر من كشته كشتناها وحبل السحب معلق بنحر الجي اكس ار ما غير نسحب به وأذانا في المراقي العالية. والحين اثنينهن شروا أمريكي واحد طلع تاهو والثاني يوكن.

أما الفورد وأنا أخوك، فأنا في اعتقادي ومن واقع تجربتي أقول لك عندهم موترين بس، الونيت F250 والكراون فكتوريا، هذي المواتر عللها قليلة جداً لأن أصلاً ما فيها تقنية أما باقي الفوردات صراحة ما عاد أفكر أشتريها لو بريال وخصوصاً الاكسبلورر والاكسبديشن، يا هي علة نحر صحيح.

أما التويوتا، فأنا صراحة ما أخفيك، أنا ماني من عشاقها ولاني من محبيها وأحس إنها مواتر تزيد 100,000 ريال بالسيارة علشان اسمه جيب تويوتا، والوكيل ابن جميل مسوي أزمة علشان أسعارها ترتفع، واحد من الربع عنده معرض سيارات يقول الوكالة تعطينا سيارة مقابل 10 سيارات نشتريها علشان كذا ما تحصل تويوتا في معارض عبداللطيف وتحصلها مرصصه في المعارض ولا من جيتهم في الوكالة قال خلصت روح شوف المعارض! وفوق هذا الجودة حقتها اندمرت وصار عندها مشاكل مميته وكل سنة وهم ساحبين فوق ال 500,000 ألف سيارة. لكن الناس تعلقت باسم تويوتا وتعتقد إن فيه الجودة. وأنا قبل 5 سنوات قلت لمجموعة من متعصبي تويوتا خلال 10 سنوات إن الله أحيانا بتشوف البساط انسحب من تحت التويوتا والحين بعد 5 سنوات من كلامي لهم كثير من سيارات تويوتا انسحب البساط من تحتها، السيارات الكورية (هونداي وكيا) سحبت البساط من السيارات المتوسطة والصغيرة، والجيوب طلع النيسان وطلعت الجموس بدت تسحب البساط من تحت جيوب التويوتا ويكفيك تمشي بالطريق وشوف كم موتر جمس ولا شفر بتقابل وكم جيب مقابلها! وشخصياً انا أحترم في التويوتا جيب الشاص مع إن سعره غالي بالحيل فوق 120,000!!!!!!!!! وهو بنظري حقه ان طقته الحمى 80,000 لأن الموتر ما فيه غير مكينة وقير ودبل وبس ومستوى الرفاهية والأمان فيه صفر مكعب!

النيسان ما جربتها لكن لي ربع جربوا جيوبها الباترول القديم والجديد وفيه منهم من جرب اللاند وجرب عقبه الباترول وفيه من جرب الباترول وعقبه جرب اللاند لكن بشكل عام 99% فضلوا الباترول على اللاند في البر أما على الطريق والجبل فضلوا اللاند على الباترول.

بالنسبة لك أنت وبما أن عندك جمس 99 فأنا أنصحك تجرب لك واحد من الموديلات الحديثة لكن ابعد عن 2007-2008 لأن فيها مشكلة بالقير وهي أن القير ما يتحمل المكينة القوية وهالمشكلة هذي حلوها بالقير الجديد أبو 6 غيارات وهذي حسب علمي في الوانيتات من الجموس والشفر السييرا والسلفرادوا.

وأيضاً نصيحة لا تشتري لك جمس ولا شفر وارد أمريكا لأن حسب كلام واحد في الوكالة أن فيها بعض قطع الغيار تختلف عن الخليجي ولا هي متوفرة.

والمعذرة عن الإطالة لكن حبينا نفيد "المكشاتيين" بتجاربنا. وبالتوفيق للجميع...
شكرا اخي العزيز ع مرورك ووضع تجربتك ولكن ماشاءالله ماشفت احد غيرك يسب الاكسبدشن او يشتكي من عطل معين الله يبارك لهم بمواترهم.