زيت المكينة لونه حليبي او بني

[مدور طريق]

يا خوان عندي جيب نيسان مديل 92
موقفه من كم شهر الحاصل شغلته اليومين هذي ، شغال اوكي واروح واجي عادي والحراره تحت الربع .. بس يوم عايرت الزيت لقيت لونه حليبي مايل للبني:eek:.

مريت ميكانيكي قال في حراره قلت لا قال غير الزيت ولا عندك مشكله :( !

زيت المكينة مع السيفون اخر مره غيرته قبل سنه :D

[مدور طريق]

نسيت اقول انه قير عادي
4 سلندر
النوع باثفندر اخو الددسن

[ابو حمودي 2]

هاذي خالطه الماء مع الزيت شيك على الطبات اول شي

[ابوراكان تبوك]

الله لا يلومه مغير الزيت قبل سنة زين انه ما خبط

اذا استمر لون الزيت مثل ماهو عليه بعد تغييره معناه السيارة خالطه مثل كلام اخي حمودي

[مغامر الديرة]

صارلي نفس المشكله من ناحية لون الزيت
واتضحلي انه شعر في السرندل بعد تعرض الموتر لحراره عاليه
ادي الى خلط الماء بالزيت فاصبح لونه زي لون الحليب
هذا اللي صار لموتري
لكن انت تقول الموتر لم يتعرض لحراره
واعتقد ان ما عندك مشكله
اذا كانت السياره متوقفه لمده طويله مثل ما تفضلت فقط غير الزيت وامشي عليها فتره ثم عاير الزيت وانظر الى لونه
ان شاء الله ان لونه ذهبي مثل يومك تصبه
تحياتي

[مدور طريق]

الاخ ابو حمودي2 شكرا لك .. لا ان شاء الله ماخلط الماء مع الزيت لان الميكانيكي فتح غطاء الرديتر وشيك على الماء وقال مفي زيت بالرديتر.

الاخ ابو راكان تبوك شكرا لك.. الزيت بعد تغييره مع السيفون رجع طبيعي للونه الذهي ولله الحمد

الاخ مغامر الديرة شكرا لك.. ومعلومة طيبه اتمنى ان الي عندي ماهوب شعر بالسلندر بسبب الحرار لان الحرارة عندي طبيعية من يوم شريت الموتر ولله الحمد .

زيت المكينة يمكن يطول معي ما اغيره لاني ما امشي كثير عليه بس كنت ازيده فقط ولا اغيره.
السيفون غيرته مره وحده من سنه وصرت عقبها بس ازيده .

اشكر الاخوان على مشاركاتهم الطيبه.
تحياتي

[مدور طريق]

http://www.offroaders.com/tech/milky-stuff-under-oil-cap.htm

يا أخوان حصلت هذا الموقع يتكلم عن زيت المكينة وش الاسباب الي تخليه يصير لونه حليبي
قال كلام كثير بختصار شديد:
يقولك هناك سببين رئيسيين:
1- رطوبة تتكون بالمكينة بسبب تغيرات الجو ( وهذا الي حصلي انا )
2- راس المكينة بسبب الحرار الزايدة يدخل الماء على الزيت او العكس
والله اعلم

حبيت افيد الاخوان بالمنتدى
تحياتي
اخوكم ابو ريان

[عمار عبد الله]

كلام سلام اخوي
لا بد يكون احد السببين اللي ذكرتهم
ربنا يسهل

[محب الشافعي]

اخواني الاجلاء : عندي معلومة احب ان اضيفها الى ماتفضلتم به . الطبات ليس لها علاقة ابدا بهذا الموضوع وهناك سبب اخر يؤدي الى خلط الماء والزيت وهو شرخ اوفطر بالسلندر وشكرا .

[الوقيدي]

السلام عليكم : من السؤال يتضح ان الزيت مختلط مع الماءوالسبب من وجهه الرأس محترق اوالرأس منشعر أوالرأس متاكل من جهه وجه الراس اوالسلندر منشعر أو من جهه سدر الماكينه المقابل لطرمبه الماءمثقوب . الى اللقاء

[abo-khalid]

يا خوان عندي جيب نيسان مديل 92
موقفه من كم شهر الحاصل شغلته اليومين هذي ، شغال اوكي واروح واجي عادي والحراره تحت الربع .. بس يوم عايرت الزيت لقيت لونه حليبي مايل للبني:eek:.

مريت ميكانيكي قال في حراره قلت لا قال غير الزيت ولا عندك مشكله :( !

زيت المكينة مع السيفون اخر مره غيرته قبل سنه :Dاخي مدور طريق المشكلة في شيئين : يا وجة الراس. يا شعر في الراس (راس المكينكة )والله اعلم

[مدور طريق]

الاخ عمار عبدالله شكرا على مشاركتك .

الاخ محمد الشافعي شكرا على مشاركتك .. وانا اوافق الراي ان الطبات ليس لها علاقة بخلط الزيت مع الماء. لن الطبات اذا كانت مظروبه راح ينقص الزيت وترتفع الحراره. بالنسبة لي لانقص ماء ولا حراره ولله الحمد .

الاخ الوقيدي شكرا على مشاركتك .. كل الاحتمالات وارده لكن هل تسبب ارتفاع حرارة السيارة اذا نعم .. معناته الامور سليمه عندي.. والله اعلم،

الاخ ابو خالد شكرا على مشاركتك .. بس هل وجه الراس او شعر في راس المكينة يسبب ارتفاع حرارة السيارة؟
اذا نعم .. معناته الامور سليمه عندي .. إن شاء الله

[PATHFINDER 4]

ماشاء الله عليك سنة ماغيرت الزيت
الله يستر عليك رح غيره الان

[مدور طريق]

الأخ
PATHFINDER4
لا ابشرك غيرت الزيت ولونه طبيعي الحين ذهبي :D

تحياتي

[sgl2002]

موترك مافيه شي

غير زيته وتوكل