مشكله وابي حلها تكفوووون

[صاحب الماركيز]

السلام عليكم ورحمة الله وبركاته

اخواني اعضاء ومشرفين ومدراء منتدى مكشات : الاعزاء

انا عندي مشكله بسيارتي الكرسيدا اربع سلندر

وهي وقت الصبح لما اشغل السياره عشان احميها لازم ادعسلها بنزين قبل التشغيل وبعد

ماتشتغل تقوم تنتفض المكينه بقووووه وغير ادعسلها بنزين وفوق هاذا تطفي ثاني مره

واشغلها وتنفض مره ثانيه واقعد داعسلها بنزين على خفيف لمدة دقيقه وبعدين ارفع رجلي

دقايق وتسلك((مع العلم انه اذا كان الجوء حار تشتغل زي الحلاوه ومن اول دقه))

ورحت للكهربائي قالي روح جيب بواجي اصليه وجبتله وركبها ومازبطت

السياره وقال تعال بكرا اسويلك وزن ديلكو بـ 100 ريال واذا مازبطت

اسويلك وزن للكربريتر ((يالليل النصب))

(((بالنسبه لمشكلتي مع الكلتش انه يعلق وارجعه برجلي تم حل المشكه بتنسيم العلبه

ووضع زيت اصلي كلفتني 17 ريال بعد ماكانو بيلهطون 260 وانا اضحك))

اتمنى منكم مساعدتي وشكرا

[You Like Me]

مشكلتك في حساس او بلف التحميه للسيارات ذات الحقن الالكتروني البخاخات
او ما يسمى للسيارات القديمة اللي تشتغل على كاربريتر (الشفاط)
ماله دخل لا الديلكو ولا الكاربريتر

[الوقيدي]

السلام عليكم : المشكله من الشفاط المدمج مع الكربريتر يحتاج اعاده وزن او احد ليات الهواءفيه محلوله . الى اللقاء

[طرقي 555]

السيارات القديمه لازم تدفى وبعدين تسلك معك ماتشوف اهل الدداسن يحطون كرتون علا الشبك من جهة الرديتر
بسبب نفس مشكلتك

[صاحب الماركيز]

طيب الشفاط ذا ينوزن ولا يتنظف ولايتغير ولا شلون وكم سعره

[صاحب الماركيز]

وينكم يارجال

[م/عبدالله]

نعم مثل ما قال الاخوه ... منظم التشغيل على البارد
ويعمل لديك بواسطة الهواء ..( بالشفط)

راجع تمديده .. يمكن لي مفصول ..

ولابد من تركيب ( ثرموستات) خاصه في الاجواء البارده

فيه شيء مهم .. لابد من ضبط الخمول .. اي تسارع المحرك

شوف موضوع اخونا القدير اصيل .... يفيدك في هذا الموضوع