تسجيل الدخول

مشاهدة النسخة كاملة : سوأل بخصوص المواطير هنالك نية الشراء ارجو الافادة


بليزر616
27/11/2011, 08:04 PM
السلام عليكم ورحمة الله وبركاتة

ابي افضل ماطور متوسط الحجم معقول السعر

ولكم جزيل الشكر
ابولؤي الشريف
27/11/2011, 10:25 PM
انا شريت ماطور السنيدي ممتاز جداا في سرعة النفخ لكن اغلب ماقرات الشباب يمدحون ابو جمل اخذت ماطور السنيدي من الاخر 300 ريال ولقيت ابو جمل الاصلي الصغير 300 والوسط 330 والكبير 450 عندنا في تبوك ويفيدونك الشباب اكثر
بليزر616
27/11/2011, 10:37 PM
انا شريت ماطور السنيدي ممتاز جداا في سرعة النفخ لكن اغلب ماقرات الشباب يمدحون ابو جمل اخذت ماطور السنيدي من الاخر 300 ريال ولقيت ابو جمل الاصلي الصغير 300 والوسط 330 والكبير 450 عندنا في تبوك ويفيدونك الشباب اكثر


اسئل الله ان يوفقك دنيا واخرة
ويصلح نيتك وذريتك
بس انا اقصد ماطور الكهرباء الله يطول بعمرك على الطاعة
سكيكو
28/11/2011, 08:22 AM
السلام عليكم
ماطور الكهرباء فيه ياباني وفيه صيني
الياباني هنوند وسعر المتوسط منه بكاتم صوت في حدود 4500ريال 4كيلو وات
الصيني فيه انواع عديده من الرخيص جدا الى متوسط السعر وهي من1500 ال 4كيلو وات
و يوجد بالسوق الان محول تيار كبير الحجم والقدرة تصل 2000 وات ارخص و انظف و اخف وزن ولا يحتاج الى وقود
رح هس
28/11/2011, 10:50 AM
ماطور هوندا لا تبعد عنه يجي منه 1000-2000 تلقاه بالريل خفيف (وبديه )بلاستك وله مقبض يد يشال بدون تعب وزنه من 12-14 كيلو
الصقر المهاجر
28/11/2011, 02:14 PM
نصيحة لا تشتري غير الياباني سواء هوندا او روبن الاصفر وكلها وكالاتها في شارع الريل بالرياض
اما الصيني والتجميع ابعد عنها لانها غير عملية وعمرها الافتراضي قصير !!!
فيصل الغازي
28/11/2011, 10:51 PM
نصيحتي لك خذلك ياباني ماركة هوندا لأن فيه الحين صناعة هنديه وصناعة صينية الأفضل تأخذ لك الصناعة اليابانية اوماركة روبن يجيك لونها اصفر هذي الأنواع الممتازة في السوق اما النوعية الصينية ابعد عنها خرباتها كثيرة
صب لي فنجال
29/11/2011, 08:53 PM
انصحك بالهوندا ياباني تجميع هندي الموجود عند وكيله عبدالله هاشم تحت كبري غبيره تراه ممتاز قوة 1000 شمعه اخذته من عنده 1480 ريال قبل 4 سنوات وشغله مايحتاج او ماطور روبن عندي واحد اقدم من الهوندا وشغال ماعليه . بس عيبه مزعج ماهو مثل الهوندا وبالتوفيق......
آخر العنقود
30/11/2011, 04:22 PM
سؤال على الطاير شباب ماطور هوندا الصغير وش اقصى عدد اجهزه يشغله للي سبق واستخدمه لا هنتوا ..
بليزر616
30/11/2011, 07:39 PM
السلام عليكم ورحمة الله وبركاتة

اشكر الجميع وبعد الاستشارة الداخلية والخارجية تم الاجماع على شركة هوندا اليباني 2600 شمعه
عملي ويشغل اللي احتاجة بالمخيم

الف الف شكر للجميع
ودمتم بحفظ الرحمن