الرعي الجائر في نفود الثويرات

[gasomi]

في رحلتنا بعد عيد الأضحى
بدأنا بالدهناء بعد أم الجماجم متوجهين نحو عرق محيفير ثم توجهنا جهة الشمال مع عروق الدهناء ، ومررنا بنفود الثويرات عندها سجلنا هذا المقطع الذي يوضح الرعي الجائر في نجد
والذي تسبب في تصحر معظم صحاريها
شاهد المقطع .

3x3qCUC-bs0

[راعي النوادر]

يعطيك العافيه على المقطع
انا أشوف ان هذا مهو رعي جائر الرعي الجائر هو لما يكون العشب صغير وتوه ماكبر وتجي الغنم وتاكله وتقتلع جذوره
لاكن هذي شجره وياكلون من أوراقها ولجها المطر تنمو مره ثانية ان شاءالله

[راع الحيزا]

عسى الله يرزقهن بالمطر والربيع
وما حدهن على العلندا كود الدهر ومعاوينه

[ذئب نجران]

يارب يرزقنا بالمطر والخير والبركة

[v506]

أي جائر يحليلهن حليلاه بس

[بالله صحيح]

(( أكبر مشهد يدل على الرعي الجائر بالسعوديه ))

!!

[سحاب1111]

مشكووووووووووووووووووووووووووووووووور

[صالح الوليدي]

وش إلي ياخوك رعي جائر تحسد البهايم على عيشتها

الرازق في السماء والحاسد في الارض

ياخوك تاكلها وبالعافيه وإلي رزقها هو إلي يتكفلها نحسد غيرها على عيشتة

[* ابو باسل *]

الرعي الجائر والله الي نشوفه الحين مايمدي العشب يطلع الا فاكين فيه حلالهم ودامره دمر وفي كل مكان او روضه مايمدي العشب يطلع الا فيه مليون راس مدري وين جايه منه .

[ذيب مجزل]

ما شاء الله تبارك الرحمن

[محطم عنيد]

لا حول ياخوي وش الرعي الجائر

سؤال لك كشخص عاقل ولغيرك

هل نحن نستفيد من النبات والربيع غير التبطح والتسدح ؟

ياخي الغنم والبهائم بشتى انواعها تاكل وذا رزق رب العالمين


ان اجدبت الارض مايخسر غير البهائم

[lahoop]

وانت وش تسوي بهن اذا كانن بالصحن..............هذاك هو الجائر والا هانجد جوع اللي حاديهن على الشوك
اللهم اغثنا بالبهائم الرتع