جنني الكلبريتر :(

[الغامدي_707]

يالربع عندي كلبريتر هايلوكس 2001
يتفتف, وتعلق دعست البنزين , ويشرب شرب

رحت عند ياكستاني بالدمام يقولي القاعده خربانه
ويبغاله اصلاح طبعا القاعده ماتجي مع الأصلاح
ب450:confused::confused::confused:
ياليت احد يوصفنا بمحل مضبوطـــ
ولا محل بيع كلبريترات مستعملهـ:)

[شلشكو2011]

شوف اخوي فيه بخاخ اي سي ديلكو مهوب حق الصدا غيرة تلاقيه باي محل زينه بخ على الكلبليتر من الخارج كنك تضربه بويه بتلاحظ الوساخه تنزل والسست الخارجيه تنظف ويروح التعليق كلها بسبه الاتربه
ومن الداخل بعد ما تشيل الغطا حق الفلتر وخل احد الشباب يدعس بنزين كل ما بخيت شوي
وتقبل مروري

[ماجد الشمال 1]

خذ القاعدة معك ودها عند المخرطة وخلهم يعبون لك الفراغ أو يركبون جلب لبوابات دعسة القاعدة

[بر الأمان]

مالك بعد الله الا واحد تايلندي في صناعية الدمام يمخمخ ع الكلبليتر تجيب له سياره بخاخ مايشتغلها وصف الورشه ركز معاي وانت نازل مع شارع الملك سعود اشارة سيهات خذ فوق تحت وارجع كأنك رايح الجبيل ادخل يمين بعد بريللي بشوي المهم ادخل مع الشارع الرئيسي للصناعيه امش حتى تلاقي قطع غيار نهيد خذ يمين يكون ع يسارك ميزان الدمام سابقا اللوحة موجوده وورشه السعادة لهوندا بعدها خذ يمين
فيه برحه اول ورشه ع يمينك تفتح شرق اسأل عن سربون تايلندي شايب يلبس نظاره اذا موجود ان شاء الله ترتاح من الكلبليتر شغله فقط الكلبليتر لانها مربحه وغير متعبه كثير مع سنه

[عاشق الخسائر]

لاتاخذ اصلاح كلبريتر كامل خذ ابرة اصلاح اصلية فقط مع بليتين وبويبينة واصفاي بانزين وبواجي كلها ماتكلفك 150 ريال وشغل من 20 الى 50 ريال تحياتي