عاجل ... هل تغيير فلتر وزيت قير اللاند كروزر بعد مسافة طويلة يضر بالقير

[عابر سبيل 2]

اخواني
لي زميل كشف عند ورشة على سيارته لاند كروزر والموتر ماشي 200000 وشوي وغير الزيت والفتر مرتين ولكن المئة الف الأخيرة ما غير فيها الفتر وزيت القير ، وقالوا له الورشة القير كويس ولكن الزيت قديم بس إذا غيرت الفلتر والزيت يمكن يخبط عليك القير بنسبة 70% مع إن الموتر نظيف ولا جاه جور
وطبعاً الكلام هذا ما يدخل الراس لأن تغيير الفلتر والزيت مهما كانت المسافة يعتبر صيانة للسيارة .
المهم رفيقي ما أقتنع بالسالفة لأن يعرف موتره وكان فعلاً نظيف بس المشكلة بعد ماغير فلتر القير والزيت وطلع من الورشة فرط عليه القير .
هل تتوقعون كلام الورشة اللي فحصت الموتر في الأول صحيح أو اللي غيروا الفلتر والزيت تسبب في مشكلة القير .

[سيف وقلم]

ما هي المشاكل المتوقعه بعد تغيير زيت الــقــيـر.؟ (http://www.mekshat.com/vb/showthread.php?t=199419)

[ابوساج]

السلام عليكم

اخوي العزيز ... انا معي برادو 2005 نفس اللاند كروزر ما فيه عيار وتغيير الزيت كل 80000 كيلو ، عندما اردت تغيير الزيت وكان ماشي وقتها تقريبا 190000 وشاريه انا مستعمل ما ادري عنه لكن رحت للوكالة وقالو لي نفس كلام الورشة اللي فحصت لرفيقك القير ورفضو تغييره بحجة انه سوف يصير فيه عطل أو يصير فيه صوت ثم ذهب لورشة الشيبان ببريدة وقالو لي نفس الكلام .. ثم ذهب لورشة بالتشاليح في بريدة وقالي انه صحيح لكن ما يغير على طول مرة واحدة حسب لون الزيت واسوداده ورائحته هل هو قديم ام لا حيث انه يغيره اكثر من مرة بنفس الوقت حتى يتغير لون الزيت ويصير نظيف احمر نفس الوكالة حيث يتم تغييره ثلاث مرات او اكثر حسب ما قلت لك وهو يتغير لون الزيت ويصير نظيف .. ووقفت موتري عندهم الصباح والمغرب اتصلو علي قالو تعال وخذ سيارتك والحمد لله موتري صار تعشيقاته زينه ولا فيه اي شي .. علما بأن صاحب الورشة اخبرني أن الوكالة ما عندهم سالفة وكثيرا ما يأتون إليه أصحاب اللاند يشكون نفس حالتك ... والله الموفق

[عابر سبيل 2]

اذن الكلام صحيح بس ليه ؟
المفروض ان تغيير الزيت والفلتر جيد للصيانة بس ليه يخبط القير بعد التغيير ؟؟؟

[عابر سبيل 2]

السلام عليكم

اخوي العزيز ... انا معي برادو 2005 نفس اللاند كروزر ما فيه عيار وتغيير الزيت كل 80000 كيلو ، عندما اردت تغيير الزيت وكان ماشي وقتها تقريبا 190000 وشاريه انا مستعمل ما ادري عنه لكن رحت للوكالة وقالو لي نفس كلام الورشة اللي فحصت لرفيقك القير ورفضو تغييره بحجة انه سوف يصير فيه عطل أو يصير فيه صوت ثم ذهب لورشة الشيبان ببريدة وقالو لي نفس الكلام .. ثم ذهب لورشة بالتشاليح في بريدة وقالي انه صحيح لكن ما يغير على طول مرة واحدة حسب لون الزيت واسوداده ورائحته هل هو قديم ام لا حيث انه يغيره اكثر من مرة بنفس الوقت حتى يتغير لون الزيت ويصير نظيف احمر نفس الوكالة حيث يتم تغييره ثلاث مرات او اكثر حسب ما قلت لك وهو يتغير لون الزيت ويصير نظيف .. ووقفت موتري عندهم الصباح والمغرب اتصلو علي قالو تعال وخذ سيارتك والحمد لله موتري صار تعشيقاته زينه ولا فيه اي شي .. علما بأن صاحب الورشة اخبرني أن الوكالة ما عندهم سالفة وكثيرا ما يأتون إليه أصحاب اللاند يشكون نفس حالتك ... والله الموفق

هل تقصد شفطوا شوي وبعدها زادوه وبعدين شفطوا شوي وهكذا
والفتر غيروه والا لا ؟