تكفووون فزعتكم يالنشامى بخصوص نقص الزيت

[العرجاني911]

السلام عليكم ورحمة الله وبركاته ,,,,

يا شباب انا سيارتي مكسيما موديل 2007 قير تماتيك ماشيه 170000 كم ولاحظت ان السيارة ينقص زيتها مع العلم ان السيارة كانت فيها مشكلة الحرارة وبعدين ضبطت ...

ما ادري هل نقص الزيت بسبب الحرارة اللي كانت في السيارة من قبل او بسبب اني ما صفيت المكينة وغيرت بواجيها ((لان اخر مرة غيرت فيها البواجي وصفيت المكينة كانت يوم السيارة ماشية 70000كم)) ؟؟؟

واخر مرة غيرت فيها زيت السيارة قبل اسبوع ومشيت عليها حوالي 1300 كم وبصراحة كنت اسرع ولما شيكت على العيار حصلت العيار ناقص النص تقريبا

(( للمعلومية الزيت اللي استخدمه هو زيت نيسان )) وما تقعد السيارة اكثر من 5000 كيلو واغيره


,,,,, واسف على الاطالة

[بر الأمان]

شف اخوي يمكن فيها جلد بلوف الصبح تأكد لما تشغلها شف فيه دخان ابيض شوي ويقطع اذا فيه بسيطه الشغله او يمكن عنك تهريب من صوفه احيانا يكون بلف البخار عطلان ويسبب نقص الزيت كذلك افحص السياره لما تجي من مشوار والساره
حاره دس بانزين ويكون واحد عند الشكمان اذا فيه دخان ابيض هذا شمبر والعلم عند الله


سلمك الله انت وسيارتك هذا ماعندي والشباب مابيقصرو معك

[محب الشافعي]

اخي الحبيب : تاكد اولا من نوع الزيت مطابق مع ما مكتوب على غطاء المحرك وافحص المحرك هل فيه نضوح للزيت وافحص كذلك فلتر الدهن فربما ينضح ولاتنسى صامولة حوض الزيت للمحرك فربما غير مشدودة باحكام .

[القعقاع1000]

العلم عندالله انها تحتاج شنبر بسسب ارتفاع الحرارة فالحرارة هي دمار السيارةدمتم بود

[العرجاني911]

والله يا شباب بعد ما مشيت على السيارة مشوار نزلت من السيارة وجيت عند الشكمان وخليت واحد من الشباب يدوس بنزين ... وما طلع لي دخان ابيض ابدا

وبالنسبة للزيت يا اخوان انا استعمل زيت نيسان وللعلم ترى السيارة كانت فيها حرارة وكانت مبهذلتني والحين الحمد لله ضبطت ..... بس ما ادري اذا كان نقص الزيت بسبب الحرارة او لا ؟؟؟ والاحظ على السيارة انها تصرف بنزين بزيادة


يا ليت تفيدوني يا شباب ..... واسف على الاطالة

[mmgarni]

تصدق انها نفس مشكلتي طيب اذا احتر الموتر يكتم معك

[mmgarni]

مكسيما 2004 بس ماعندي حراره

[ملجلج 305]

اخوي بقولك حاجه زيت تويوتا ونسان ينقص طبعي انا قد جربته
ثاني شي قد صار بموتري نقص زيت انا مريت على كذا بنشر وورشه قالو المكينه سليمه بعد وقت لقيت نفس مسمار الصره ينقط خفيف ومع الحركه بذات سبب كان ان البناشر اذا بركبون المسمار حطو شطرطون سباكه تاكد يمكن ذا السبب

[ملجلج 305]

والله يا شباب بعد ما مشيت على السيارة مشوار نزلت من السيارة وجيت عند الشكمان وخليت واحد من الشباب يدوس بنزين ... وما طلع لي دخان ابيض ابدا

وبالنسبة للزيت يا اخوان انا استعمل زيت نيسان وللعلم ترى السيارة كانت فيها حرارة وكانت مبهذلتني والحين الحمد لله ضبطت ..... بس ما ادري اذا كان نقص الزيت بسبب الحرارة او لا ؟؟؟ والاحظ على السيارة انها تصرف بنزين بزيادة


يا ليت تفيدوني يا شباب ..... واسف على الاطالة
بعد الحراره وضبت سويت شي ولا تركتها على حالها اخوي اذا كذا مره الورش وشف شيك يمكن السياره خبطت مير اذا ارتفعت الحراره ارتفاع قوي لو مره اغسل يدك من المكينه وضب لله يعينك

[العرجاني911]

طيب يا شباب وش الزيت اللي تنصحون فيه وان شاء الله بغير السرة

ؤما أدري هل تغيبر نوع الزيت يؤثر على المكينة بحكم أنها ماشية 170000كم

ويعطيكم ألف عافية على التفاعل

[خالد الزومان]

اولاً تأكد ان مافيه تهريب زيوت من المحرك و الصوف و الوجيه ثانياً اذا كان لون دخان الشكمان مايل للازرق عند التشغيل او عند دعس البنزين فجأه و السياره واقفه ثالثاً كيف لون البواجي يوم فكيتها وهل عليها زيت رابعاً و الاهم : فيه ساعه قياس ضغط السلندرات تركب مكان البوجي وتفصل الكهرب عن المحرك عشان ما يشتغل وتدق سلف لمدة عشر ثواني وبتبين لك الساعه مقدار الضغط في كل سلندر والله اعلم ....

[العرجاني911]

يا شباب لاحظت اليوم العصر خليت واحد من الشباب يشغل السيارة ولاحظت أن السيارة طلع مع الشكمان دخان أبيض شوي وراح

مدري هل المشكلة كبيرة .... يعني راحت المكينة وألا وش العلم

[محب الشافعي]

يا شباب لاحظت اليوم العصر خليت واحد من الشباب يشغل السيارة ولاحظت أن السيارة طلع مع الشكمان دخان أبيض شوي وراح

مدري هل المشكلة كبيرة .... يعني راحت المكينة وألا وش العلم
اخي الحبيب : الدخان الابيض على نوعين : 1= دخان ابيض كثيف يخرج من العادم لحظة تشغيل المحرك ويستمر لفترة طويلة وهذا سببه تسريب داخلي من الراديتر . 2= دخان ابيض قليل يخرج لحظة تشغيل المحرك وهذا ليس بالمهم فسببه الرطوبة في المحرك وخاصة في الاجواء الباردة , واعتقد ان سيارتك ليس بها شىء ,