صوت طقطقه في مكينه الفرود 2004 مالنا غنا عنك يا اصيل ولايهونون الاخوان

[يزيد 999]

بسم الله الرحمن الرحيم السلام عليكم ورحمه الله وبركاته إخواني اليوم رحت افحص سياره من فورد f150 موديل 2004 نوع لاريت حجم المكينه 5.4 فحصته بالكمبيوتر وطلعت السياره مافيها شي لاكن فيه صوت من المكينه صسسسسس < تقدرون عليه المهم الصوت هذا يزيد مع السرعه لدرجه وانت بالسياره تسمعه من الدرج اللي قدام المعاون بوضوح ولما كلمت راعيه طبعا راعيه شريطي قالي الصوت طبيعي انا كاشف عليها عند خبير بالفوردات قلتله ابشاور الربع بمكشات وعندهم العلم ان شاء الله عموما يا إخوان الموتر نظيف ولاتنقد عليه بشي الا الصوت وقالي اللي فحصه انه يمكن يعيش سنه او عشر ماني متأكد لاكن اكد لي ان الصوت مهب صوت بلوف اوعامود الكردان او الجنزير المهم يا إخوان انا مستخير وماردن الاهالسبب فرجاء اللي فاهم يرد ما ابي احد يجدع كلمه ويمشي. ترا بكره عطله لا احد يتعيجز يرد

[يزيد 999]

الموتر ماشي ٢٩١٠٠٠ يا جماعه اشتري الموتر ولا اخليه

[alwaleed009]

والله يا أخوي مشكله .. تخاف تشتريه وتوهق فيه ..

انا اقول انتضر صحيح بكرا اجازه والجو ما يتفوت لاكن .. اصبر احسن من انك تشتريه وتحسف انك دفعت فيه قرش واحد

انتضر خبراء الموقع يجون ويعطونك وجهة نظرهم ..

___ ___ ___

وان شاء الله يكتب لك اللي فيه الخير والله يوفقنا وياك يارب

[يزيد 999]

جزاك الله خير بس نبغى الخبراء يستعجلون لان الموتر لقطه

[أصيل حجآ زي]

وعليكــُم السلام ورحمة الله وبركآتــُه


تحية عطـــــــــــرة وبــــعـــــد :
أخي / يزيد


أذا هو لــُقطة فألقـــُطــُه .



نصيحتي لا تقرب منهُ أبدآ .


تقول يقول الشريطي فحصهُ عند خبير .


قــُل لهُ يا الله نروح أنا وأنت عند الخبير .
سوف تحصل الخبير شريطي زيـــُه .
هذا أذا كلامـُه صحيح أو أن صآحبهُ يفهم أي شيء .



ويقلون :
""" ما يمدح العروس ‘‘‘ الا أ ُمها """


كيف تبغى الشبآب يشخصون لك الصوت من وراء شآشة الحآسوب ؟؟؟؟؟؟؟


كـــُلنا بنخبص ونخمن لك .


الشريطية كــُلهــُم 99,99% يمدحون سيآرآتهــُم
ويحآولو أخفاء العيوب وألتمآس الأعذآر والأكآذيب
للعيوب والأصوآت والخلل ويطمسو الحقيقة .


أذا أنهــُم يستخدمو قشور الموز والبـُرتقآل والفوآكه
لأخفاء أصوآت الحنة والونة والزنة والطنة
من القير العآدي ومن الدفرنش .
ويضيفو ديزل لزيت المـُحرّك
ليخفو الدخآن من الكندآسة .
بعد تبغي تثق فيهــُم !!!




ضروري أذا أنت مــُصر عليها :
تأخــُذها لورش عدة وتروح
عند مــُهندس خبير يفحصها لك زين .


ولو أنا ما أشتريت الفـُـورد ولو برُبع قيمتها .
الا أن كآن تــُهدى لي مع نقل المـُلكية
وكــُل ما يتعلق بذلك على حسآب المُهدي .



دور لك على سيآرآت الشفر
أو التآيوتا أو الهوندا وبس .


موفق
وتلقى خير بأذن الله