يا اخوان ابي لي افظل نوع للخيمه سهله النصب والفك

[بروق خير]

السلام عليكم ورحمة الله وبركاته

يا اخوان ابي لي خيمة سهلة التركيب والفك . الي جرب خيمه يا ليت يفيدني ولو يكون عنده صور لها يكون احسن . مع العلم اني اسكن في مدينة الرياض للي يدلني ع اسم المحل .... وشكرااااااااااااااا

[Abo Alia]

وعليكم السلام ورحمة الله وبركاته اخي
ما خبرتنا عن حجم الخيمه الي تبغاعا
انا جربت خيمة المبيت 2 في 3 متر وارتفاعها 1,5 متر
ممتازه بالنسبه لي ولا تحتاج لا نصب ولا تثيت عمدان فكها من غلافها وتصير لك خيمه على طول

بس ادا ترغب في خيمه اكبر عندك خيمة البيرق من القاضي وخيمه الوسم
صورة لخيمة الوسم
http://aboyzeed.info/wasem/images/kh.jpg
وهذا موقع خيام الوسم
http://aboyzeed.info/wasem/main.htm

وهذا موضوع عن الخيمه في منتدانا
http://www.mekshat.com/vb/showthread.php?t=260013

وهذا فيديو يبين سهوله نصب الخيمه
http://www.youtube.com/watch?v=lKQzMApPwDs

[albara]

السلام عليكم ورحمة الله
فعلا كلام أخوي صحيح أما :
1- خيام الوسم من ابوعبدالعزيز قوة وسهولة تركيب ومواد ممتازة
2- البيرق سهولة التركيب

[بروق خير]

يعطيكم العافيه على التوضيح . بالنسبه للخيمه البيرق وين احصلهاا فيه . احصلها في برق الحياء .؟

[aboaljuri]

البيرق تحصلها في محلات القاضي على الدائري بين مخرج 11 و 10
4 * 4 وزنها بحدود 35 كيلو طبقة وحده سعرها فوق الالف هذا اذا ما زادوهااا

[albara]

القاضي علي مخرج ١٥باتجاه الشرق بعد ثاني اشارة بمسافة على اليمين

[بروق خير]

يعطيكم العافيه. مشكوورين على التوضيح

[سيف الظفير]

لا تتعدا الوسم


نصيحة

[toyo]

خيمة البيرق طبقة وحدة
السعر:1300
المتر: 5×5
وسهلة في التركيب

http://up.arab-x.com/Oct11/HnP89655.jpg (http://up.arab-x.com/)

[تيتشر]

لابغيت تاخذ خيمه خذ طبقتين ادفا لك وانا سمعت ان القاضي ر فع اسعار منتجاته فانصح بخيمة الوسم

[أبو عقيل النجدي]

نصيحة أخ خيمة البيرق 4×4 طبقتن لك وللزمن

طبعا من تجربة شخصيه

[جزاء الشمري]

أخذت خيمة من السنيدي صغيرة حقت مبيت للشخص الواحد لكن ماتنفع وقت المطر

[كشاتي هلالي]

كأنك تبي خيمه حق نوم شخص واحد انصحك بخيمه المبيت عند القاضي

حلوه ولا تاخذ الي من نوع تنزاني لانه يتجمع عليك الماء اذا امطرت وتبدأ تنقط

خذ النوع الثاني ناسي اسمه والله

القاضي تلقاه بين مخرج ١٠ و ١١ الدائري الشرقي

[happeyman]

على ما قريت بالمنتدى اكثرهم ينصح بالوسم والبيرق

[سرهيد]

السلام عليكم

خيمة البيرق من الخيم الرائعة التي افضلها وهذي صورة لها معنا في احدى الفياض

منظرها يطرب سهلة التركيب والفك

http://www.mekshat.com/pix/upload01/prof021/mk40450_img_130-12.jpg

، لكن مع سعرها الحالي اشوفها غالية

ربي يوفقك

[ناوي الرحيل]

خيمة البيرق انصبها بلحالي ولا يحتاج جهد والوقت سبعة دقايق ولا تأخذ حيز في السيارة طولها بعد التصفيط 120 في 60 سم
والعام شاريها بـ 1950 خمسة في خمسة

[هاوي الفلة]

خيمة البيرق عندي 4*4 مجربها وحقيقة رائعة .
أما بالنسبة للسعر فهذا راجع لك .