شباب من جرب خيمة البيرق ؟؟

[العيد]

السلام عليكم

نخش في الموضوع علطول :) انا اشتريت خيمة البيرق الصغيرة 3*3 ومن اول طلعة طاحت من عيني صحيح واضح ان تفصيلها محكم وقوي وقماشاها مثل لكن انا رقدت برا الخيمة ودفني السافي وخويي نام بالسيارة وكل هذا من صوتها المزعج الهواء يلعب فيها لعب وحاولت اثبت بقية الاطناب وما فيه فايدة لان المشكلة جاية من جدرانها كن واحد قاعد ينفظ له كنبل عليك وانت نايم :D

انا اشوف الشباب يمدحونها هنا بالمنتدى ورحت طاير اشريها !!!! :confused: وشرايكم انا مخطي او هي ما تصلح للهواء ؟

[أسير الفهد]

اخي العزيز انصحك من واقع تجربه بخيمة الصلال 3*3 خيمة سهلة التركيب والطوي وعمليه جدا

[سنايدي سدير]

اخوي العيد
تصدق اني ادور وأسأل عن خيمة البيرق منذ مبطي والحين قريت ماكتبته عنها واني والله ماجربتها ولكن لكل داء دواء واضن ان كانت الخيمه على مستوى عال من الجوده وما عاقها الا الصوت الى قلت فاقترح خياطة جدرانها بعلامة اكس ووضع شداد في منتصف الاكس وشدها بحبل بطنب على مسافه مطمئنه والفكره الثانيه وضع شاداد من داخل الخيمه بالشمع يشقلها شقل فلعاها تنجح ولا تتحسف على عليها تراهم يمدحونها (وماهنا كشته بلاعذاريب الا ماشاء الله)

[هاوي البر]

اخوي العيد
انا عندي مثل الي معك
امرحنا فيها يوم في روضة نوره وكان هواء شديد صحيح ازعجتنا بصوتها وقرقعت مواصيرها بس اعتقد كل الخيام في الهواء الشديد تصدر صوت ولكن سهلة التركيب و الفك مافيها عيب الا انها غاليه شوي

[العيد]

ما قصرتوا شباب شديتوا من ازري :)

اخوي سنايدي سدير والله طريقة حلوة واشكرك عليها بنفذها ان شاء الله


اخوي هاوي البر والله لو تجيب اثقل الناس نوم ما يقدر ينام صووت مزعج جدا صفق من قلب هههههههه

[عبد الله الفايز]

أنا أستعمل الكبيرة من سنتين



أولا. لايوجد الكامل فالكمال لله وحده



نعم هي تنبعج وتتحرك جوانبها مع الريح بسبب أنها خالية من دعامات الجونب من الأسفل

وهذا ميزة في أكثر الأحيان ( أعني سهولة بنائها وهدمها وطيها )

ثانيا. الحلول التي اقترحها الشباب جميلة وخاصة لو يوضع في منتصف كل جانب مكان لشدها إلى الأوتاد

وهذا يمكن أن ينفذه لك أي مكان لخياطة الخيام أو عند القاضي نفسه

عيوب يسيرة في مقابل مميزات كثيرة

نتمنى من مصنع القاضي لو يتابع مثل هذه الموضوعات وإجراء التعديلات الممكنة ليكون لدينا خيمة تلبي حاجات الجميع

ماعدا ذلك فالخيمة بصدق رائعة

[ع الطيار]

اخوي العيد

انا سمعت من واحد من الشباب يقول انها تهرب ماء مع المطر

ما ادري صحيح ولا لا

[العيد]

ما قصرت يا عبدالله بروح اجرب حظي عند اهل الخيام اللي بالغرابي لعلهم اسرع يخيطونها وانا واقف والله يستر لا يعدمونها


الاخ الشرنقه

صراحة انا ما جربتها بالمطر لكن اتوقع انها توقي ان شاء الله والله اعلم

[سيف السيف1]

طيب عطونا صورة لها ...

[ولد المزاحمية]

يمدحومنها والله في شريط المقناص2 ويقولون انه زينه ودافئة

[العيد]

صورتها والهواء يلعب فيها :D

http://www.mekshat.com/pix/upload/images15/mk1052_66.jpg

[مجتهد***]

السلام عليكم
أنا مجرب الكبيرة منها صحيح تلعب مع الهواء
كلن مزاياه أكثر من عيوبها
ويكفي حجمها و سهولت البناء و الهدم و التحميل داخل السيارة

[صوح الجبل]

اتركها وبيغنيك الله .... عليك بالخيام اللي عليها العلم ..... ... وبتشوف والعافيه والنوم ازين .... هاذولي مهيب خيام هاذولي شرع بس

[العيد]

ههههههههههههههههههههه ايه بس لاحظ وانا اخوك السيارة صغيرة ومستحيل اشيل خيمة سنعة

[ناجز]

ماكنها 3×3 شكلها صغيرة
ابومحمد

[saher911]

حبيب قلبي الحل سهل بالمرة اونا تراني مسوية مع البيرق الكبيرة 4.5*4.5
غير الحبال الي تجي معها حط حبال قطن او شف في ساكو شدادات صغيرة مثل حقت التريلات ركبها لها
اهم شي حبالها تصير مشحوطة بالمرة

[العيد]

ايه صدقت التصوير مصغر حجمها لكن قاعدتها 3*3

[العيد]

الاخ العزيز saher911

مشكلة الخيمة من ارتخاء جدرانها فقط واما رأسها العلوي متماسك واذا حاولت اشد الاطناب الاضافية اللي تشد اركانها العلوية ترتخي الجدران وتلعب مع الهواء اتوقع لو الف خصرها بحبل يمكن تهجد :)

[قارّة بنّا]

نريد خيام عملية اكثر
:good:

[ساري15]

دام كلن جاب رايه باقول رايي

الصحيح انها خيمة (( فلس )))

خريطه مهي خيمه .... من واقع تجربتي ... رحت طاير مثل اخونا اللي توهق بها.... وشريتها

وياخساره ماهي على ما قالوا

بنيتها مره ... وهدمتها وصفطتها وركنتها بالحوش .... واللي يبيها هديه يعلمني ... لأني الله والعالم اني بارميها بالمحرقه

كل ماشوفها اصد عنها .....هههههههههههههه

لا احد يشري شي الاّ شايفه على الطبيعه ومتأكد منّه ... نصيحه أخويه

وياهلا والله .......نسيت اللي عندي 3×3 الله لايخسر

[الليث الأبيض]

http://www.geocities.com/hraaar_1/1100218787_starting_word.gif








اخوي ابن سلوم

كلام الشباب عن الخيمه صحيح 100%

وهذه صور تثبت جودتها وفاعليتها

الصور طازه

الاولى مثل ماتشوف كانت وقت هبوب الغبار والعجاج يوم الجمعه العصر

http://www.mekshat.com/pix/upload/images14/mk485_sany0040.jpg


والثانيه كانت صباح السبت بعد الفيضان اللي حصل من هطول الامطار

http://www.mekshat.com/pix/upload/images14/mk485_sany0061.jpg


وللمعلوميه ياشباب


الخيمه ما دخلها الا القليل من الماء رغم ان مستوى الماء كان تقريبا 30 سم واتوقع سبب دخول الماء للخيمه هو فتحة المنقل الموجوده في ارضية الخيمه (الله اعلم)















مشا الله شكله خيمةً حليلة

[خيال نجد]

الخيمه روووووووووعه بس اللي عندي 4.5 في 4.5

من أحلى الخيام اللي شاهدتها ممتازه وسعرها 1250

لا وأزيدك من الشعر بيت شف الخيمه الصغيره مره حقت النوم

أذا نومك خفيف زيي ومعك ناس مايراعون ماغير شخييييييييييييييييييييير تصلحلكم

بأمكانكم مشاهدة الصور بموضوعي / جنه من جنان الدنيا / بخيمة الرحلات البريه

ومعها صور أضافيه بتعجبكم ..... ومانستغني عن مشاركاتكم

ودمتم.................. محبكم.......... أبوسعود

[أبو سهيل]

يا حليلك يالعيد ولفة خصر البيرق !!

تراك فضحت بالخيمة ..

الربع يسوون لها دعاية وانت صادق وعلى نياتك .. الله يصلح لنا ولك النية والذرية ..

يا أخوان ثبت بأن الخيمة تصدر أصوات مزعجة .. وغير ثابتة في الهواء .. وهذه العيوب تواترت بحيث لا يصدق الدفاع عنها .. والمطلوب البحث مع القاضي لتلافيها ..

[أبو سهيل]

أكرر بعد معاينة البيرق على الطبيعة "في المعرض":



لقد زرت معرض القاضي على طريق عبادة بن الصامت " طريق المية المتفرع من مخرج 15" خصيصاً لمشاهدة هذه الخيمة مثيرة للجدل .. وفي الحقيقة بعد معاينتها منصوبها .. ومعاينة طريقه فكها وتركيبها .. والتأكد من حجمها ووزنها .. وجدتها كالعروس تختال بين الخيام "السفرية" الأخرى في معرض القاضي .. والكلام على الخيمة 4.5×4.5 .. أما الخيمة الصغيرة 3×3 فهي أشبه بالحمام وانتم بكرامه ..



لكن هذا ليس تراجع مني ولا معارضة لإنتقادات أهل الخبرة الذين جربوها على الطبيعة .. هذا شهادة مني في سهولة وسرعة الفك والتركيب ومرونتها في ذلك .. وخفة الوزن .. وصغر الحجم بعد التسفيط .. أما ملاحظة الإخوان على الخيمة كالقربعة ولعب الهواء بها فهي ملاحظات وجيهة وفي محلها بسبب ارتفاع الخيمة وعدم وجود دعامات جانبية لها كما هي في رواقات الخيام العادية !!!

[الكونترولCONTROL]

خيام المصانع لا تقربها - ان كنت ودك بخيمة ترضي طموحك
=============
عليك بالتفصيل بشكل شخصي - لأن شغل الشركات يعتمد على مواد خام متنوعة
و شغل ما أدري وش تسميه !!!!
رح لأحد محلات تفصيل الخيام في شارع ال 100 ان كنت في الرياض
===============
تفصل خيمة من أبدع ما يكون 3*3 بملغ بحدود 1200 ريال
--------------
و اسأل مجرب و لا تسأل طبيب

[الضاحي]

عليكم بخيام دار الفراسة في الرياض

يفصلون لك العفاريت ويضمنون لك الجودة

[قاصد الصمان]

1- ان لشراع المصنوعة منه خفيف حتى لو كان طبقتين وانت بداخلها ترى الضواء في في خارجها من خلال فتحت في زواياها
2- ان لها اصوات مزعجة وهذه تظهر اثناء اشتداد الهواء
3- الذي يظهر انها لاتصمد امام اشتداد الامطار وذلك لضعف الشراع المصنوعة منه ولايهمك الدعاية التي ابرزتها للناس
والافضل التفصيل عند اهل الخيام
في الغرابي واختيار افضل الشرع لذلك 0

[رامي القميري]

أخوي العيد عز الله انك جبت العيد
الخلل مو في الخيمه الخلل في اللي طاق الخيمه
ياخي الصوره واضحه من خلال تركيبك للخيمه
( خطاء )
طبيعي انها راح تسبب أزعاج
وهذا يتضح في عدم تثبيتك للحبال بشكل سليم
حبال الخيمه يجب أن تكون في محاذاة شراع الخيمه نفسه
يعني عدد الحبال اربعه
في كل زاويه
تشد الحبال بشكل عامودي
وهذه الميزه تعتبر جيده من أجل السلامه
او وجود اطفال وعدم سقوطهم بالحبال البارزه لاسمح الله
نفس الحبال مصممه بشكل دقيق ولكنها قويه جدا


انا عندي خيمة البيرق 4*4
غاطين سهلة التركيب والفك ومريحه جدا
وعمليه


( واللي مايعرف خيمة البيرق ينام برا )

[ونيس البرق]

يمدحومنها والله في شريط المقناص2 ويقولون انه زينه ودافئة

عليك بالتنزانى السقف 407 والرواق 403 وما جاك عندى حفيف ومتينه جدا والمقاس المعقول حق سته اشخاص بالعزبه 5*3

[غارب النملة]

السلام عليكم

نخت هالموضوع من الارشيف بعد مضي من سنتين ونيفا:d

وش رايكم مازال العيب موجود

[big boss]

أخوي العيد عز الله انك جبت العيد

الخلل مو في الخيمه الخلل في اللي طاق الخيمه
ياخي الصوره واضحه من خلال تركيبك للخيمه
( خطاء )
طبيعي انها راح تسبب أزعاج
وهذا يتضح في عدم تثبيتك للحبال بشكل سليم
حبال الخيمه يجب أن تكون في محاذاة شراع الخيمه نفسه
يعني عدد الحبال اربعه
في كل زاويه
تشد الحبال بشكل عامودي
وهذه الميزه تعتبر جيده من أجل السلامه
او وجود اطفال وعدم سقوطهم بالحبال البارزه لاسمح الله
نفس الحبال مصممه بشكل دقيق ولكنها قويه جدا


انا عندي خيمة البيرق 4*4
غاطين سهلة التركيب والفك ومريحه جدا
وعمليه



( واللي مايعرف خيمة البيرق ينام برا )


اوفقك الرأي

[الحرف 1]

اخي اسير الفهد بارك الله فيك ما شكل خيمة الصلال واين تباع

[سحاب الجزيرة]

الأخ العيد
هل أنت متأكد أنك شاد أطرافها, لأن الصورة من جهة السيارة توضح أن الركن غير مشدود بل الحلقة المعدنية فارغة؟؟؟

[ابوعبدالله99]

الي واضح من الصورة
انك مارفعت السقف لأعلى شيء عشان كذا يحركها الهوا
المفروض انك تضغط على الحبل الي في العامود داخل الخيمة برجلك وترفع السقف لأعلى شي تقدر عليه وبتضبط معك

طبعا الكلام هذا من تجربه

[ابوناصر2]

السلام عليكم انا مثلك شريت 3*3 وخذتلك الاهل وغداهم بنتغدى فيها بنجربها وعلى حظي إلاذاك الهوى اللي كل مادقيتها طيرها الهوى وطلعت الطنوب من الرمل (لأن المنطقه رمليه لاولحالي) المهم ربطت الاطناب بوصله من الحبل تقريبا نص مترمن الطنب الى مربط الخيمه وحفرت قبل لادق الطنب مع شد الحبل عشان يثبت ودفنت الاطناب وحواف الخيمه وبذلك تقول وتد مثبت في الارض وهذي صورتها

[ابوناصر2]

http://www.mekshat.com/pix/upload02/images93/mk74367_alberaq.jpg

[livosten]

يعطيكو العافيه على جهودكم

[الواهبي]

البيرق تمام .. انت عندك مشكله في البناء او خلل مصنعي
يمكن إعادتها للمصنع ويبدلونها لك

ابو سياف

[مبارك بن لندن]

سؤال لكل من جرب هذي الخيمة!!!!!!!!!!!!

كيف الخيمة وقت الظهرية إذا إشتدت حرارة الشمس ؟؟؟

هل هي تسخن مثل خيمة التنهات؟؟؟

لأني مجرب التنهات وكانت وقت الظهرية كأنك داخل فرن.