يوسف الخليفة1
01/12/2011, 09:34 PM
بسم الله الرحمن الرحيم
السلام عليكم ورحمة الله وبركاته
سلام يابو عيد ياذيب الاقفار=عسا قطن ودق الركايم سقاها
بشر عساها غدرت فيها الامطار=يرشق عليها النو وانساح ماها
ما شفت قلته نزها من حصا الغار=تسرب قراح الما لذيذن حلاها
تملا الجبو واتروح من بين الاحجار=تلمها صلب الشطاب بحصاها
انت انتهجت امراح ليله عن الدار=سجت خلاوي كل قفرا طواها
توقا عن برد المثاليج بالنار=بالوقده اللي تحتمي من دفاها
ضو النشاما شافها كل سيار=يومي لهبها والجمر في لضاها
عليها دلة هيل والاخرا مسمار=البن الاشقر يصطلي في حشاها
يعزم عليها الضيف والعم والجار=والهاشل اللي ضاوين من خلاها
باوصيك مجاني على غير دينار=من واحدن داج الفجوج ومداها
عليك باصحابك مع دروب الاسفار=ترا غلا الرفقه تجي من رفاها
لا تقصي المزحه على غير معيار=تطيش كلمه حارقه من شضاها
وافرش لربعك في ملاويذ الاشجار=خلك كما الازهار ينسم شذاها
ولا تكثر الشكوا على كل معسار=لا تمسي سواة النضا في رغاها
خلك على عوج المكادير صبار=مثل البليهي غثته ما شكاها
واياك عن نقل الخطا لو هو تهزار=ترا النميمه مزحها مبتداها
واسلم وسلم وانبسط مع هل الكار=عسا السعاده خطوتك في خطاها
يوسف الخليفة ( أبو عبد الله )
السلام عليكم ورحمة الله وبركاته
سلام يابو عيد ياذيب الاقفار=عسا قطن ودق الركايم سقاها
بشر عساها غدرت فيها الامطار=يرشق عليها النو وانساح ماها
ما شفت قلته نزها من حصا الغار=تسرب قراح الما لذيذن حلاها
تملا الجبو واتروح من بين الاحجار=تلمها صلب الشطاب بحصاها
انت انتهجت امراح ليله عن الدار=سجت خلاوي كل قفرا طواها
توقا عن برد المثاليج بالنار=بالوقده اللي تحتمي من دفاها
ضو النشاما شافها كل سيار=يومي لهبها والجمر في لضاها
عليها دلة هيل والاخرا مسمار=البن الاشقر يصطلي في حشاها
يعزم عليها الضيف والعم والجار=والهاشل اللي ضاوين من خلاها
باوصيك مجاني على غير دينار=من واحدن داج الفجوج ومداها
عليك باصحابك مع دروب الاسفار=ترا غلا الرفقه تجي من رفاها
لا تقصي المزحه على غير معيار=تطيش كلمه حارقه من شضاها
وافرش لربعك في ملاويذ الاشجار=خلك كما الازهار ينسم شذاها
ولا تكثر الشكوا على كل معسار=لا تمسي سواة النضا في رغاها
خلك على عوج المكادير صبار=مثل البليهي غثته ما شكاها
واياك عن نقل الخطا لو هو تهزار=ترا النميمه مزحها مبتداها
واسلم وسلم وانبسط مع هل الكار=عسا السعاده خطوتك في خطاها
يوسف الخليفة ( أبو عبد الله )