قــَـدّّر الله

[مُحِبّ الkل]

أخواني وحبايب القلب
مرتادي مكشات
أسأل الله لكم السعادة دائماً وأبداً
وحبيت أشكو لكم مشكلتي والشكوى لغير الله مذلة ولكن الواحد ماله إلا ربعه وإخوانه
المهم قدّر الله علي
واشتريت كاميرا كانون 600 دي بعدسة 18- 135
وقلت باسوي البحر طحينة وصرت أدور في المنتديات كيف أصور وأتبطح يمين وشمال واقرب وأبعد عشان أصور صور حلوة وأصبت بإحباط كأني ما أصور الا بكاميرة جوال ماعرفت استعمل الكاميرا وقلت ليتني بقيت ع جوالي وتصويره
فتكفون اللي عنده شي بيفيدني أكون له شاكر وممتن
قبل ماأفقد أعصابي واضرب بالكاميرا جنب الجدار
واشتري راحتي ويادار مادخلك شر
ولايجيكم ان شاء الله
محبكم : مــُــحِب الkل

[o3oon]

تفضل أخوي
هذا كتالوج كاميرا D600 عربي
http://www.mediafire.com/?cpjdlnajj240j77
أن شاء الله يفيدك..

[مُحِبّ الkل]

أخي الكريم : o3oon (http://www.mekshat.com/vb/member.php?u=204226)
الله يعطيك العافية وياليت من لديه أي معلومة تفيدني لايبخل علي
والله يرضى عليكم دنيا وآخره

[حبل الوريد]

يعني وش وش المشكله بالضبط
مكان اتخاذك للزوايا ولا ايش بالضبط

[accentkool]

انا مثلك في بداااياتي
وكااامي نفسك تصدق 600d
بس الان الكاام هذا عشقي
ومافرط فية ابد واعشقة بجنون
مشكلتي اني شريتة قبل لاينزل السعودية
طالبة من امااازون وكلة استفساارات
ولاحد فاااهم لة ولاحد يعرفة
خخخخخخخخخخخخخخخخخ

[الفرسان2000]

الله يكون بعونك
ولا عندي علم

[ابوعابد 111]

هلا فيك ياخوي
انا والله مثلك بدايتي مع التصوير كان صعب الامر بالبدايه بعدين مع الممارسه واللخبطه بالاعدادات بديت اتعلم شوي شوي
وانصحك انك تدخل مواقع تصوير مثل اصدقاء الضوء وفيلكر وتبي تستفيد انشاء الله وحاول انك تشوف صور واجد عشان تتعلم
وخذها قاعده بالبدايه كل500صوره تبي تطلع صوره واحده احترافيه وبعدين كل 150 صوره وكذا تبي تنزل الا ان تصير من كل 3صور صوره احترافيه وكل المحترفين ماطلعو كذا
والله يوفقك تقبل مروري

[العامري 1]

اخوي الغالي موضوعك بسيط جداً والحل في يدك ايه نعم الحل عندك

للمعلومية نسبة نجاح الصورة 80% عندك و 20% في الكميراء

والكميراء دي 600 ماعليها كلام عندي مثلها شريتها وانا من جنبها في التصوير

والحين ما اقولك محترف بس ماني بعيد وإذا ودك تصير محترف عليك با الطلاع

والقراءة ثم القراءة والمواقع اللي ذكرها اخوانا ابو عابد راح تفيدك وكذلك الكاتلوج

بعدها حاول تتطبق ما قريته وصدقني راح تذكر موضوعك هذا و :D:D:D


تقبل مروري وتحيـــاتي

[تناساني]

احب اقولك ان الي يصير لك شي عادي
ادخل وتابع الدروس والشروحات
وطبق ورشات تصوير
ووقتها راح تتعلم

لكن كم المده الي تبي تتعلم فيها.. !!!
يعني يكفيك يومين او اسبوع ( لا )

يبي لك شهر إلى شهرين عشان تتعلم على الخصائص و الميزات و الوضيعات لكل منظر.
وتقسيم المنظر على الشاشه للتصوير وكذا

يعني الي يصير لك من احباط و تصوير سيء ( عادي يصير لجميع ملاك الكاميراا الجدد )
وقلت لك عشان تتعلم يبي لك فترهـ لاتقل عن شهر إلى شهرين
وأول الأيام او اول اسبوعين بيصير كاره الكاميرا ماتعرف فيها شي هههههههه < صارت له.

بالتوفيق لك ولا تيأس عادي الي يصير لك

[omar salman]

وعليكم السلام ورحمة الله وبركاته
الي عنده أي مشكلة في التعامل مع الكام
ويبي أسرع طريقة ليستفيد من هذه الكام
ومن مزاياها الرائعة
يجي على الخاص .

وهنا آخر مشاركة لي وكانت
بنفس الكام ونفس العدسة :

http://www.mekshat.com/vb/showthread.php?t=465164 (http://www.mekshat.com/vb/showthread.php?t=465164)

[مُحِبّ الkل]

الله يحفظكم لكن مع الأسف
مشاركاتي ماتسمح لي بالخاص

[ابو محمد 276]

محب الكل وين موقعك اي بلد

[ع ـآيش بذكرآإآك]

ما عليك اخوووي كلنآ بالبدايه كذا
لان يبيلك تتعلم وش فايدة الشتر وفتحة العدسة والايزو
وهي مع الايام بتصير سهله
وانصحك تشووف ع اليوتيوب برنامج
(( دقائق فووتوغرافيه ))
له اكثر من حلقه ويفيدك ان شالله

ودمت مبددع

[sayang]

تعلم الاساسيات اول شي و الباقي راح يجي معك

[مُحِبّ الkل]

محب الكل وين موقعك اي بلد

الله يحفظك أنا بجدة أم الرخاء والشدة

[حمد القينان]

آعجبني آنك تصور آلبحححر طحينه ههههههه


بآلعكس آخوي يبيلك صبر ومو كل مره تضبط آلصورة لآزم تكررهآ آكثر من مرهـ

وآن شآء آلله تضبط معك

[حمد القينان]

شوف هالفيديو يشرح طريقه التصوير اللي تبيهآ

آنآ مشآرك بقنآتك ودروسه حلوة وسهله جدآ ويخليك تفهم غصب

http://www.youtube.com/watch?v=JepuKlmbzvI&feature=related

[مُحِبّ الkل]

شوف هالفيديو يشرح طريقه التصوير اللي تبيهآ

آنآ مشآرك بقنآتك ودروسه حلوة وسهله جدآ ويخليك تفهم غصب

http://www.youtube.com/watch?v=JepuKlmbzvI&feature=related


هلا بك أخوي حمد القينان
تصدق تبطحت ع بطني في الصالة من الضحك
ذكرتني بموقف في دولة خارجية تتحدث بغير العربي
واحتسنا نبغى نعرف براد بالانجليزي جتنا خرمة شاهي وماعرفناه وحنا أربعة
آخر شيء رسمناه وقلنا للرجال بالإشارة جب زيه
تجي تعطيني ذا المقطع كله انجليزي
لا بالله أبشر باني أاهج من صدق
أسعدك الله كما أسعدتني
لك :good2:

[ناصر]

الله يكون بعونك اخوي وربي ضحكت من قلب الله يسعدك

بس بقول لك بعض الاشياء
الكاميرات الاحترافيه ... تعني ان المصور على الاقل عارف اربع اشياء او قراء عنها مثل
1.فتحه العدسه
2.سرعة الغالق
3.حساسيه الصورة Iiso
4.ألاضائه

بعدها ينطلق في عالم التصوير

اذا لم تتم معرفة هذه الاشياء وشريت كام احترافي
رح تقع في مشاكل التصوير لكن الكاميرات الاحترافيه تنبهت لهذه المشكله
ووضعت زر ( اوتو) اضغط وصور لكن الاعدادات لاتزال كبيرة

والافضل لمن لايعرف التصوير يأخذ كام اضغط وصور غير احترافي

ربي يوفقك

[مُحِبّ الkل]

تسلمون ع المرور
وإن شاء الله أكون عند حسن الظن بكم