مشاهدة النسخة كاملة : مساعده في طرمبة بنزين شروكي 91
شروكي ازرق 91
02/12/2011, 02:43 PM
بسم الله الرحمان الرحيم
السلام عليكم ورحمة الله وبركاته
كيف حالكم يا اعضاء المنتدى المتميزين
ندخل في صلب الموضوع
ابي طرمبة بنزين شروكي 91 بديله
لان غيرتها من نوع بوش وخربت بعد 3 اسابيع
ملاحظه: الطرمبه حجمها كبير اكبر من الي تكون في الموديلات 94 وطالع
وهدي صوره توضح الحجم
http://store2.up-00.com/Dec11/qY725662.jpg
فياليت منكم يالنشاما تشوفون لي طرمبه بديله تكون قويه
لان بصراحه كنت خايف اركب الطرمبة الثانيه بسبب حجمها الصغير
moooj
02/12/2011, 03:09 PM
شف وانا اخوك
هذي الطرمبة الأصلية نفس طرمبة الرانجلر (الكبيرة) وعانيت منها كثير لدرجة اني ركبت طرمبة مرسدس خارجية من كثر ما تخرب علي .
كانت بداية المشكلة من شريت السيارة م1992 رانجلر وكانت عليه طرمبة فورد وكل شوي والموتر طافي ومسفط وارجعه البيت على سطحة
قررت اركب طرمبة VX-r وكأنك يابو زيد ما غزيت , نفس المشكلة
قمت ركبت طرمبة المرسدس الخارجية , وفي نفس الوقت ركبت طرمبة الجيب الأصلية (تشليح) داخل التانكي بالعوامة , ومن يومها ما عاد طفت السيارة (يعني ما احتجت الطرمبة الخارجية الا مرة واحدة )
رقيت قص وكنت مسرع وطب الموتر بقوة وطفا , قمت شغلت بالطرمبة الأحتياطية ويوم وصلت البيت عملت الآتي:
فكيت كل الكتاوت من علبة الفيوزات الي بالكبوت وفتحت السوتش لكد ما تولع لمبات الطبلون وطفيت السوتش 3 او 4 مرات ورجعت ركبت الكتاوت ودقيت سلف الا والموتر شغال والحمد لله ومن يومها ما اشتكيت.
ومن التجارب السابقة لاحظت :
الطرمبات الي غيرتهم اكتشفت انهم شغالين ولا بهم شيء (الفورد والفكس)
غالبا المشكلة بسبب عدم تحمل الكتاوت الأصلية لطرمبة اخرى (بغض النظر عن الحجم) وانما القدرة او الجهد
غالبا ما تكون المشكلة بسبب سوء توصيلات الكهرباء او زيادة الحمل على الكتاوت
لاحظ لمبات وامبيرات الطبلون تشتغل اذا فتحت السوتش او لا (مثل البنزين ,الحرارة,البطارية ... وغيرها)
اذا ما تشتغل فهذا يعني مشكلة كهرب وليست من الطرمبة
هذي خلاصة تجربتي والله اعلم
شروكي ازرق 91
02/12/2011, 06:33 PM
تسلم والله اخوي moooj على الاستجابه السريعه
وما قصرت وانا خوك
ننتظر باقي الاعضاء واهل الخبره ممكن يفيدونا بنوعيه مشابهه للطرمبة الاصليه او قريبه منها
لان ما ودي اشتري وحده ثانيه بـ 480 ريال وتضرب في وقت قصير
وتعرف هالجو هالحين ودك يوميا تطلع البر وما ودي تمشي هالايام الحلوه للبر بدون ما اطلع طعوس
نبي نحلل الشتاء قبل لا ينتهي
المنطلدز
02/12/2011, 09:10 PM
الله يعينك وان تسانك تتبيعه علمن
شروكي ازرق 91
03/12/2011, 03:27 PM
حياك يالمنطلدز
اخوي moooj
فيه مره كنت اشيك على فيوزات الشروكي وصار لي مثل ما قلت تفتح السلف ما تولع لمبات التشيك انجن وغيرها وكنت احرك في الاسلاك والوفيوزات اكثر من مره ورجعت المبات تشتغل مثل قبل
الشي الثاني لما رحت للمحل الي اخدت منه الطرمبه قال مستحيل تخرب هالطرمبه لانها من بوش وسعرها غالي ويقول المفروض تضعف بعدين تخرب وهدا يبي له وقت طويل ويقول اكيد صابها كهرب زياده او ماس كهربائي
الشي الثاني والاهم بعد ما فكيت الطرمبه الجديده الخربانه جربت اشغلها تطلع صوت طقه (تك) ولا تتحرك التروس الي داخلها بعدين ضربتها في الارض ما نفع بعدين رشيت داخلها دبليو دي فورتي (wd40) واشتغلت بس خايف اركبها وترجع مره وتعال جيب سطحه واسحب الموتر
ايش نظرتك في هالموضوعين.....؟؟؟
omarx5
03/12/2011, 03:33 PM
طرمبه البي ام دبليو نفسها وتركب تماما
شروكي ازرق 91
04/12/2011, 03:34 PM
حياك omarx5
كم رقمها او الموديل وحجم السياره
حقت 500 ولا 700 ؟؟؟
اتمنى تعطيني كل شي عنها حق على طول اروح للمحل واطلبها
ما نبي الموتر يظل واقف
وتسلم يالحبيب على الرد
omarx5
04/12/2011, 03:42 PM
خذ القديمه لمحل قطع الغيار وقوله اريد مثلها
omarx5
04/12/2011, 03:43 PM
وعلى فكرة الفورد مثها ايضا
شروكي ازرق 91
06/12/2011, 10:37 AM
ما قصرت omarx5
الله يرحم والديك على التجاوب السريع
الاربعاء انشالله اروح للمحلات واسأل وارد عليكم انشالله بالاخبار الطيبه
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir