البر والترامس وعادات اهل الجزيرة !

[لبدة حائل]

http://kashtah.com/data/media/2/16.GIF


السلام عليكم ورحمة الله وبركاته

كيفكم شباب

فيه موضوع يتردد في ذهني وسؤال محيرني كلما شفت تقرير لطلعة بر ( قيلة ) هنا في مكشات.

وهو اخذ صلاعات الشاهي والقهوة معهم للبر !

انا الصراحة اول ما اشووف صورة الصلاعة او الترمس اتنرفز واقفل الموضوع لانه البر ما يكمل الا بشبة النار والمعاميل وزل القهوة وتلقيمة الشاهي والقدوع

ثانيا الدلة هي رمز من رموز العرب في شبه الجزيرة قاطبة وسلم من سلوم العرب واستبدالها بالترمس او الصلاعة يفقدها موروثها ورونقها

انا بالنسبة لي حتى بالبيت استعيب اقدم لضيفي القهوة بالصلاعة حتى لو كان الضيف اخوي

ثالثا الصلاعة تفقد القهوة والشاهي طعمه الحقيقي


انا هذا رأئي


وأريد ارائكم

[سليمان الربيعان]

انا ايد كلامك 100% بس بعض الحين تطلع تمشية ما يمديك تجلس الا وانت رايح من مكانك
والا القهوة والشاهي مامثلة بالدلة وابريق اوه يعدل المزاج
تقبل تحياتي....

[أبو علوى]

يا عَاملِينْ البنّ وَسْطَ التَرَامِيسْ
**لا تَقْطَعُونِهْ من حَشَا مِرْضعَـــــــــــــاتِهْ


رُدُّوه لأمَّات الخْشُوم المِقَابِيسْ
**صُفْر الدلال اللي عَلِيهَا حَلاتِــــــــــــــهْ


مَا عَاد شِفْنَا البن وَسْط المَحَامِيسْ
**يَحْمِس وصَوْت النِّجْر طَوَّلْ سكَاتِهْ

بالنسبة لي معاميلي زاهبة من هذي و الحمدلله لكن بعض المرات ما يكون أحد معي يضبطها و أنا متكيسل بعد فالله يعز الترمس يعني مثل ما تقول مسكات

[wrs3975]

أشكرك على هذا الموضوع الجميل .... حلاة البروالكشته شبة النار والجلسه والمعاميل حولها من دله وإبريق وخلافه أما الترامس تصلح لواحد عنده دوام ولا مسافر ولا عزابي ..... شكري وتقديري لك وللجميع

[أبوعابد 22]

وشوله اطلع البر اذا باخذ معي ترمس اقعد في البيت احسن
ويالبا البر لين جتك المعامل الدله رسلانيه والبريق غضار والمعاميل
هذا الي يسمى كيف

[ابورايف]

موضوع جميل جداً
هذة العادة أنتشرت في وقتنا الحالي
نجد البعض يحمل معة الترمس ,الزمزية (الصلاعة)
البعض معذور والسبب أذا كانت الطلعة الكشتة بها صغار يشغلونك أو فيهم ربو طبعاً بهذا سوف تمتنع عن الشبة أي (تعديل المزاج)
تجد الطلعة التي يمتنع فيها الشبة
أما وقتها قصيراً نصف ساعة أو ساعة بالكثير
وبهذا لا يسمح الوضع بالشبة
وعكس ذلك
أذا كانت الطلعة مدتها طويلة مع رجال شرواء من يقراء فمن المؤكد لا بد من الشبة
أكرر شكري لك
تقبل مروري وردي

[الخلااوي]

عزالله انك صادق

[الضيق]

الترمس طل عمرك اذا بغيت ترجع للبيت

صب قهوتك وشاهيك بالترامس

لان اللي على حطب طعمها غير شكل

وياجيت البيت تفنجل على فراغتك..

[المهاجر انا]

نعم كلامك صحيح

[ثعل البرد]

لكل كشتة ظروفها .. فربما يكون مخطط للكشتة أن تكون قصيرة مثل طلعة عصرية والعصر في أيام الشتاء قصير

ولذا تجد البعض يآخذ القهوة والشاي من البيت لكي يستمتع بالجلسة أكثر خصوصا إذا كانت الرحلة مع الأسرة والأطفال

أما إذا كان التخطيط لرحلة لمدة ساعات فهنا الأفضل شبة النار وتجهيز القهوة والشاي في البر

المهم في الكشتة .. الوناسة .. حتى لو ما فيه قهوة وشاي :D

[ولد روووق]

هي فضيحة بس لابد منها

[umsalem7]

شكرا لك اخي على الموضوع

[محطم عنيد]

فيه طلعتين

مكشات : وذي لزوم العزبة والذبيحة وإلخ

وفيه

مسكات : يعني تسكيتة عن اللي فالنفس لعدم التفرغ تطلع لك عصرية ولا فترة ثم ترجع ف تاخذ معك زمزميات وسنكرس بعد هههههههههههه

[Red falcon]

الصلاعة
من 20 سنة ماسمعت هالكلمة :)

حياك الله
صحيح بالبر أويدك على ذلك
لكن للمسافر او للمستعجل الصلاعة أحسن
الصلاعة لمن لايعرفها هي ( الزمزمية )
وتسمى أحيانا الترمس وهذه تسمية عامة لكل مايحفظ البرودة والحرارة
سوا حفظ ماء أو شاي أو غيرها
وتسمى البراد وهالتسمية أخذناها من المصارية
و مدري ليش يسمونه براد وهو يحافظ على الحرارة :)

[ALZABEN]

صراحه كلامه جميل ويشكر عليه ولكن الوقت تغيير :f