لخبراء القصبات :-)

[جنوبي الهوى]

السلام عليكم ورحمة الله وبركاتة :)



سؤالي: عادة في الحداق استخدم الجله ( الدرية ) وحاولت استخدم سنارة مره ومرتين وكل مره اشتري يااخوان تعبت نفسيا منهم , بعض الاحيان الخيط مايروح يعلق بالمكينة وبعض الاحيان السنارة ما تسحب يعني بالعربي النوع فاشل 100% مع اني شاريها 250 ريال . قررت ارجع اشتري سناره وابي شوركم عاد في نوع القصب ونوع المكينة وادري ماراح تقصرون معاي طبعا الحداق يكون من السيف . وياريت تكون فيه صور حق السنارة عشان يطمئن قلبي واروح اشتريها .



شاكر لكم أحبتي
أخوكم جنوبي الهوى :good2:

[آيفون مكشآت]

هلا بك يا اخوي
هذا افضل نوع بالسوق ولك وللزمن
ورح تدعي لي ان شاءالله خذها وتوكل على الله

القصبه تكون رويال ( مقاس 4:50 )
والمكينه بينكس 7000 كوري

وهذي صور لها عشان تتاكد
والحمد لله انا استخدمها من 3 سنوات وماشاءالله تبارك الله
في السحب والقوه الخفه والرمي لمسافات هائله لا يعلى عليها ابد
ولا لها شبيه من واقع خبره بجميع انواع القصبات والمكاين
سعر ( الرويال تقريبا 150 ريال )
والمكينه حاليا سعرها قد يكون من 230 ريال يزيد ينقص الله اعلم
لانه من زمان ماشريتها بس كنصيحه لا تدور بديل غيرها


http://www.mekshat.com/pix/upload05/images234/mk220884_oooo.jpg


http://www.mekshat.com/pix/upload05/images234/mk220884_hhhh.jpg



لا تحرمني من دعواتك الصادقه

تحياتي

[د.فادي بوعادل]

فعلا أخي الكريم البانكس والديوا والفايكنج من افضل المكائن كل حسب ميزانيته اما القصبات عندك الgmcالزرقاء مش الحمرا وتلاايها عند محل اسمه عرفه في سوق السمك بالخبر ال5متر ب230 ريال والبايلوت ايضا ممتازه والرويال بس كل حسب ميزانينه والمكائن اللي يصيد فيه يعني من قارب ولا شاطئ ولا من فوق جسر وده يختلف فيه طول القصبه ودي أفيدك باكثر من كده بس هي دي معلوماتي وانشاء الله الاخوة يفيدوك

[السهران1]

ما قصروا الاخوان ما عندي شي ازود عليهم بيض الله وجيهم
غير اني ادعي الله لي ولكم التوفيق وان يرزقنا الله جميعا . آمين

[صياد متهور]

وعليكم السلام ورحمة الله وبركاته
كلام اخوي ايفون حلو رويال انا سامع عنها بس انها ما عندنا بالشرقية
والبنكس ممتازة هدي ال اس تي ممتازة
بس ادا سعرها 230 غالية انا اخبرها 135
بالتوفيق فالك الرزق الطيب

[جنوبي الهوى]

آي فون مكشات :good2:
ماقصرت يالغالي اشكرك جدا افدتني كثير وشوي انشالله طالع ومشتريها ..

د. فادي :good:

شكرا اخي على الإضافات وراح اسئل عن الفروق انشالله بين القصبات لاني ناوي ادخل فهالمجال تعبت من الجله .

اخوي السهران :)

آمين انشالله ويوفقك يارب ومشكور على المرور اخي الكريم .

صياد متهور
فالك الطيب يالغالي وماقصرت :)


تمنايتي للجميع بالتوفيق انشاءالله :good2:

اخوكم : جنوبي الهــــــــــــــــوى

[ABO ZAIN 29]

هلا بك يا اخوي
هذا افضل نوع بالسوق ولك وللزمن
ورح تدعي لي ان شاءالله خذها وتوكل على الله

القصبه تكون رويال ( مقاس 4:50 )
والمكينه بينكس 7000 كوري

وهذي صور لها عشان تتاكد
والحمد لله انا استخدمها من 3 سنوات وماشاءالله تبارك الله
في السحب والقوه الخفه والرمي لمسافات هائله لا يعلى عليها ابد
ولا لها شبيه من واقع خبره بجميع انواع القصبات والمكاين
سعر ( الرويال تقريبا 150 ريال )
والمكينه حاليا سعرها قد يكون من 230 ريال يزيد ينقص الله اعلم
لانه من زمان ماشريتها بس كنصيحه لا تدور بديل غيرها


http://www.mekshat.com/pix/upload05/images234/mk220884_oooo.jpg


http://www.mekshat.com/pix/upload05/images234/mk220884_hhhh.jpg



لا تحرمني من دعواتك الصادقه

تحياتي



كلام 100٪
ما عندي زياده
موفق ي جميل

[accentkool]

الجي ام سي احسن القصباات اللي بالشرقية ولها عشاااق كثير
والبااانكس 7000 ماايحتتاااج اكثر الحداااقة يملكونها اذا ارتفع سهرها تكون 150 رياال

[الوحش79]

افضل الانواع حسب استخدامي لها منذ اكثر من 15 سنه
هي كالتالي:

1- الشينا وهذي مافي منها بالسوق انقطعت منذ حوالي 4-5سنوات
2- الجي ام سي(جمس) الزرقا افضل ثم الحمرا وافضل طول لايتعدى 5 متر والباقي تريقه
3- البركودا السعر غالي
4- المتشل الحمرا وحلقاتها ستانلستيل ( وليست الصب فهي تجاريه) وهذي تجي 3ونص متر

بالنسبه للطول هو 5 متر الحد الاعلى اللي انصحك فيه

اما بالنسبه للمكائن فالبانكس الكوري 3000 - 4000 7000 مفضله عند الجميع ولتوفر قطع لها
ويفضل النوع القديم منها

اما باقي المكائن فيفضل ان يكون عدد البول من 4 وفوق وعدد البيرنقات لايقل عن 2وحجمها لايكون صغير ويعتمد على طول القصبه وهنا لايهم نوع اللمكينه اذا كان البيرنق 2 مثلا والبول 5 مثلا فهي قويه وتتحمل

وللحفاظ على المكينه والخيط انصحك بعد كل طلعه تغسل المكينه مع الخيط بالماء الحلو الصالح للشرب
ايضا لاتدع المكينه تلامس الرمال في كل طلعه

والله يوفققك بالطريقه الصحيحه في الرمي