المساعد الشخصي الرقمي

مشاهدة النسخة كاملة : صوت في الدبل .. تويوتا لاندكروزر


الشهابة
03/12/2011, 01:38 PM
السلام عليكم ..

المشكله في لاندكروزر موديل 99 VX-R

القير تماتيك و الدبل الخفيف زر و الثقيل تعشيق

السياره يطلع منها صوت في الدبل اذا تعدت السرعه 80 كلم

بعد فحص الزيوت لقيناها ناقصه وتمت الزياده و ما تغير الوضع ..

هل يحتاج تغيير او توضيب او اصلاح ؟

وش نوع المشكله .. و وين الورش الممتازة لفحص الدبل و صيانته ؟

مع الشكر مقدماً ..
الشهابة
04/12/2011, 01:54 AM
يرفع للبحث عن إجابة ..
رفيع المقآم
04/12/2011, 02:10 PM
طيب ارخص حل

فك عمود الدبل وشف

اذا اختفى الصوت اعرف انه من الدبل

يالعامود او الكارونه او العكوس وزي هيك

بالتوفيق ياغلاهم
الشهابة
04/12/2011, 08:57 PM
فكينا العمود يا الغالي و لا راح الصوت ..

فحصنا العكوس و قالوا سليمه ..

بس سالفة الكارونه ما بعد جيناها ..

تشكرات يا الغالي ..
الغلا كوم
04/12/2011, 09:57 PM
اذا مركب فرار شيك علية يالغالي

والحنة يالغالي دايم في راس العمود اغلب شي

زي ماتفضل اخوي
(((.ابوتميم .))))
04/12/2011, 10:32 PM
ترا المفروض والي انا اعرفه الدبل الخفيف لاتعدابه سرعه 80 والثقيل 40
شيك على الكتاب الي في الدرج والا دور في المنتديات عن الدبل وطريقه استخدامه
وبيفيدك الموضوع هذا http://www.mekshat.com/vb/showthread.php?t=354233
الشهابة
05/12/2011, 08:15 PM
اخوي الغلا كوم ..

شيكنا على العمود كامل قلنا يمكن يبي له ترصيص و الا خرط و الا اصلاح و الا شي و طلع سليم مافيه الا العافيه .. و الجيب مافيه فرارات على شد وكالته .. الله يعين و عسى الله يهونها اكلتنا الورش كل يوم فحص و لا احد عرف علته ..



اخوي ابو تميم ..

الدبل الخفيف زر و مشبوك على طول و اذا تعديت 80 يفصل من حاله .. و لكن المشكله الصوت يزيد قربعه اذا فصل الدبل و تعديت 80 ..
ابن العميد
06/12/2011, 12:44 AM
انصحك تروح للوكالة تشييك فقط ، لتحديد السبب
وليس بالضرورة اصلاحها عندهم

وترى لو رفعت السيارة عند مهندس مختص
يمكن يتعرف بسهولة
( مع التنبه الى مخاطر تشغيل السيارة وتجربتها وهي مرفوعة )
مجنون عسل
06/12/2011, 02:45 AM
شف عزيزي الله العالم انه مشكلتك حلها عندي والمثل يقول اسأل مجرب ولا تسال دختور
اتوقع الله والعلم المشكله في برنقات العكس حق الهوب يحتاج الى تغيير او تشحيم
اقرب ورشه يرفع السياره من قدام ويتاكد لك
اتمنى اني افدتك ولك فائق تقديري
الشهابة
06/12/2011, 12:16 PM
اخوي ابن العميد .. فكرت و الله اروح لشركة البازعي للفحص و التشييك و لكن بعد الاتصال عليهم قال زحمه و ممكن الفحص بس ياخذ يومين او ثلاثه و السعر 300 ريال فحص فقط بدون إصلاح .. و شركة عبداللطيف جميل شايلها من راسي نهائي بعد تجربة اقل من سيئه !! .. و اشكرك على النصيحه و التنبيه ..

.....

اخوي مجنون عسل .. يا رب عسى حلها يكون على يدك بإذن الله .. و جاري السؤال عن ( برنقات العكس ) و طريقة فحصها و إصلاحها و تكاليفها .. و عسى الله يكتب اللي فيه الخير بإذن الله .. شاكر لك عزيزي
جي اكس ار2000
06/12/2011, 06:33 PM
اذا انت حول القصيم اذهب لورشة الهبيش بخضيراء ودمت بخير

نصيحه لاتستعجل
الشهابة
07/12/2011, 01:56 PM
اخوي جي اكس ار 2000 .. و الله ياليت الوقت و الظروف تسمح بالوصول للقصيم ..

و اذا ما اراد الله و لقينا الحل في ورش الرياض .. بنرسلها للزملاء الاجاويد في القصيم للورشه المذكوره ..

شكراً
عبدالله المطيري
08/12/2011, 09:56 PM
هذي رمانات الفلنجة الامامية تجي يمين ويسار
رحال7
09/12/2011, 12:06 AM
ليش تشبك الدبل الخفيف دائما؟؟ ليشحطو الزر؟

احتمالى رمان بللى كما تفضل الاخوان
الشهابة
09/12/2011, 01:21 AM
اخوي A1B22 .. السيارة الآن في الورشة للصيانه الكامله و بنفحص رمانات الفلنجات بإذن الله .. شكراً

اخوي رحال7 .. الدبل الخفيف مشبوك على طول ويفصل اذا تعدت السيارة سرعة 80 من وكالته و السياره كذا و سبق و ان تمت المحاوله لتركيب فرارات و فصل الدفع الرباعي المستمر و لكن مانجح الموضوع .. شكراً
مجنون عسل
09/12/2011, 07:12 AM
طمنى ان شاء الله لقيت المشكله والا لسه