افضل مكان تتوقعون يطلع فيه الحيا نبي رايكم مهم

[>>بارق الرمله<<]

السلام عليكم ورحمة الله وبركاته
مساكم الله بالخير
نبي رايكم يا جماعة الخير انا ان شاء الله ناويين نضهر حلالنا شمال وخاصه شمال شرق الرياض يم المناطق ذيك في رايكم افضل الامكان الي تتوقعون يضهر فيها العشب ويتوفر
نبي مساعدتكم لأنا بنجي من مكان بعيد
والله لا يهين الجميع:) :)

[تيربو المطيري]

افضل شي بعد الارطاويه وتروح يسار حول نقا الامغر ديرت حلال صح لكن المورد الماء بعيد شوي 30كيلو

[سمو السفير]

يا رياجيل ماهنا ربيع

والله انا توي جاي من امير الرياض

ماليقت ما اوكل فيه حلالنا يا جماعة الخير ما عندكم سلف فلووووس ب 500 ريال حق البرسيم ولا الشعراات

حتى مكدوووويززز ارتفع سعرااات المولاااات البقرار رر كلش ارتفع يالله لا تغضب علااانا بس

انتم عاينتم خفراااني

[مراقب الصيد]

النعيرية وقرية العليا وحول هجرة حنيذ

[السبيعي 503]

الله يطررح الخير في كل خد وديرة

انا اتوقع أول شي الارطاوية والدهناء اهل الحلال ماشاء الله مبسوطيسن هنااك

وأناا توني جاي من عند الحلال يعطونه كيسين شعير بس والي يبي العاذر بيلقى خير

[م العجمي]

المطر من فضل الله جزل

والي عندي علم عنه ان وادي العجمان سايل من اوله الى اقصاه

والربع مشتين على جويات الهمل

والقيعان كلها مسس ومنابت عشب من الصمان الين تحول على الوادي وانت في منابت عشب

ان الله رزقنا بالدفاء عقب هالامطار ابشر بفوعة العشب وجعل ربي يلحقه بـ مطر

يعزز له , والتوفيق من الله سبحانه الله يرزقنا بالمرباع الطيب يفكنا من مشترى هالاعلاف الي كلفت على خلق الله

[هواي الدهناء]

عندك الصلب والصمان بيجي قيها خير والدلليل ظهور الباذر

[رياض بن فهد]

الصمان وحفر الباطن وقرية العليا

[ذئب نجران]

عريرة والثمامة

[شاعر وحساس]

اليوم كشتنا انا والعائله جنوب تمير

الباذر تشوفه لكن ماهو بهاك القوه سبحان الله

مالك الا الدهناء او يم الاارطاويه

[جويات الهمل]

والله يابارق الرمله اذا تبي الحيا والرعي

على ماضن حسب نكك انك بتجي من الرمله

الرمله وانا خوك فيها العبله اللي كنها برسيم

وعندك الزهر

وعندك الحاذ

بس عيب الرمله الماء هو اللي يقطع قلب الناقه والوايت

لكن بالنسبه للخدان الشماليه

عليك بجويات الهمل حتى لو مافيها شي

لانها ارض ناقه والناقه مايشين خاطرها بالجويات
وارض شرحه ووسيعه وان كان تبي تبي الميراد

مايبعد منك الا حدود 8 كيلو

الديار قريبه منك

ورمثها طيب

وعلومها كلها طيبه
فيها الرمث وجايها سيل

والله يجيب الخير

ودمت بود

[ذيب مجزل]

بسم الله اقول الصمان وجيانه مافيهن كلام
سايلات والله يطرح البركه

[>>بارق الرمله<<]

الله لا يهين الجميع ويجزاكم خير
على كل حال

[>>بارق الرمله<<]

والله يابارق الرمله اذا تبي الحيا والرعي

على ماضن حسب نكك انك بتجي من الرمله

الرمله وانا خوك فيها العبله اللي كنها برسيم

وعندك الزهر

وعندك الحاذ

بس عيب الرمله الماء هو اللي يقطع قلب الناقه والوايت

لكن بالنسبه للخدان الشماليه

عليك بجويات الهمل حتى لو مافيها شي

لانها ارض ناقه والناقه مايشين خاطرها بالجويات
وارض شرحه ووسيعه وان كان تبي تبي الميراد

مايبعد منك الا حدود 8 كيلو

الديار قريبه منك

ورمثها طيب

وعلومها كلها طيبه
فيها الرمث وجايها سيل

والله يجيب الخير

ودمت بود
انت صادق لكن سبحان الله ذا الزمان ما جانا شي الله يطرح الخير وذبحتنا ذا الاعلاف وودنا نشد لمكان الحيا فيه واجد وزين نقلل الصرفيه شوي
والديار ذيك يمدحونها جاااها خير ذا الزمان الله يطرح الحيا والخير