معن بن زائدة
03/12/2011, 08:42 PM
السلام عليكم ورحمة الله وبركاته
القصيدة هنا صوتية
http://www.youtube.com/watch?v=bGq8sXGZZN0
ابدا بذكر مقدر الكون تقدير=اللي كفل للعبد رزقه وماله
ميسرٍ للعبد كل المعاسير = ومفرجٍ حال الذي ضاق حاله
سبحانه المعبود رب التدابير= ما خاب عبدٍ فالشدايد لجا له
اللي جعل جنات عدنْ لْهل الخير=والهاويه للي مشى في ضلاله
جل وتعالى فجر والظهر وعصير=وفي كل حزه جل ربي جلاله
الحمد له منشي المزون المزابير=اللي من المنشى تزبر خياله
وارزم وسمى وانتهض دون تاخير=وأسقى ثرى نجدٍ وروى حلاله
من نعمة الوهاب جزل المقادير=إليا منح ما يمنح إلا الجزاله
أنعم علينا بالمطر والمسافير=من يوم شهر الحج شفنا هلاله
وأصبح لنا عيد الضحيه تياسير=واستبشروا به فالجنوب وشماله
لا والله ألا بشر الوسم تبشير=والوقت عقب الغيث روّح مجاله
وريح الخزامى والنفل والنواوير=فاح بفضا نجد العذيه وجاله
لا والله ألا حان وقت المشاوير=ومقابل الجدران حان ارتحاله
مرت على نجد العذيه تغايير=خلت كثير الهم يرتاح باله
يا صاحبي ما عاد فيها معاذير=وما عاد لي مقعاد حيثه جهاله
بالله يا نياف يا ابن المناعير=أهل الوفا والطيب وأهل الشكاله
يا خال مالي في البشر غيرك مجير=ولا ينفع الرجال يا كود خاله
النفس ضاقت والهقاوي مغابير=والحظ طاح وطيحة الحظ عاله
حالي كما عودٍ عيونه مغاوير=ومن سطوة الاوجاع ياشين فاله
من عقب صفو العيش صابه غثابير=وعقب اكتمال العقل حان اختلاله
ما عاد يلفي يم بيته مسايير=وكلن تخلى عنه حتى عياله
وكبوه فالمرحان دمعه شخاتير=ويجاذب الونات والهم طاله
حالي كما حاله وما صار بيصير=إن كان ما حصّل فوادي مناله
من علةٍ ما تنجلي بالعقاقير=وطبي تعرفه وأنت كلك جماله
شفي وغاية مطلبي والتفاكير=جيب السفاري سعد منهو لفى له
من وارد النيسان فيه المعايير=متفرده حيث السفاري لحاله
أسطى من الضرغام وأرسى من النير=وأقسى من طويقٍ وشمّخ جباله
لا دِق سلفه وابدت لفة السير=على المراوح مثل لف المحاله
يطربك صوت محركه والمواطير=صوت الغضنفر مثل صوت اشتغاله
واليا كشحت النور وقت الدياجير=أشبهه بالبرق عند اشتعاله
هيبة ملك نجمة فلك واله تقدير=ولا هوب مقدي من يدور بداله
يقطع شموخ النفد مثل البواتير=والعرق لا قصه تطاير رماله
ولو خيروني ما ارتضي فيه تخيير=ولا اخترت غير لو جديد ووكاله
جيب السفاري في عيوني كما الزير=وغيره كما جساس راع النذاله
ولو قال بعض الناس ما فيه توفير=جاوبتهم جيبي وجيبي فدا له
ما منك يا زين التواصيف تقصير=ولا نيب عن شيخ المطاريش داله
فاق بجماله زين تاج الغنادير=ولا به سوى النيسان يطرب جماله
غلاه في صدري تميز عن الغير=وبجوف صدري دام عهد احتلاله
أفواج شوقي عند صدري طوابير=من هو عشق شيخ المطاريش قاله
زوله يخدر روس الاطراف تخدير=لا من لمحته كن فيني خباله
يا خال ترخص له جميع الدنانير=ولا همني لو هو بعيد نعنى له
يا خال دور غاية الروح تدوير=اللي تمشّى في خفوقي وصاله
موديل تسعين وتحت باب وصغير=والربع في النيسان يا خف حاله
دور علي اللي منتهض كنه الطير=الكافخ اللي جات حزة نقاله
أبيض كما لون البكار المغاتير=فيه الحداثه تمتزج بالاصاله
شده من البياع واخذ الفواتير=واشرط على طيب المكينه كفاله
وشيّك على الدفرنس والبدي والقير=والشاص ما يخفى عليك اعتداله
وركب له أربع طقم وجنوط وسبير=وأديتره شف قوته واحتماله
والزيت والسيفون تحتاج تغيير=ثم غسله عافاك رب نساله
ثم نحّره دوارد جعل المساتير=فالك وجعل أيام عمرك سهاله
أبيه قبل يغردن العصافير=يسرح وتو الجو زان وصفا له
أنحره للغرب والا محادير=وأطوف به نجد الجنوب وشماله
هذي طراة العمر والعيش تقزير=والعمر مهما طال مقرب زواله
(وأخير منها سنة الثلث الاخير=لا طاب نوم اللي نقع في ضلاله)
وصلاة ربي عد حمدٍ وتكبير = تغشى نبي الحق وأهله وآله
والصادقين الصالحين المشاهير = ومن سار في درب الهدى والرسالة
شعر أخيكم : ياسر السليس
(معن بن زائدة) هنا في مكشات
القصيدة هنا صوتية
http://www.youtube.com/watch?v=bGq8sXGZZN0
ابدا بذكر مقدر الكون تقدير=اللي كفل للعبد رزقه وماله
ميسرٍ للعبد كل المعاسير = ومفرجٍ حال الذي ضاق حاله
سبحانه المعبود رب التدابير= ما خاب عبدٍ فالشدايد لجا له
اللي جعل جنات عدنْ لْهل الخير=والهاويه للي مشى في ضلاله
جل وتعالى فجر والظهر وعصير=وفي كل حزه جل ربي جلاله
الحمد له منشي المزون المزابير=اللي من المنشى تزبر خياله
وارزم وسمى وانتهض دون تاخير=وأسقى ثرى نجدٍ وروى حلاله
من نعمة الوهاب جزل المقادير=إليا منح ما يمنح إلا الجزاله
أنعم علينا بالمطر والمسافير=من يوم شهر الحج شفنا هلاله
وأصبح لنا عيد الضحيه تياسير=واستبشروا به فالجنوب وشماله
لا والله ألا بشر الوسم تبشير=والوقت عقب الغيث روّح مجاله
وريح الخزامى والنفل والنواوير=فاح بفضا نجد العذيه وجاله
لا والله ألا حان وقت المشاوير=ومقابل الجدران حان ارتحاله
مرت على نجد العذيه تغايير=خلت كثير الهم يرتاح باله
يا صاحبي ما عاد فيها معاذير=وما عاد لي مقعاد حيثه جهاله
بالله يا نياف يا ابن المناعير=أهل الوفا والطيب وأهل الشكاله
يا خال مالي في البشر غيرك مجير=ولا ينفع الرجال يا كود خاله
النفس ضاقت والهقاوي مغابير=والحظ طاح وطيحة الحظ عاله
حالي كما عودٍ عيونه مغاوير=ومن سطوة الاوجاع ياشين فاله
من عقب صفو العيش صابه غثابير=وعقب اكتمال العقل حان اختلاله
ما عاد يلفي يم بيته مسايير=وكلن تخلى عنه حتى عياله
وكبوه فالمرحان دمعه شخاتير=ويجاذب الونات والهم طاله
حالي كما حاله وما صار بيصير=إن كان ما حصّل فوادي مناله
من علةٍ ما تنجلي بالعقاقير=وطبي تعرفه وأنت كلك جماله
شفي وغاية مطلبي والتفاكير=جيب السفاري سعد منهو لفى له
من وارد النيسان فيه المعايير=متفرده حيث السفاري لحاله
أسطى من الضرغام وأرسى من النير=وأقسى من طويقٍ وشمّخ جباله
لا دِق سلفه وابدت لفة السير=على المراوح مثل لف المحاله
يطربك صوت محركه والمواطير=صوت الغضنفر مثل صوت اشتغاله
واليا كشحت النور وقت الدياجير=أشبهه بالبرق عند اشتعاله
هيبة ملك نجمة فلك واله تقدير=ولا هوب مقدي من يدور بداله
يقطع شموخ النفد مثل البواتير=والعرق لا قصه تطاير رماله
ولو خيروني ما ارتضي فيه تخيير=ولا اخترت غير لو جديد ووكاله
جيب السفاري في عيوني كما الزير=وغيره كما جساس راع النذاله
ولو قال بعض الناس ما فيه توفير=جاوبتهم جيبي وجيبي فدا له
ما منك يا زين التواصيف تقصير=ولا نيب عن شيخ المطاريش داله
فاق بجماله زين تاج الغنادير=ولا به سوى النيسان يطرب جماله
غلاه في صدري تميز عن الغير=وبجوف صدري دام عهد احتلاله
أفواج شوقي عند صدري طوابير=من هو عشق شيخ المطاريش قاله
زوله يخدر روس الاطراف تخدير=لا من لمحته كن فيني خباله
يا خال ترخص له جميع الدنانير=ولا همني لو هو بعيد نعنى له
يا خال دور غاية الروح تدوير=اللي تمشّى في خفوقي وصاله
موديل تسعين وتحت باب وصغير=والربع في النيسان يا خف حاله
دور علي اللي منتهض كنه الطير=الكافخ اللي جات حزة نقاله
أبيض كما لون البكار المغاتير=فيه الحداثه تمتزج بالاصاله
شده من البياع واخذ الفواتير=واشرط على طيب المكينه كفاله
وشيّك على الدفرنس والبدي والقير=والشاص ما يخفى عليك اعتداله
وركب له أربع طقم وجنوط وسبير=وأديتره شف قوته واحتماله
والزيت والسيفون تحتاج تغيير=ثم غسله عافاك رب نساله
ثم نحّره دوارد جعل المساتير=فالك وجعل أيام عمرك سهاله
أبيه قبل يغردن العصافير=يسرح وتو الجو زان وصفا له
أنحره للغرب والا محادير=وأطوف به نجد الجنوب وشماله
هذي طراة العمر والعيش تقزير=والعمر مهما طال مقرب زواله
(وأخير منها سنة الثلث الاخير=لا طاب نوم اللي نقع في ضلاله)
وصلاة ربي عد حمدٍ وتكبير = تغشى نبي الحق وأهله وآله
والصادقين الصالحين المشاهير = ومن سار في درب الهدى والرسالة
شعر أخيكم : ياسر السليس
(معن بن زائدة) هنا في مكشات