عبدالله الصالح
12/03/2006, 02:54 AM
هذه قصيدة للشاعر الأخ مشعل حمود الحبيني حفظه الله ، وأظن أن أكثر من في المنتدى يعرف القصيدة إما قرأها أو سمعها وهي قصيدة يرثي بها الشاعر طيره في أبيات جميلة جداً وقد حازت هذه القصيدة على المركز الثالث في المعرض الدولي للصيد والفروسية ( أبوظبي 2004 ) .
البارحه ياحسيـن مركـاي كوعـي=من العشا الين اذن الفجر يا حسيـن
ما غير اسلـي خاطـري بالدموعـي=مثل الذي من يقضي الديـن بالديـن
وكل السبب طيري حسين الطبوعـي=النادر اللي شوفتـه تطـرب العيـن
اللـي ليـا منـي نهمتـه فزوعـي =مثل الشجاع الي نهمـوه القريبيـن
قمـت اتذكـر تلـتـه للطلـوعـي = بخدن قنصنا فيه حـروة اسبوعيـن
مدري ثمان ايـام معهـن اسبوعـي =لا شك كنهن يا ابن الاجواد يوميـن
وفي تالي المقناص يـوم الربوعـي =اتلى العهد به راح يلـوى الجناحيـن
اقفى وراء خـرب مصقـر جزوعـي =متذير واردفت مـن عقـب طيريـن
وسقنا معاهن وسـط خـد منوعـي =اقفن شمال ومبعـدات عـن العيـن
الخرب صامـل والنـداوي قطوعـي =حال الوعر من دونهـن والشعيبيـن
وقفت ادربل ميـر مامـن سنوعـي =وقالوا جهاز الطير ما نسمعـه زيـن
واجهدت رجلي بكل رجمن رفوعـي =ارقى والوح وادبل الصوت صوتيـن
وما قصرو وقـت المنافـع ربوعـي =وأخذت في جـو القطامـي نهاريـن
لاشـك طيـري مـا نوىللرجوعـي =وانـا بعـد حـدرت يـم البلاديـن
ما كان ودي ان المفـارق فجوعـي =ليتـه موادعنـي سـوات المحبيـن
الله يلـوم الطيـر بعـده يلـوعـي = خلاني اسهـر والمخاليـق ممسيـن
عساه يسلم مـن يديـن الطموعـي =اللي عن النشـاد يخفـي البراهيـن
والا الرجال الي تعـرف السنوعـي =تلقى على حجله مع السبـق رقميـن
والا عسـاه بنـاريـات التنـوعـي =ورزقه على الي خالق الناس من طين
ومما جرا يا حسين قلبـي قنوعـي =لو كان عقبه خاطري صايـر شيـن
البارحه ياحسيـن مركـاي كوعـي=من العشا الين اذن الفجر يا حسيـن
ما غير اسلـي خاطـري بالدموعـي=مثل الذي من يقضي الديـن بالديـن
وكل السبب طيري حسين الطبوعـي=النادر اللي شوفتـه تطـرب العيـن
اللـي ليـا منـي نهمتـه فزوعـي =مثل الشجاع الي نهمـوه القريبيـن
قمـت اتذكـر تلـتـه للطلـوعـي = بخدن قنصنا فيه حـروة اسبوعيـن
مدري ثمان ايـام معهـن اسبوعـي =لا شك كنهن يا ابن الاجواد يوميـن
وفي تالي المقناص يـوم الربوعـي =اتلى العهد به راح يلـوى الجناحيـن
اقفى وراء خـرب مصقـر جزوعـي =متذير واردفت مـن عقـب طيريـن
وسقنا معاهن وسـط خـد منوعـي =اقفن شمال ومبعـدات عـن العيـن
الخرب صامـل والنـداوي قطوعـي =حال الوعر من دونهـن والشعيبيـن
وقفت ادربل ميـر مامـن سنوعـي =وقالوا جهاز الطير ما نسمعـه زيـن
واجهدت رجلي بكل رجمن رفوعـي =ارقى والوح وادبل الصوت صوتيـن
وما قصرو وقـت المنافـع ربوعـي =وأخذت في جـو القطامـي نهاريـن
لاشـك طيـري مـا نوىللرجوعـي =وانـا بعـد حـدرت يـم البلاديـن
ما كان ودي ان المفـارق فجوعـي =ليتـه موادعنـي سـوات المحبيـن
الله يلـوم الطيـر بعـده يلـوعـي = خلاني اسهـر والمخاليـق ممسيـن
عساه يسلم مـن يديـن الطموعـي =اللي عن النشـاد يخفـي البراهيـن
والا الرجال الي تعـرف السنوعـي =تلقى على حجله مع السبـق رقميـن
والا عسـاه بنـاريـات التنـوعـي =ورزقه على الي خالق الناس من طين
ومما جرا يا حسين قلبـي قنوعـي =لو كان عقبه خاطري صايـر شيـن