الفزعة يا أبو شباب السيارة يهز هزة يمين يسار عند بداية التشغيل .

[king_ksa1]

السلام عليكم .
يا شباب ويا مهندسين .... عندي كابريس 2001 ال تي زد .
السيارة لو وقفت 12 ساعة وعند التشغيل يهتز السيارة يمين يسار إهتزاز قوية كأنها مرجيحة هههه لمدة 10 دقيقة حتى تسخن السيارة وتبقى وضعها الطبيعية زي اللوزة . سألت مهندس يقول طبيعي بس هو ما شافها لو شافها ممكن يغمى هههه .. غيرت البواجي والأسلاك كلفني قرابة 400 ريال .

تكفووووووووون مساعدة .. علما الشكمان فيها صوت شوية لأن الشكمان ملحوم شوية . وهل الهزة بسبب الشكمان . ومين يعرف محل شكمان تجاري في مكة لأن شكمان أصلي كاملة 1350 ريال قوية .

الله يعطيكم العافية .أنتم :good2:

[You Like Me]

وعليكم السلام والرحمه

انا صار لي نفس مشكلتك بس جيب باترول
وهو بارد يرج واذا احتمى تخف الرجه بس تحس فيها والسيارة واقفة
وصار من كراسي المكينة وغيرتها والحمد لله

[king_ksa1]

مشكور لردك وإن شاء الله بكرة أشيك على الكراسي المكينة والجيربوكس ..

بس الهزة في السيارة والشكمان غير منتظم وبعد التسخين تلاقي الهواء الشكمان منظم ولا يوجد هزة بعد التسخين السيارة تمام التمام .

[آخر العنقود]

هلا اخوي نظف الثروثل (مدخل الهواء للمكينه) من جهة الفلتر بالبخاخ وانتبه لا تلمسه بيدك لأنه يحتاج برمجه بعد لمسه باليد وشيك على البواجي ونظف حساس الهواء وبيضط ان شاء الله .....

[king_ksa1]

مشكور يا آخر العنقود ... أنت تقصد ننظف الثروتل بالبخاخ .. البواجي والأسلاك جديدة غيرت قبل يومين .

وفين هذا الحساس الهواء .

[king_ksa1]

وين ناس يا طيبين

[صاحب الماركيز]

الظاهر عندك مشكله بالكربريتر

[الا سير]

ههههههههههههه
مثل مايقول لك الرجال شيك على الكربريتر

[mesh3l 87]

سارتلي نفس المشكله بكابرس 87 ونضفت الكلبريتر وغيرت بواجي وغيرت كل شي وسار ميه ميه كانه وكاله وبعد 3 ايام رجعه نفس المشكله ولا كاني سويت شي والله قهر

[صاحب الماركيز]

هههههاي وانا كمان زيك واخرتها طلع من الشفاط

[الا سير]

ياخوي صاحب الماركيز ياليت تتاكد من نوعيت السياره
قبل لاترد لانها بخاخ ماهي كربريتر

[صاحب الماركيز]

والله ماادري مهو انا صاحب السياره عشان اقولك هي كربريتر ولا بخاخات اساله هو

[king_ksa1]

الظاهر عندك مشكله بالكربريتر

هههههههههه يا عمي سيارة مافيها كاربريتر .ممكن تقصد بخاخ .

[king_ksa1]

وإن شاء الله راح أنظف الثروتل زي ما قال آخر العنقود ...
يا صاحب ماركيز تأكد من سيارتك كاربريتر أم بخاخ .

[You Like Me]

الظاهر عندك مشكله بالكربريتر


:D

اقول صاحب الماركيز
جننتك الكرسيدا وكربريترها هههههههههه

king_ksa1
ليتك تبلغنا بنفس الموضوع وش صار معاك

[mgs71]

اخوي في مثل سيارتك لازم تفحص كمبيوتر عشان تحدد ايش المشكله واذا لمبه المكينه شغاله لازم تروح تفحص بس اشك انه تكون المشكله من حساس الاكسجين اللي يجي في المواسير ومكانها تقريبا وسط السياره تلاقي الحساسات شابكه في مواسير الشكمان واحد على يمين الجربكس وواحد على اليسار ,اذا صارت السياره فيها رجه قويه مستمره افصل افياش حساسات الاكسجين وجرب السياره .
ايوه ولا تخلي احد يفتي عليك ويقولك دبه الرصاص المشكله لانه هاذي صارت لشباب كثير اعرفهم اصحاب المحلات يفتحوها ويقولك مسدوده وهي مافيها شيء وفي النهايه يبيعوها وهاذي قيمتها في الوكاله غاليه .

[king_ksa1]

كيف حالكم يا شباب بالنسبة للسيارة أحسن من أول غيرت دبة الوسط أقصد الوسطى .بس بالنسبة للهزة بعد التشغيل زي ما هي .بعد ما تسخن فوق الخط تصبح عادي بدون هز ولا رجة .

يا مهندسين إيش الفرق بين الدبتين الأمامي والخلفي عندالمخرج الشمكان .. لأني أخي إلي راح غير الدبة فسألته فيها حساسات الميكانيكي يقول ما في حساسات .. طيب محل حساسات ..

.....

أخي mgs71 ... اليوم مريت عند محل الفحص بالكمبيوتر فسألته كم الفحص قال 100 ريال وإن شاء الله أفحصها وأعطيكم الخبر . (( بس فصل الحساسات ما تخرب السيارة )))