المساعد الشخصي الرقمي

مشاهدة النسخة كاملة : ياسير النور مبروك الحصاد =بارك الله بالولد واخت الولد.حله راع الحزم..الحل( العنزروت)


جرير
04/12/2011, 12:59 PM
ياسير النور مبروك الحصاد =بارك الله بالولد واخت الولد
ياعسى ماوهب لك رب العباد=صالحين مصلحين بالبلد
دوك لغزي جربه حضر وباد=مايبين الا باوقات الجلد
فارسي الاصل وعندي بالبلاد=ياطعمته الشرعنك شرد
اوله عند الشواوي بالجلاد=واخره درب الخواجه ياسند
ناصر العلي
04/12/2011, 01:04 PM
سلمت يالغالي
وصح لسانك
ومسند على غالي
رمعة و قبل التمعن
بـــــــــارود
جرير
04/12/2011, 01:06 PM
سلمت يالغالي

وصح لسانك
ومسند على غالي
رمعة و قبل التمعن

بـــــــــارود




الله لا يهينك يابو علي نعجز عن الشكر واتعبناك بالغازنا هالكديش سامحنا
لم تصبه
ناصر العلي
04/12/2011, 01:30 PM
تعبك راحة يالغالي
طيب مايصير
الطير....الحر....الوافي
افضلها الفارسي والحر الصافي والجارودي وهذا يأتي من جبل جارود في إيران
جرير
04/12/2011, 01:45 PM
تعبك راحة يالغالي

طيب مايصير
الطير....الحر....الوافي
افضلها الفارسي والحر الصافي والجارودي وهذا يأتي من جبل جارود في إيران


......................
مالك لوا
نجم000الشمال
04/12/2011, 01:48 PM
سلمت يالغالي.... وصح لسانك يا بو احمد ، ومسند على عزيز وغالي
والف مبروك اخوي اسير النور والله يجعلها وجه خير وينبتها نباتا حسنا
ويرزقكم برها ويبارك فيها هي واخوانها.
.
.
.
والغز محل تفكير..............
راع الحزم
04/12/2011, 01:50 PM
مبروك يااسير النور
والله يصلح ماعطى يالغالي

صح لسانك ياجرير على هاللغز وبادرة مباركة طيبة من طيب

والله يالبرد ماله الا العنزروت
أبوعبدالرحمن99
04/12/2011, 02:30 PM
يا كريم المد يا رب العباد=يا عضيم الملك يا واحد صمد
يا إله الكون تعطيه السداد = تجعل أيامه سعادة للأبد
وافي ابو احمد على المطلب و زاد= لك جزيل الشكر ما يحصيه عد
و اعتقد راع الحزم جاب المراد=عنزروت البرد للمعنى ورد
ودي اسردها قصيدة باتقاد=لكن الفكر العصي شكله رقد !
مسيرs
04/12/2011, 08:33 PM
ماشاء الله تبارك الله الف مبروك يااسير الخير ربي يحفظها لك ويحفظك لها
وتشكر يامديرنا جرير انت راعي مواجيب وسباق لكل خير لله درك
ولنا عودة للرمع بإذن الله
أبو رافع الظاعن
05/12/2011, 08:02 AM
بارك الله في المولودة وأقر بها عيون والديها ...

وشكر الله لك هذا السبق يا أبا أحمد ...
جرير
05/12/2011, 08:09 AM
يسعد صباحكم ولكم الشكر
الحل عنزروت وراع الحزم جابه

http://www.khayma.com/hawaj/HERBPIC2/ANZROT.JPG