المساعد الشخصي الرقمي

مشاهدة النسخة كاملة : رايكم يالربع


ولداهلي
04/12/2011, 10:18 PM
السلام عليكم
مساء الخير / صباح الخير
العذر والسموحة هذي اول مشاركة واستفسر منكم
سؤالي انا عندي مساحة في سور البيت تقريبا 3*3
وثلاث جهات منها جدرانها قايمه
وودي احط فيها مشب ومحتار ودي بخيمه وودي اقوم جدار
ومحتااار تكفون عطوني رايكم
900
04/12/2011, 10:20 PM
مابقى شي كمل الجدار والسقف

وتوكل على الله
جواد النفود
04/12/2011, 10:29 PM
طالما قايم عندك 3 جدران كمل الثالث وإسقفه إما خشب معزول برول الإسفلت أو نظام خيمة والشراع العلوي PVC مع تبطينها سدو من الداخل.
موفق إن شاءالله..وهذه الطريقة أرخص من القهوة الشعبية .
بروح معاكم
04/12/2011, 10:41 PM
كمل الجدار وطق المشب وحط بوية الجزيره مشاش اللي على شكل طين ارخص من الطين وانظف والسقف حطه بعد ماتصبه بصبه جبس على شكل اثل ورموح بيطلع مضبوط
بواردي رحال
05/12/2011, 12:04 AM
حط جدار ومن فوق السقف
يحطون لك القرميد الاحمر
ومن جوى يصير مثل الخيمه وشكل خيمه
وما تكلفك
عاشق السيل
05/12/2011, 06:56 AM
وعليكم السلام ورحمة الله وبركاته ،،

إذا البيت ملك قوم الجدار وخله ملحق عادي وفيه مشب وإن شاء الله مايكلفك شي ،،

وإذا البيت أجار ممكن تحط خيمة علشان تشيلها معك لا طلعت من البيت ،، والله يوفقك للي فيه الخير والصلاح .....
أبوصالح 105
05/12/2011, 10:01 AM
أنصحك ن الداخل ضع بوية اسمها ـ سفيتو ـ ما تفرق عن الطين ولا ملم!! وأحسم من المشاشكووالفرق واجد ،،، سعر الكيس تقريبا 30 ريال ويمد لك خمسة متر !!
وإذا بغيت تحط طين من الداخل أفضل لك لأنه يعطيك شمة إذا دخلته !!
والسفيتو من الخارج علشان المطر !!
نصيحة مجرب ،،،
والكمار لازم تشرط على اللي يزينه إنه يخلط لك مع الجبص جص طبيعي علشان يمسك صح ولا يتشطب،، وإذا خلَّصت من الكمار اضرب عليه بوية أبيض بس بدون لماع ،،، اضربه مطفي !!
وأي استفسار أنا حاضر
ترى السفيتو لازم يخلط معه تبن ـ بوجه العدو ـ ،،،