اليوم وانا طالع للبر

[ابو مناخ]

اليوم وانا طالع للبر قابلت بومة لها قرنين حجمها جد ا كبير نزلت من السيارة وقربتها قرب ماكنت اتوقع اني بجي جنبها والله ياجماعة الخير تروعت من عيونها وقرونها واللي زاد خوفي الساعة 2 ضهر وعيونها مبققة فيني رجعت للسيارتي واقول بسم الله الرحمن الرحيم
وش فيها ماطارت السؤال هل هي ماتطير في النهار ولا وش قصت هذا الطير
خذيت لها كم صورة اخليكم معها

http://www4.0zz0.com/2011/12/04/20/480372072.jpg


http://www2.0zz0.com/2011/12/04/20/408354162.jpg


http://www12.0zz0.com/2011/12/04/20/157548234.jpg


http://www11.0zz0.com/2011/12/04/20/219658664.jpg

[صقر20]

هاذي يابومناخ عدو للصقور العيال بالبر لازم يفكون براقع الطيور على الأوكار إذا جاء وقت نومهم
أحياناً وصارت خصوص بالدهناء تقش الطير المبرقع بسكوت وتسرقه سرق ولا أصبح راعيه ولا طيره نصفين
ومايشيل أهل الطيور الشوازن إلا له وللحصني والعقاب والغراب

[أبوعبدالرحمن الأسعدي]

هذا الفيوم له صوت يختلف عن البومه صوته تقول فحيح وشخير !! اكل حمامنا ولعب في حسبه الدجاج وترصدنا له بالتسبره وخرقناها لعيونه بالشوزن بس اهم شي جا على خشته وهذا الي ابي ...قطع ومخلي :D

[لعبتي الطيار]

هذا الفيوم له صوت يختلف عن البومه صوته تقول فحيح وشخير !! اكل حمامنا ولعب في حسبه الدجاج وترصدنا له بالتسبره وخرقناها لعيونه بالشوزن بس اهم شي جا على خشته وهذا الي ابي ...قطع ومخلي :D

اي والله قطع ومخلي:D:D:D:D عساكم رقعتو التسبره عقب كوح هالحلبي:D

[عرام نجد]

السلام عليكم
يمكن يابو مناخ لها عش في الشجره الله يخفيها

انا مره صار لي موقف عن البومه كرهت شوفتها جيت انا و العيال نبي خضيري حي طلق وحش لطيور قلنا مالنا الا القلبان في الليل رحنا لقليب مليان خضيري وحطينا شراعنا علا القليب ولا صبرنا في القليب خوف ان الخضيري يطلع حين حطينا الشراع جا شي يضرب في الشراع قلنا اول الخير فتحت فتحه في الشراع وحطيت الكشاف معها وجاني الي يضرب في الشراع ونا متجهز امسكه يوم عطتني راسها وشفته بغيت انقز في البير من الخوف وحرمت اصبر في القلبان اسف علا الاطاله

[وحيد الليل404]

البومه ماتشوف بالنهار

[(هزاع)]

خلايق ربي
سبحان الخالق ماخلقت عبث
مشكور

[عشقي الصحاري]

وعليكم السلام@
وفي خلقه شؤون سبحانه@
اللي اعرف ان البومه بالنها ماتشوف@

[راعي الشبب511]

لا والله تشوف البومه في النهار ممكن ان شوفها يضعف في النهار لاكنها تشوف
ولقيت من هذا النوع ثنتين الموسم الي راح
والله يوفقك

[القناص ag]

لا والله تشوف البومه في النهار ممكن ان شوفها يضعف في النهار لاكنها تشوف

ولقيت من هذا النوع ثنتين الموسم الي راح

والله يوفقك




كلاااااااااام سليم ونا والله قبل سنيتن ماسكهن بالنهار قطع صغير
تلاقيهن فوق راس الحصى المكوم على شكل شحن ويفرخن
داخلهن ومسكتهن وعاشن عندي زمن طويل بس للاسف
ما فرخن عندي وتم بيعهن على احد الاخوان @

[فرخ قطا]

بالنهار تشوف بس يمكن ضعيف الشوف

[قناص بني هاشم]

شكلك أول مره تشوف بومه هههههه

[ابو مناخ]

لاوالله شفت منها كثير بس هذي انا قربت منها قرب ولا طارت
لذلك شكيت انها ماتشوف او شوفها ضعيف يارجل شوي وامسكها بس عليها ارضية ومخالب كبيرة

[متولع بالقنص]

غريب ما طارت

ما شفت حولها شي

[P A T R O L]

بسم الله والله يانزيت منها مره ياويل حالي

[أبو معاذ 2006]

ههههههههههههههههه

انا لقيتها قبل فتره وانا على سيارة ونيت ماني على الجيب

ولما شفتها وانا اطالع لها نسيت السياره الا انا بالتغريسه اللي الله لا يوريك ههههههههههههه

ولا يطلعنا الا راعي جيب ,,, ولما قلت انا كنت اناظر بومه وانا قريب منها ,,, ضحك وقال :

ياخي العرب يتشائمون منها بالجاهليه ,,, وكن قلت : اللهم لا طير الا طيرك ولا خير الا خيرك ولا إله غيرك.

كما أوصانا النبي صلى الله عليه وسلم ,,,

ومرّه شفتها بعد المغرب ,,,, خفت تجيني جلطه لاني على اول ما سلمت من الصلاه الا هي قداااااااامي .

[مكشاتي 2011]

هذي تاكل الصقر والدجاج

وهي خطره

[ابو مناخ]

ابومعاذ 2006 الله يشرح صدرك نفس الموقف

[حمود الصعيبي]

يالربع الطيور انعلمها على البوم الكبير اذا قفت طيارها كنه طيار حبارى تجسر قلوب الطيور

[zzzz2011]

الصيد حلو وناسه

[الصامل1]

الله يكفينا شرها

[غ يمار]

اهب ياوجه البومه مااقشره

[حجر بحري]

البومه شوفها ضعيف في النهار وتتعب حيل في عز الشمس
ومامنها اذى احنا قوم عيشين بينها .

[ahmed dirar]

اخواني الكرام البومه ايضا حلقه من سلسله الحيات البريه ولها دورها في التوازن الطبيعي بعض الناس يهولون الاشياء ويكبرونها لاحجام مخيفه ويحكمون بالاعدام عليها لشكلها ادا خافو منها او لم يرتاحو اليه البومه غداؤها الرئيسي هو الفئران وهي تتخلص من كميات كبيره منها وفي اروبا تسكن في حظائر الحيوانات والاشجار القريبه من المنازل وتبني اعشاشها فهم يتركوها في حالها ومعيشتها علي الفيران فالبومه عامل نظافه فيران لا اكتر ولا اقل وشكرا