المساعد الشخصي الرقمي

مشاهدة النسخة كاملة : كم تحتاج واط لتشغيل مكيف مواطير الكهرباء !!


algnooon
05/12/2011, 12:43 AM
السلام عليكم

نفس العنوان ؟

انا بشتري ماطور كهرباء ولا اعرف كم احتاج واط وابي شوركم وش تنصحوني باافضل الانواع وانسب الاسعار ؟؟

بنسبه لستخدامي مكيف + لمبات بالصيف والشتاء ..

فزعتكم ياشبيبه الله يجزاكم خيرر ...
ابولولو
05/12/2011, 12:56 AM
اخوي اللمبات امره بسيط فيه توفير منه ولا تستهلك كهرب ابدآ
وحدد مكيف فريون او صحراوي لان الصحراوي مايقارن باالفريون ابدآ
والماطور فه الروبن الياباني ممتاز عملي اذا وجد ياباني لان الموجود اكثره هندي ووكيله عبدالله هاشم بشارع الريل لو تاخذ مستعمل ياباني نظيف احسن من الهندي ولا تقرب الصيني ابدآ
وخذ النصيحه وريح نفسك من المواطير وركب الطاقه الشمسيه وكل مااخذت واط اكثر احسن وافضل وخلك باالصحراوي اذا اخذت طاقه شميه
اتمنا اني افدك والاخوان يفدونك اكثر واحسن
سداااااح
05/12/2011, 01:24 AM
هلابك لاكن اعتقد لازم تتنتبه لشغلة المكيف يبي كهرب زياده عند التشغيل بالذات
وبعدهاا يستقر على حدود معينه ولاكن انتبه لشغلة الامبيرات
algnooon
05/12/2011, 02:26 AM
بيض الله وجيهكم ماقصرتوو

لاكن السؤال يبقى كم احتاج واط او كم لازم يكون حجم المطور ؟ لان عندي ماطور 900 واط لاكن ماجربته ؟؟
راعي الطلعات
05/12/2011, 02:35 AM
اذكر شغلة صحراوي ربع حصان على ماطور 3500واط صيني بس مايشتغل معه الا لمبه وحده وتلفزيون

اتوقع يبيلك 5000 واط واكثر وانصح بالديزل اتمنا اني افدتك
الخولاني
05/12/2011, 04:43 AM
يبي لك خمسة كيلو واط يعني 5000 او اكثر المهم لا ينقص عنها لأن المكيف في بداية التشغيل يسحب خمسة كيلو واط
راعي الخريب
05/12/2011, 11:21 AM
السلام عليكم ورحمة الله وبركاته

اخوي بعطيك بعض النصايح بتجربتي

في بعض المكيفات ماتسحب كهرب زود يعني يمكن تسحب من 2000 واط الى 3000 واط مكتوب فالاستكر بجانب المكيف

وثاني شي على حسب المكيف عندك كم قوته طن او طنين او طنين ونص لانه يعتمد
من طن واحد الى طن ونص 5500 هوندا اليمكس تشغلها بس بيكون ظغط على الماطور
لو حسبتها تاخذ ماطور 10 كي في او 8 كيفي بيوفي بالغرض
وان شالله اني افدتك
no fear 78
05/12/2011, 11:27 AM
3000 واط اشغل مكيف طن الى ربع
6000 واط اشغل مكيف طن و نصف
هذي على مواطير هوندا او روبن مع امكنية تشغيل 6 لمبات
yes999
31/12/2011, 03:34 AM
الى يبي يشغل مكيف فريون ياخذ ماطور 10 كيلو يعني 10000 وات
هوازني
31/12/2011, 05:37 AM
بيض الله وجيهكم ماقصرتوو

لاكن السؤال يبقى كم احتاج واط او كم لازم يكون حجم المطور ؟ لان عندي ماطور 900 واط لاكن ماجربته ؟؟

هلا اخوي
اذا مكيفك فعلا 900 واط فانت تحتاج ماطور 2000 واط او 2kw فقط
ولا اعتقد ان مكيفك فريون لان اصغر مكيف فريون يسحب حول 1200 واط
المكيف الفريون العادي حق المنزل 18 وحده يسحب حول 2300 واط عند التشغيل
وبعدين يستقر حدود 1800 واط

انت تحتاج لتشغيل مكيف فرييون عادي مع ثلاثه لمبات 100 شمعه ماطور بقوه 3000 واط
اذاً احتياجك هو ماطور 3كيلو واط ( 3000 واط )

وتاكد ان الماطور هوندى او ليمار جيده النوع وابعد عن الصيني

ملاحظه : استهلاك الكهربائيه او القدرره الكهربائيه لا تحسب بالطن بل بالواط أو الكيلو واط او الميقا والقياقا واط
الطن وحده حساب وزن الاثقال
جيبي جايزلي
31/12/2011, 11:47 AM
يبيلك مكينه من 10 كيلو وطالع لان ماطور 3 كيلو او 4 كيلو مايخدمك مع وجود مكيف ولمبات ويمكن براده ماء
al-rsmy
31/12/2011, 12:25 PM
بيض الله وجيهكم ماقصرتوو

لاكن السؤال يبقى كم احتاج واط او كم لازم يكون حجم المطور ؟ لان عندي ماطور 900 واط لاكن ماجربته ؟؟

عزيزي .. ماطور بقوة 900 واط ما راح يشغل لك المكيف الفريون , وما يحتاج تجربه

انت تحتاج ماطور أقوى .

والعمليه كلها محتاجه دراسة بسيطه ... مثلاً

المكيف الفريون يستهلك 2300 واط

ونفرض ان اللمبه 100 واط = 100 * 3 = 300 واط

يصير احتياجك كالتالي = 2300 + 300 = 2600 واط

مثل ما وضح اغلب الاعضاء .. ولكن الافضل انك تاخذ من 500 إلى 1000 واط اضافي احتياطاً وعلى أقل تقدير ... ويصير الاجمالي ماطور بقوة 3000 واط او 4000 واط ... لانه ما تدري بكرا تحتاج تضيف لمبات او تشغل تلفزيون او اي شي إضافي .. وبنفس الوقت ما تجهد الماطور بإتسهلاك جميع الواطات .
وللمعلوميه ... كل قطعه كهربائيه تلقى مكتوب فيها بالخلف سعة الواطات المستهلكه
ومعلومه أخرى ... يجب مراعات عرض سلك النحاس للمكيف الفريون بحيث يكون 4 ملي واكثر .. واقل من ذلك يسبب ضغط على السلك .
وآسف ع الاطاله
الواهج
05/01/2012, 02:46 AM
7000 واط وخلك بالسليم اما الميتسوبيشي او الهوندا او الروبن الاصلي
هوازني
05/01/2012, 12:08 PM
بعض الاخوه يهديهم الله يفتون بلا علم

لماذا تشيرون عليه بماطور قوتها اكبر من حاجته

الماطور 3000 واط الي 4000 سيكون كافي وزياده

فلماذا الاسراف في عدد الواطات دون ان يستفاد منها

انا اتحدث هنا من علم + خبره
وتخصصي هندسه كهربائيه
سداااااح
23/01/2012, 02:12 PM
هوازني كلامك صحيح بس على ماعتقد المواطير ماينجح ولازم يكون عندك زيادة كهرب لايقل عن ٣٠٪
على اقل تقدير والصحيح والافضل ٥٠٪ من قوة التكيف
هاذا ماعندي لعل غيري يفيد اكثر
الهاجر12
23/01/2012, 02:22 PM
عليك اخوي بالمكينه لأن الماطور 6500 واط عند عبدالله هاشم 4725 ريال ومكينه مستعمله 12000 كيلو تحط عليها 300ريال صيانة (بس يفحصها لك حق المواطير) تلقاها تقريباأ مابين 5000ألى 7500 ريال بس تشغللك مكيفين فريون (لاتشغلها مع بعض) أو 6 مكيفات صحراويه مع لمبات مع تمناياتي لك بالتوفيق وأخوك ابو الوليد
tabtab055
07/05/2013, 08:13 PM
ياشباب ماطور صيني 8 كيلو هل يشغل مكيف الزامل 18000 وحده افيدوني جزاكم الله خير